#حرب_الملائكة 15
انفتح الباب وخشت ليان شفاته بي الحاله هادي
تلقائيا قربت منه بسرعه تهدي فيه وتحاول تفهم شن صار!؟؟؟؟؟
قلبها تحطم لما شفاته يخبط ودموعه في عيونه!
حضناته ❤️
والحضن هاذا رجعه لي موقف قبل 18العام!!!....
فلاش باك🔥🔥
كان عدي طايح على الارض
جسمه يرجف ومش قادر يقيم راسه كأن في حد ضربه
وسط البرد يلي كان فيه خشت عليه ليان بخطواتها الصغيره ❤️
نزلت على ركبيها ع الارض وحضناته بلطف❤️
حس بي شي وقتها اسمه حنان يلي كان فاقده طووول عمره ومش قادر يحس بطعمته
طفله صغيره شايفه شخص مضلوم قدامه ومش قادره تساعده بي شي غير بحضن صغير ممكن يخفف عليه التعب
وانتهى الحضن اول ما خشت عليها حناهم مريم وعيطت عليها
نرجعو للواقع ❤️
السنين غيرت هلبا حاجات والماضي تغير 180درجه !
انهار عدي في لحضة ضعف رغم انه كان يملك كلللل شي والساحه ليه !
نفس الموقف بزبط!
ملقاش الا ليان داخله عليه وحاضناته تحاول تخفف عليه رغم هيا مكانتش حتى تعرف بي شنو صار معاه!؟
ليان:تمسح على راسه بهدوء.....شن صاير ؟
عدي:مسك في حضنها اكتر واكتر❤️كأنه غارق وهيا القشه الوحيده يلي تنقذه !
ليان:متبيش تحكي !
عدي:ساكت بدون كلام
ليان:بعداته من عليها بهدوء وهيا تشوف في الدنيا يلي كانت مدمره قدامها!....واضح ان الموضوع كبير صح؟
عدي:ناض وقف وعطاها بي الضهر
قعد يقيم في اجهزته ويتأكد انهم بخير او لا
ليان:ناضت من ع الارض وهيا تشوفله ....متبي شي ؟!
عدي:شاف لي الساعه ...ارجعيلي الساعه1نبيك
ليان:بعلامات استغراب....الساعه1؟؟
علاش
عدي:بدون ما يشوفلها ...تعالي بدون ما تسألي
ليان:سكتت دقايق وطلعت وسيباته
___________________________________
ناهد:كيف؟!
ضياء:شنو يلي كيف!...كلامي صاعب لهدرجة؟
ناهد:لا لكن ليش كل ما نلقى عدي نبعد من عليه شنو في!؟
ضياء:مش ضروري تفهمي ديري يلي نقولك عليه وانتي ساكته
ناهد:بس انت تحكي ع ولد عمي يلي قاعدين في حوشه وداير باله علينا علاش بنبعد من عليه ان شاء الله وهوا عمره مايفكر يضرني؟!
ضياء:ضحك بهزوا على ثقتها بكلامها ...انتي ديري يلي نقولك عليه بدون كلام زايد
ناهد:انت عارف كويس اني نكررره الاسلوب هاذا معاي كيف تأمر فيا
ضياء:نأمر فيك ايه اي مانع ؟
ناهد:ساكته
ضياء:ندوي اناااا
ناهد:نسمع فيك
ضياء:تنهد بعمق.....انا منبيشي يصير الجو هوا ونقعد نعيط عليك كل شويه
اهدي ناهد واسمعي كلامي
ناهد:شن اخرت كلامك هاذا عادي نفهم؟!
ضياء:نجيك توا تنزلي؟!
ناهد:😯وين؟
ضياء:نجيك الحوش
انزليلي5دقايق نهدرزلك شنو اخر كلامي واركبي
ناهد:هه لا طبعا مستحيل منقدرش
ضياء:شويه ونكون عندك ....وسكر الخط
____________________________________
ليلى:تغيرت ملامح وجها وتوسعو عيونها بفرح...انتي شن تقولي ؟
ساره:اي يضايق فياااا
يخش للمطبخ يتلمس فيا بشكل اخي وغريب ويحكي معاي بطريقه غريبه انا معش نقدر نتحمله
ليلى:تتكلم بفرح وحماس .....هاذا اليوم يلي ندور فيه انااااا
اخيرااا الحمد الله طلع حاط العين عليك
ساره:تشوف لي امها بصدمه....شن تحكي امي ؟
نقولك قاعد يقرب عليا بطريقه علط و......
ليلى:مفييش حاجه اسمها غلطططط
اسمعيني من غضوا لبسك بيتغير قدامه
البسي الضيق واطلقي ها الشعر هاذا يلي 24ساعه قايمتيه
عندي شيشة ريحه بوك جايبهولي من تركيا تهبل بخي منها
وفمك فممممك الروج مينتحاش منه تسمعي فيا؟
ساره:تهز في راسها بصدمه....مستحيل يلي قاعده اديري فيه وربي
ليلى:مسكتها من كتافها.....فكري شويه
خلي عندك دماااغ تفكري بيه وافهمي كويس
ياخدك تكوني مرته والرزق هاذا كلللله يبدا ليك
تبدي انتي تحكمي وتطلقي في الحوش !!
ساره:بعدت يدين امها بعنف ....من قااااال انه بيتزوجني ؟
مرات هوا يبي شي معين مني بس وبيفوتني!!!
ليلى:ابتسمت بشر....لاا
لما يغلط معاك ويبدا فيه شهود وقتها ياخدك ورجله فوق رقبته
ساره:قرنت حواجبها.....شن تحكي ؟
شنو يلي تفكري فيه انتي؟
ليلى:قربت من بنتها وهيا تحكي بجديات ....لو حاول يقرب منك
مترفضيش
ساره:واقفه ساكته ومصدومه في كلام امها
ليلى:ولو محاولش يقرب منك انتي قربيه ليك خليك ذكيه
سلره:شافت كويس كيف احلامها تدمر قدامها
وشافت مستقبلها مع خالد خلاص بدي يضيع ومفيش اي امل تكون معاه!!
طلعت بهدوء من الغرفه بدون ما ترد ع امها والف فكره ادور في راسها والاهم من هاذا كله سؤال واحد بس
هل بيكون مصيرها نفس مصير رتال؟؟؟
