غلطة اختطاف

الحلقة 12

#غلطة_اختطاف

#الحلقة12

هبة:😲انا وين وانت شنو ادير
لفت بعيونها كانت قاعدة في غرفة الطوارئ في المستشفى ومعلوقة في يدها تغذية رفعت روحها بصعوبة

بلال بلهفة عليها:ردي بالك اليبرة راهو اتضري روحك

هبة شافتله بغضب وفكت التغذية الي عالقة فيها نزلت من السرير واترنح وتحاول اتوازن نفسها

بلال مسكها :تي تريحي مزلتي دايخة كنك انت

هبة دفاته :متلمسنيش ومعش اتقرب مني ساد ماجاني من وراك😡
بلال 😳
هبة خدت شنطتها وطلعت وتحرك بصعوبة
الممرضة:ياختي معليش مزلتي مكملتي التغذية يااختي

هبة طلعت بدون ماتشوف وراها ولا ترد علي حد وبلال لحقها بدون ماتنتبه عليه حس بيها متعقدة محبش يزعجها

طلعت من المستشفى وطلعت عالباركن تبرم وادور علي سيارتها
لفت بعيونها لعند لمحت بلال يحكي مع واحد وبعدها شكره وقرب منها
هبة:😡انت متبيش تفهم وتخليني في حالي ولا والله انبلغ فيك
بلال:اهدي اهدي تفضلي هذينا مفاتيح سيارتك الناس الي سعفوك جابوها لكي تلقيها برة المستشفى

هبة عقدت حواجبها باستغراب:الناس الي سعفوني ؟

بلال:لقو سيارة وقفت علي اشارة المرور ومعش تحركتي مغمى عليك ومش حاسة بروحك
هبة:ووانت شنو جابك
بلال :المستشفى رن عليا😁
هبة:وليش يرن عليك وكيف عرف رقمك
بلال حط يديه في اجيوبه وطبس عليها:فيه رقمين في نقالك واحد مكتوب عليه نور ولقوه مقفل وواحد مكتوب عليه بلال وانا رديت شكله معندكش اصدقاء واجد😁

هبة باحراج طبست راسها:ككييف عندي رقمين طبعا لا بس اكييد لقوه اول واحد قدامهم رنو عليه

بلال عض علي شاربه بضحكه:توا انت عليش حارقة دمك ياستي انا معنديش مانع رنو عليا عادي اهم حاجة عندي اتكوني بخير😊
هبة :😡بخير لو تبعد عليا معش بنشوف وجهك وياريتك تمحى رقمي ورقمك حنمحاه من توا والتفتت وتبي تمشي
بلال مسكها من يدها وقفها:ليش متعقدة مني

هبة التفتت عليه 😡:لانه بسببك انا توا في الشارع
بلال😳
هبة شافتله بغل والم نفضت يدها وعدت طلعت برة المستشفى ولقت سيارتها فتحتها وركبت فيها وانهارت بالبكاء
بلال كان واقف بعيد ويشوفلها بكسرة قلب💔
................روايات دابي.......

ضامها ولاف بيديه عليها ومش عارف شنو يدير
غالية خشت تجري مفجوعة:😱حاي عليا كنها كنها ياادم
ادم بخوف :ووالله مانعرف شكلها انفجعت من الغاز بعد بك نار قوية
غالية نزلت علي ركبيها وطبست علي نور اتهدي فيها:جيب مية البنت مفجوعة فجعة شينة حاي عليا

ادم صبا يجري وصب مية ومدها لامه
غالية:نور يابنيتي اهدي حبيبتي واشربي مية قولي بسم الله بس
ادم اعيونه بلهفة وخوف علي نور يشوفلها بدون مايحس بنفسه نزل علي ركبيه ومسك راسها وضمها لصدره ويحاول يهديها ونور مغمضة اعيونها ومسكرا وذانها بيديها ومنهارة
.
.
.
راقدة علي كرعيها وغالية اتملس علي شعرها وتقرا في قران
فتح الباب وخش بكباية نعناع
ادم واعيونه علي نور:مازالت ماوعت لروحها
غالية:لالا ااه ياناري حبيبتي تبكي وهيا راقدة
ادم حط الكباية عالكوميدو :هضا نعناع كان وعت خليها تشربه يهدي اعصابها
غالية :باهي تعال خليك احداها اشوية بس علي ماصليت العشاء وجيت مزلت ماصليته حاي عليا