كرونيك.. رواية قصيرة بوليسية و رومنسية تشمل العديد من الجرائم و المشاكل الاجتماعية .. بعيدا عن المشاكل.. سوف نتعرف على الطف الشخصيات .. قصة المفتش العام البارد و الطبيبة النفسية ذو شخصية نادرة
بعض الافكار مقتبسة من مسلسل :مصيبة رأسي
لكن كل الجرائم...
- براءة .. براءة .. برااءة ويينك .. كانت طالعة الدروج بزربة بش تقومهاا .. قداشهاا مهملة .. كل يوم نفس الحكاية .. وصلت للبيت لقات الباب مسكر بقات تدق - براءة حل معادش عليك وقت .. برااءة وينك الشوفور يستنا اللوطاا .. حليت عينياا و راسي يوجع و نحس فيه يضرب كالمنgالا .. و امي كالعادة فالباب ( كانت تجيني و تقومني اذاكا علاه وليت نسكر الباب).. خزرت للوقت .. قمت متوجهة للباب .. حليتو .. نرا فيها يديها في حزامها و تضرب بساقها عالارض .. عرفتها تغششت .. ترميت عندهاا نبووس و نعنق - صباح النور يا نيلي صباح الورد صبااح الياسمين .. - يزيني بلا ريق .. تعرف قداش الوقت ماو ؟؟ موش قلنا السهريات معادش ؟ الكلام مش تو برا حضر روحك و اخرج مفماش فطور .. - مامّاااا تكلم بصيااح .. مغير منشعر خرجت مني - س..سامحني امي ولله مانقصد نعيط عليك سامحني بربي ولله راسي يوجع.. - الكلو مالي تشرب فيه كان هفتت و بقيت رايضة خيرلك .. الزوز مخاخناا سرحوو و رجعو ذكرياات بعييدة .. بعد تنهيدة قسمتلي بيها قلبي مشات هبطت .. رجعت انا للبيت عاودت سكرت الباب .. عملت مكياجي وزنت روحي و لبست دبشي .. نسقت طالون و ساك و عملت مالبارفان المفضلة متاعي و خرجت .. اليوم مفماش فطور .. ديراكت للعيادة .. ركبت مع الشوفور وصلني و خلالي الكرهبة و مشاا .. تو ال07:35 .. عندي شكون بش يجي نرمالمون ال07:30 .. خرجت لقاعة الانتظار لقيت 3 عباد .. حسيت لعبت عليا الدوخة .. رجعت للpc بش نقرا الاسم و ناديلو .. - احم .. مسيو ماهر ال - انا هو - تفضل مسيوو دخل .. سكرت انا الباب .. نفخت بصوت خفيف هو ميسمعوش.. ضاهر من عينيه انسان مش ساهل .. و شبه مستحيل انو يحكي .. -تفضل اقعد بلاش البلاصة - حتانا منيش مخلص 120 دينار بش نبقا واقف عملت روحها مسمعتوش .. قعد و قعدت هي بعدو .. - احم .. مالا قتلي علاه جااي .. تحكي معاه و تشوف فالpc متاعهاا .. مخلاتوش يجاوب و تكلمت .. - عدم التحكم في مشاعره .. امم .. يطلب شهادة صحة جيدة للمريض في نهاية العلاج .. - مريض ؟ - يا سيد .. نعرف نت علاه جاي و شنوا بش تقول .. تحب تشري شهادة و مستعد تدفع قد الي نقلك عليه .. جيت خاتر المدير بعثك ؟ نتصورك محامي ؟ او شرطي !! - مدامك تعرف ! علاش نطولو فيها و هي قصيرة .. - هناك مبدأ يا سيد .. تو من فضلك .. بش نبداو .. قدملي روحك.. ماهر ماكانش يستناا فيها ترفض .. براءة كانت تحللو في dossier على الpc - شو مادام - شوف مسيو هنا عيادة تحب تعالج روحك تفضل ما تحبش في الامان عندي des patients يستناو .. ماهر وقف .. بقا يغزر للفضاء شوي و خرج و طربق الباب وراه .. سكرت براءة الdossier و قفت و نفضت يديها و مشات تنادي للpatient الي بعدو .... ماهر: خرجت كيماا جيت .. خلي المدير يعمل الي في مخو .. رجعتني مريض!! ركبت في الكرهبة و ماشي للمركز .. كيف وصلت جاني بلاغ الي التوأم الي سجناه البارح انتحر .. مشيت انا و سيف و فاروق للسجون بش نتفقدوو و نحلو ملف ! بلكي قتلوه ! نيلي: بعد ما خرجت براءة من الدار كيف العادة خرجت للجردة انا و كاس تيزان .. و المعينة الداخل تنظم في الدار و تزيد شوي و تبدى تحضر في الفطور .. اليوم نهار كبير .. براءة تبقى تستناه كل جمعة بالدقيقة و اللحضة .. في كل نهار كيما اليوم تمشي ترى بوها .. انا نايلة ينادولي نيلي .. من الطبقة المخملية عرست وانا صغيرة في العمر .. ب مصطفى .. حبلت .. و قبل مانولد تقلبت حياتناا ... ..... براءة : كملت الرنديفوات اليوم و تو وقيت نمشي نقضي قضيات و نروح نهز القفة و نمشي لpapa .. براءة كانت فرحاانة و الفرحة موش سايعتهاا كيما كل جمعة .. سكرت العيادة و خارجة تجاه الكرهبة .. و تليفونها نوقز .. - الو - الو براءة - شكون معايا - انا .. ا..انا متع البارح - شنوا متع البارح ؟ - انا الي رقدت معاك البارح .. جيت بش نطلب السماح خاتر الزوز كناا موش في وعيناا .. علقت عليه التليفون .. موش بش تخلي حد يفسدلها المود الي هي فيه .. روحت عرضتهاا المعينة بقفة هزتها و رماتلها بوسة في الهوى .. و رجعت ماشية للسجون ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
