(Unicode)
* ငါက ကျန်းရီရှင်း ဆိုတဲ့ နွေဦးမှာပဲ ပွင့်ချင်တဲ့ နွေဦးပန်းကလေးဖြစ်နေတာမို့ Jackson *
အဲ့ဒီနေ့က အဝေးကိုငေးကြည့်ရင်း ထိုစကားကိုဆိုခဲ့သည့် ဂျွန်မြောင့်မျက်နှာက တည်ငြိမ်လွန်းလှသည် ။
မင်းပါးပါးကို ဘယ်လောက်ချစ်လဲ ဆိုသော ဂျွန်မြောင်၏ မေးခွန်းကို Jackson အကြိမ်ကြိမ်ပြန်စဥ်းစားမိသည် ။
ဂျွန်မြောင့်ခံစားချက်တွေသည် တစ်ဖက်သတ်သာဆို ပါးပါးပျော်ရွှင်မှုအကြောင်း ဂျွန်မြောင် မေးခွန်းထုတ်ပိုင်ခွင့် မရှိဘူးလေ ။
" ပါးပါး ''
ခြံထဲထိုင်နေရင်း တစ်စုံတရာကိုတွေးနေဟန်ရှိသော ပါးပါးက သူ့ခေါ်သံကြားမှ အသိဝင်လာဟန် ။
သူစိတ်ထင်၍လားပင် ။
ပါးပါးလည်းခုရက်ထဲ မျက်နှာသိပ်မကောင်းဟုထင်မှတ်နေမိသည် ။
ဂျွန်မြောင့်စကားတွေကြောင့် သူစိတ်ထင်နေသည်ပင်လော....။
" မအိပ်သေးဘူးလား သားငယ် ''
" အိပ်မပျော်လို့...ပါးပါးရော ''
" ပါးပါးလည်း အိပ်မပျော်တာနဲ့ ''
"ကျန်းအာ ခုတလော အပြင်သိပ်ထွက်တာမတွေ့သလိုပဲ ''
" ဒီလိုပါပဲ ''
" ဂျွန်မြောင်နဲ့ရော အဆင်ပြေရဲ့လား ''
ပါးပါးအမေးကြောင့် Jackson ခေါင်းဖြေးညှင်းစွာခါပြလိုက်သည် ။
" အဆင်ပြေသွားမှာပါ ''
ပါးပါးက သူ့ပခုံးကိုဆုပ်ကိုင်ရင်းအားပေးတော့ ပါးပါး မျက်ဝန်းတွေကိုသူကြည့်မိသည် ။
ပါးပါး၏ မျက်ဝန်းတွေသည် သိပ်မတောက်ပသလိုပင် ။
" ပါးပါး ''
" အင်း ''
" ဂျွန်မြောင်က သားကိုမေးတယ် ပါးပါးကို ဘယ်လောက်ချစ်လဲ တဲ့ ''
သူ့အားငေးကြည့်နေတဲ့ပါးပါးမျက်ဝန်းတွေက ပြောင်းလဲမှုလေးကြောင့် Jackson ဂျွန်မြောင့်မေးခွန်းကိုနားလည်ချင်လာသယောင် ။
ESTÁS LEYENDO
🌼 April And Flower 🌼
Fanfic🌼 ဒီနွေဦးမှာ Daisy ပန်းလေးတစ်ပွင့် ကျွန်တော် ကောက်ရခဲ့သည် 🌼