غلطة اختطاف

الحلقة 9

#غلطة_اختطاف

#الحلقة9

هبة واقفة ومصدومة في بلال وهوا نازل في فتحي ابواني 😳:بلال خلاص حيموت
بلال التفت عليها واعيونه حمر من الغضب وبصوت عالي:خشي جوا وسكري الباب 😡
هبة انفجعت وخافت من صوته وغضبه خشت وسكرت الباب

بلال مسكه من دبشه ورفعه وطلع بيه برة
هبة ترعش فتحت الباب فتحة بسيطة واتباوع شافت بلال وهوا ماسكه ويكر فيه برة
سكرت الباب والتفتت ترعش ماسكة يديها بتوتر وخايفة قعمزت وحطت راسها بين يديها تبكي
هبة:استغفرالله ياربي ليش انا يصير معايا هكي 😭توا حننفضح في العمارة وتشوه سمعتي 😭 غمضت اعيونها ورجعت بذاكرتها ليوم
(هبة مقعمزة لابسة عباية ووشاح ولامه دبشها في شنطة ومقعمزة مطبسة راسها وتبكي
خال هبة:انت الي جبتيه لروحك الراجل مافيه شي ليش ترفضيه😡وتحرجيني معاه
هبة:والله ماقصدي نحرجك ياخالي لكن الراجل كبير عليا كبير واجد 😭
خال هبة:كبير او صغير الراجل مايعيبه شي الي بعقلها تبي السترة اتوافق لكن انت شكلك تبي اتصيعي علي حل شعرك صبي خودي بلاك ووجهك معش بنشوفه تبي اديري حاجة ديريها بينك وبين ربك واوعك اتجيبي سيرتنا انه نحنا خوالك امشي شوهي سمعه هلك اسم باتك وجدك الي ماعبرك واحد من اعمامك 😡
هبة:انا مستحيل اندير حاجة تغضب ربي خالي الله يخليك خليني شهر بس لعند نلقا مكان نقعد فيه 😭منبيش نقعد في الشارع
خال هبة مسكها من ذراعها وخدا شنطتها ورفعها :لا شهر لا ساعة العرب يبو يجو يستلمو الحوش اخر الاسبوع برة امشي دوري وين تقعدي برة😡 )
طق طق طق طق
فاقت من  سرحانها علي دق الباب قربت من الباب بخوف :ممن
بلال :افتحي هبة انا بلال
هبة فتحت الباب وبلال دخل وسكر الباب بسرعة
بلال شافلها :هبة انت بخير
هبة شافتله بغل😡 وانفجرت :من يوم ماشفتك ماشفت الخير   تضرب فيه علي صدره بيديها   توا شن اندير وين انعدي 😭😭حرام عليك حراام 😭😭
واستمرت تحكي وتفش في خاطرها علي كل انسان اذاها بدات بامها وباتها لخوالها اعمامها
هبة كانت شايلة وجع كبير في قلبها بلال كان واقف ومخليها اطلع الي في قلبها كله حس بيها شايلة وجع وتبي اتفضفض علي شان اتريح
انهارت بعد ماكملت عتابها علي كل انسان اذاها طاحت علي ركبيها وحطت يديها علي وجهها وانهارت بلبكاء
بلال قلبه وجعه عليها نزل علي ركبيه قابلها رفع يديه يبي ياخدها في حظنه لكن متردد
بعد صراع مع نفسه لف يديه حواليها وحظنها وهوا خايف ومتردد من ردة فعلها
هبة استمرت بلبكاء بدون ردة فعل يمكن كانت محتاجة لحظن انسان يحن عليها ويحس بوجعها😔
..............روايات دابي............

سعاد:والله البنت شكلها اكويسة
عادل:تي شنو دخلني بيها اكويسة ولا مش اكويسة البنت واضح عليها صاح مريضة وفاقدة الذاكرة
سعاد:والله سالتها واجد وفعلا ياعادل البنت مش مذكرة شي بكل ورتني حتى تقرير المستشفى
عادل:اووف الواحد معش عرف كيف يصرف 😡
سعاد:انت وسع بالك ادم متربي تحت يدينا ونعرفوه مستحيل ايدير الي انت قاعد اتفكر فيه
عادل:عارفه ولدنا وولد امي وعارفه ااخ طفي الضي خلينا نرقدو اليوم حرق اعصاب وخلاص
.
.
.
اسيل:قتلك حرقلي اعصابي البارد صاحب المحل😡
فاطمة:توا مش غيرتيها بوحده اخرة خلاص
اسيل:تي انقولك زدته فلوس
فاطمة:من وين الفلوس
اسيل:خديت من فلوس تجديد القيد امتاع الجامعة
فاطمة:حاي عليك من بابا شنو اديري توا ماحتى عطاك اخرة
اسيل ادور في الاكياس وفي دولابها
فاطمة:فيش ادوري
اسيل:جزداني الي فيه بطاقتي الجامعة والفلوس معش لقيته
فاطمة :حاي عليك اكيد راح منك توا شنو اديري
اسيل وقفت لحظات اتفكر 😱:حاي عليا اكيد طاح مني في سيارة الشاب
فاطمة:اي شاب
اسيل:هضا واحد سيارته نفس سيارة بابا بلزبط عارفة فولة وانقسمت نصين طالعة من المحل متعقدة لقيتها قدامي واقفة جا في بالي همام فتحت السيارة وركبت
فاطمة:وبعدها
اسيل:خلاص عمك همام ركب فيا البارد احرجني احداه
فاطمة:والشاب هضا طرف ولا لا 😍
اسيل قعمزت عالسرير ونفخت :اووف والله ماركزتش ياخيتي خطيني خليني في همي توا شنو اندير بلا بطاقتي الجامعة والفلوس 😭😭
فاطمة:بكرا عدي للعميد الجامعة وقدمي بلاغ يعطيك ورقة اتمشي بيها صاحبتي دارت هكي السنة الي فاتت
اسيل:والفلوس  🥺
فاطمة:توا ادبريهن مرة اخرة رقدت وتغطت  طفي الضي ورانا قراية بكرا
اسيل 😒
...................روايات دابي............