*انتي _ قدري*(ابن العم)
بقلم الكاتبه *زهراء التميمي* البارت الثامن و العشرون*
اسد : اتعدت الايام و اني و غزالي نتخابر و اني گلبي نار عليه و متاني العطله تجي و اصلا اهنه خلصن متحانات و قررت افاتح الوالد حتي نعقد و حتي العرس بسرعه انسوي لان بعد مااتحمل گلبي خلصان و اريده يمي
جنت جاي من الدوام و العصرکلحنه گاعدین و فهد ك العاده يحشش
فهد : عود زهراء هم اتعرس و ايصيرون عده جهال هههههه
زهراء چانت گاعده یم ابوي و اهوا حاط ايده علا كتفه و يضحك
زهراء : اشبيه عيني احسن منك محد يگلبك
فهد : لج اني الملك البنات يموتن عليه بس غير اني مااحجي
نمر : غیر یستقر توم کروز
فهد : هاهاهاها ي مضغوط مني
زهراء : و علا شنو مضغوط منك اشو اجلح املح
فهد : انتي سكتي باجر الحول كل احجايه يسحلج
اهوا حجه بدون قصد بس اهيه لان جدي و جدتي ميتين اتثارت و گالت
زهراء : ايي لان انه يتيمه يستقوي عليه
و بجت عثمان اتخبل لان اهدا كلش مقرب منه و ابوي حظنه و گله
جاسم : اففااااا و انه میت و هیچ تحچین و انت انچب ابن الجلب
فهد : زهورا والله اتشاقه هاي خدج ابوسه
و گام باسه و احنه نضحك بس عثمان سحبه الحظنه و باس راسه و گله
عثمان : زهور البیت تبچي عسه دموعج غسلن فهيدان
زهراء : اسم الله لا تحجي عليه
فهد : فديت عمتي الحلوه بخطبتي اله اشتريلج نعال من الزينات
جاسم : اشر و انه اخطبلك
فهد : مو الحد مااتخرج
جاسم : لا يابه عدنه خير من الله اذا اتريد ازوجك ويه اخوك لان غيرك مايعرف يثبت علا كلمه
و باوع علا نمر
نمر ماحجه
عثمان : عمي مادام رنا خلصت متحاناته اريد نعقد و حتي العرس اريده هسه
رنا رفعت راسه مصدومه و اني منتبهه عليهم هاي فتره يتجنبون بعض بس ماحبيت اتدخل لان عثمان واعي و يعرف يتصرف
جاسم : بيه الخير عمي گبع و اخذ
رنا : هاي شنووووو اني مااريد
جاسم : شنو ماتردين بابا
رنا : مااريد اتزوج هسه مو بعد السادس
اسد : بنيتي عثمان مراح ايبطلج
رنا : مااريد مااريد
و گامت تبچي عثمان اعصاب خله و طلع و اهيه تبجي و سكتنه زهراء حرنه بيه اني عرفت بيهم متعاركين بس ماحجيت گلت بعدین افهم منه
أنت تقرأ
انتي قدري (ابن العم)
Romansaرنا : هاي اشبيك وگعتني عثمان و اهوا يستنشق عطره : اششششش اسكتي جمدت ابمكاني و گلبي اجه ايطيح بل بجامه گام یرفس عثمان : رنا احبچ انصدمت صابنتی فهوا رنا بفهاوا : هاااااا ششد قبضت ایده علیه و گال عثمان : ایي بعد مااتحمل اكتم اموت عليچ و اعشگچ و م...
