غلطة اختطاف

الحلقة 13

#غلطة_اختطاف

#الحلقة13

قيس 😡
فريحة:قيس ممكن تستنا في السيارة 😊
قيس 😳:ااووكي  ومشى

طارق:ممكن اتفسري الي صار امس😡
فريحة:ااااخخوويا رن عليا وقالي لو كملتي محاضرة بنحكي معاك خخفت وطلعت نجري رررننيت علي جابر وجا خداني عالحوش ووببس
طارق برفعة حاجب كانه مش مصدقها:🤨 وتلفونك كنك ماتردي
فريحة:اا😅ممعليش ناسيته في داري وطول اللننهاار ققضيته مع ماما تحت ببس اول ماشفت الرسالة كنت ناوية انرن عليك ببس مش عارفه شنو لهاني 😊
طارق:ممم توا انقولو صدقتك اوكي
فريحة 😳
طارق شاور براسه علي قيس:وهضا شنو قصته مش قتلك حاولي اتوزعيه😡
فريحة:االللا لا والله ماعد نقدر خويا دارلي مشكلة امس لاني كذبت عليه وجيت الجامعة بلاه
طارق:وتوا كيف يصير ياقلبي نبي نشوفك ابروحنا مشبعتش منك امس 😉
فريحة:توا يجي عمي ونقرو الفاتحة وتشبع مني لعند بس😊
طارق:اااه ععممك
فريحة:كيف مش قلت اسبوع بس ويجي باتك😡
طارق:ااها اها خلاص هوا قريب يتم اموره ويروح بس قصدي علي ماروح باتي خلينا نطلعو هكي نغيرو جونا
فريحة:طارق انا خلاص والله ماعد نقدر نطلع معاك تحمل واصبر لعند يروح باتك وبعدها دير الي تبيها عن اذنك تاخرت  ولفت مشت 😒
طارق يشوفلها وهيا ماشية بحقد :شكلك بتبدي تعصي لكن حنجيبك حنجيبك 😠
.................روايات دابي............

غالية:نور
نور طلعت من الدار :نعم ياعمتي😊
غالية:كملتيها الدار
نور:اها مسحتها وكنستها 😊كان عندك بخورة توا نبخرها
غالية:ليش اتعبي في روحك واالله كنت لميتها ابروحي
نور:مافيهاش تعب عادي وبعدين انا توا زي بنتك 😊عادي لو عاونتك
غالية:عاوناتك العافية حبيبتي توا نولعلك فحمة وتلقي في دولابي فاسوخة
نور:باهي وخشت للدار
غالية ولعت الفحمة وحطتها في البخارة وطلعت من المطبخ نور جتها
نور:هاتي عنك توا انا انبخر
غالية عطتها البخارة:قتلك يانور
نور:نعم
غالية:ققتلك يابنيتي انت توا قلتي انت كيف بنتي ويشهد الله خشيتي قلبي ومليتي عليا الحوش يابنيتي
نور:😊تسلمي ياعمتي
غالية:ااققتلك انا بنمشي اشوية بس مش مطولة لعند جارتي هنا غير ولدها داير حادث ومزلت ماحمدت علي سلامته
نور:عادي وشنو فيها
غالية:يعني متزعليش مني اتقولي خلتني ابروحي في الحوش
نور تضحك :لا والله مانزعل 😄وليش بنزعل
غالية:نجك ليا هيا خليني نمشي بيش منطولش وردي بالك من الطنجرة سلم بنيتي حطيت مكرونة علنار
نور:حاضر 😊
.
.
.
اسيل :بابا عادي انتغدى عند حني اليوم 😊رايفتلها
عادل:صاح والله انا بروحي ليا كم يوم عليها وانا اصلا ناوي نمشيلها ونشوف شنو صار في البلوة الي جابها السيد 😠
اسيل تخمم:مش غير بلوة😠
.
.
نور شافت الطنجرة وطلعت دارت سلاطة وسيقت الحمام وغسلت مواعين الفطور وقعمزت اتفكر
نور:انحس في جو الغسل والتطبيخ والتسييق مش غريب عليا اكيدة كنت حتى عند اهلي هكي حطت راسها بين يديها   ااه ياربي اشفيني وردلي ذاكرتي  سمعت الباب يدق استغربت لبست محرمة صلاة وطلعت  ممن
اسيل سمعت صوتها كيف رقيق وناعم 😠
عادل:افتحي
نور وراء الباب بخوف:ممن انت
اسيل ربعت يديها :مصح وجهها 😒
عادل:افتحي الباب انا خالهم عادل
نور اذكرت ااشخص الي اول يوم جت فيه وادم عرفها انه خاله وهوا كشخ عليها وطلع فتحت الباب وخشو وهيا منحرجة طبست راسها
عادل :كيف قاعدة ابروحك ولا شنو
نور باحراج:ااها ععمتتي غالية تزور في جارتها وادم مش قاعد
اسيل اتشوف فيها كيف سمحة ورقيقة النار ولعت فيها😠
عادل:باهي خشن انتن جوا توا نستناها فم الباب
نور شافت لاسيل :اهلين تفضلي
اسيل:طبعا انتفضل هضا حوش حني ياماما😒وخشت
نور شافتلها باستغراب وخشت وراها
.
.
اسيل سلحت جاكتها ووشاحها وحطت شنطتها وقعمزت :اااه
نور قعمزت احداها باحراج:اانت بنت خال ادم
اسيل:بنت خاله اها و
خشت غالية قاطعتها:مرحبتين اسولي
اسيل صبت وسلمت علي حنها :خيرات ياحني كيف حالك 😊
غالية:الحمدالله وينكم باهي الي خطرنا عليكم يابتي عليك قطع😒
اسيل:والله الجامعة بدت ولهينا غباكي ياحني قراية وهكي😊لكن بكرا معنديش قلت لبابا رايفتلك قالي خلينا نمشو نتغدو عندها
غالية:مرحبتين
اسيل:بابا برة راه
غالية:اها تلاقيت معاه قاعد خش للمربوعة شافت لنور  شفتي بنيتي نور تعرفتي عليها
اسيل:اها😒تعرفنا
نور:😳مستغربة نظرات اسيل 🙄
غالية:نور تعالي خلينا ننصبو الغداء عادل واسيل ماراه الا جواعة
نور صبت:حاضر هيا 😊
اسيل 😠:واخدا راحتها واجد الابلة 😤
................روايات دابي.........