حب ام انتقام

الجزء الأول

محمد كان طفل صغير كان في الشارع بعد موت ابوه وامه ولقاه
جلال والد مصطفى واخده ورباه زي ابنه وكبر محمد وعرف طبيعة شغل والده جلال بس مكنش يعرف ان جلال عنده شغل تاني في الضل
جلال هو اللي ربي محمد زي ابنه بس غير ان هو رجل اعمال ناجح كان من اكبر تجار الاثار هو وشريكه وهو دا الشغل اللي محمد مكنش يعرف عنه حاجة
وفي يوم جلال وشريكه كانو بيدورو علي مقبره جديده ولحسن حظهم لقووها بعد مافحتم في الارض
نزل جلال وشريكه المقبره وكان فيها اثار كتير ومومياء بس الطمع كان ليه الكلمه الاكبر بين كل دول
شريك جلال..... محدش هياخد حاجة من المقبره غيري انا
جلال.... ازاي احنا شركاء وهنقسم كل حاجه بينا بالنص
بس اللي جلال مكنش متوقعه ان شريكه دا يطلع مسدسه ويضرب جلال بالنار ويموت
واخد شريكه كل حاجه
محمد عرف بموت والده جلال بس للاسف مكنش يعرف مين اللي قتله واتولي محمد مسؤلية تربية اخوه مصطفي اللي كان اصغر منه ب6 سنين لحد ما كبر مصطفي ودخل كلية الشرطه بس طول الفتره اللي فاتت ومحمد بيحاول انه يعرف مين اللي قتل جلال مكنش في حاجة في دماغه غير كدا ولما يلاقيه يقتله وينتقم لابوه اللي رباه
محمد رجل اعمال ناجح واتولي كل اعمال وممتلكات جلال بعد موته وفي يوم كان راكب عربيته ورايح الشركه بس وهو في الطريق خبط بنت بالعربية واصابتها كانت بسيطه بس هو اخدها وراح المستشفى واتعالجت وبقت كويسه
تاني يوم محمد راحلها المستشفي عشان يطمن عليها بس هي اول ماشفته اتعصبت وفضلت تزعقله وهو اتعصب وخرج من المستشفي ورجع بيته
وفي يوم محمد كان في مكتبه في الشركه والباب خبط
ودخلت منه بنت جميلة جدا وكانت هي البنت اللي خبطها بالعربية
البنت اسمها ندا
ندا... انت؟!
محمد... انتي؟!
ندا... انت ايه اللي مقعدك ع مكتب المدير
محمد بصلها من غير كلام
ندا... استني بس المدير يجي واكيد هيعرفك قيمتك
الباب خبط ودخلت السكرتيره.... اتفضل يا فندم دي خطة المشروع الجديد
ندا للسكرتيره.... هو مين دا؟
السكرتيره.... دا مدير الشركه
ندا.... ااا... اانااا.... انا مكنتش اعرف انك مدير الشركة
محمد.... انتي جايه ليه وعايزه ايه
ندا... انا جايه اقدم في الوظيفة الجديدة
محمد.... خلاص مافيش وظايف اتفضلي
ندا بعياط... انا اسفه بس انا محتاجه الشغل دا
وفضلت تعيط
محمد... بس بس اهدي انتي اسمك ايه
ندا.... انا اسمي ندا الجزار
محمد... خلاص هتشتغلي بس بشرط
ندا... ايه هو؟
محمد.... تبطلي عياط
ندا بابتسامه.. حاضر
محمد للسكرتيره... تعالي حالا
دخلت السكرتيره... افندم
محمد... خدي ندا اتعينت في الوظيفة الجديده عرفيها مكان مكتبها وطبيعة الشغل
السكرتيره... حاضر يا فندم
خرجت ندا وهي بتقول لنفسها.... مغرور اوي بس قمر يخربيتك 😂
محمد خلص شغل ورجع البيت
وطلع موبايله ورن علي شخص
محمد.... الوو
الشخص.............
محمد... انا لازم اعرف مين اللي قتل ابويا ويتم اخويا
الشخص..............
محمد.... خلاص ماشي بس انا عايز اخبار جديدة في اسرع وقت
محمد خلص المكالمه وراح لاخوه مصطفي
محمد..... ها عامل ايه النهارده
مصطفي.... الحمد لله تمم
محمد.... عامل ايه فى الكلية
مصطفي.... الحمد لله باقي شهور واتخرج واعلق نجمه
محمد..... انشالله يا حضرة الظابط خد بالك من نفسك ومذاكرتك واي حاجة تعوزها اطلبها
مصطفي... ربنا يخليك ليا
محمد دخل اوضته وغير هدومه عشان ينام بس وهو علي السرير كان بيفكر في ندا واللي عملته في الشركه
محمد.... هو انا بفكر فيها ليه انا من زمان قررت اني مش هحب ولا هرتبط الا لما اخد بتار بابا من قتله
                 عند ندا
ندا رجعت البيت وهي فرحانه ومبسوطه انها لقت الوظيفة المناسبة ليها
ندا.... ماما ماما باركيلي يا ماما
سهام مامتها.... مبروك يا حبيبتي بس علي ايه
ندا.... قبلوني في الوظيفة الجديدة
سهام بفرح...... الف الف مبروك يا حبيبتي
سلوي..... مبروك يا قلب اختك تعالي بقي
دخلو الاتنين الاوضه
سلوي...  احكيلي بقي علي كل اللي حصل
ندا حكتلها كل حاجه...
سلوي.... طيب ومحمد دا حلو ع كدا
ندا... قمر اوي بس مغرور جدا
سلوي.... طيب متسيبيهولي
ندا... اتوكسي ومالكيش دعوه بيه
سلوي... ايه انتي وقعتي ولا ايه
ندا.... مش عارفة
سلوي... طيب يلا ننام عشان شغلك
ندا نايمه ع السرير بس بتفكر في محمد لحد ما نامت
تاني يوم عند محمد
محمد قام من النوم... كان عاري الصدر وعضلات صدره ودراعاته بارزه دخل اخد دوش وغير هدومه كان لابس بنطلون لبني وقميص ابيض جوا البنطلون وبدله  لبني
ونزل ركب عربيته وهو في الطريق قابل ندا واقفه في الشارع مستنيه تاكسي وقفلها واخدها معاه في العربية ومشي
طول الطريق وندا بتبصله من غير ما ياخد باله وهو مش مديها اي اهتمام
ندا في نفسها... يخربيتك جمالك ازاي الجمال دا كله ومغرور اوي كدا
بعد شوية وصلو الشركه
محمد... وصلنا يلا اتفضلي
نزلت ندي ومحمد من العربية ودخلو الشركه بس طول الوقت في الشركه ندا بتفكر في محمد
بس محمد كل تفكيره في ان هو يلاقي اللي قتل ابوه اللي رباه
             عند محمد في المكتب
الباب خبط
محمد.... ادخل
دخلت ندا..... حضرتك كنت عايزني
محمد.... ايوه خدي الورق دا واطبعيه
ندا واقفه بتتأمل في محمد
محمد.... ندا.. ندا... وطرق بصوابعه.. ايه روحتي فين
ندا... ااا.. انا مع حضرتك
محمد طيب خدي الورق اطبعيه
ندا... حاضر وخرجت
محمد لنفسه.... مالك فيك ايه ركز في شغلك
ندي رجعت مكتبها وهي بتفكر فيه لسه وحست بقلبها بيدق بسرعه
كلو خلص شغله ومروحين
وكان الوقت متاخر
محمد..... تحبي اوصلك يا ندا
ندا... لأ ميرسي هاخد تاكسي
محمد.... ماشي براحتك
ركب عربيته ومشي بس وهو في طريقه لقي بنت بتجري ووراها شاب بيجري وراها
محمد نزل من عربيته ومسك البنت واتفاجئ انها ندا
الشاب.... ايه يا حلوه هو عاجبك سيبك منه وانا هبسطك
محمد سمع كلامه واتعصب ومسك الشاب ضربه واخد ندا ركبها العربية....
محمد.... قلتلك تعالي اوصلك عاجبك اللي حصل دا
ندا منهاره وبتعيط
هنا محمد قلبه رق ووقف العربية.... خلاص.. خلاص بطلي عياط
ندا منهاره ومش بتسكت
محمد محسش بنفسه غير وندا في حضنه وبيهديها
ندا هديت وحست في حضنه بالامان بعد شوية ندا فاقت وبعدت عنه...... انا اسفه
بعد كدا محمد وصلها البيت وفضل واقف بعربيته لحد ما اطمن انها طلعت البيت
            عند محمد في البيت
رجع البيت وفضل يفكر في ندا وكان اول مره يحس ان قلبه بيدق ونفسه يشوف ندا تاني
           عند ندا
دخلت ندا البيت وهي فرحانه بس عينيها كلها دموع
سهام شافتها.... مالك يا حبيبتي
ندا.... مافيش يا ماما
سلوي اخدت ندا من ايديها ودخلت الاوضه.... في ايه احكيلي بتعيطي ليه.
ندي حكتلها علي كل حاجه
سلوي حضنتها وهديتها...... بس..... واضح كدا انك وقعتي في حبه
ندا ضربتها علي كتفها..... نامي بدل ماولع فيكي
سلوي.... لا وعلي ايه الطيب احسن تصبحي ع خير
صباح اليوم التالي
     عند محمد
قام من النوم وغير هدومه وركب عربيته وراح الشركه
محمد للسكرتيره.... ابعتيلي ندا
السكرتيره.... حاضر
بعد شوية الباب خبط ودخلت السكرتيره..... ندا مجتش النهارده يا فندم
محمد اتضايق وقلق عليها وقرر انه يروحلها البيت

يتبع في الجزء التاني 👇 👇 👇 👇 👇
متنسوش تدعموني
رواية حب ام انتقام للكاتب
Mohamed hamdy