السلام عليكم ورحمه الله وبركاته
نبدأ بسم الله الرحمن الرحيم
في غرفة حور في المستشفي
دخل شاهين وتكلم بنبرة مخيفة : انت كنتي مخططة لدا كله يا حور
رفعت حور عيناها لتنظر لعينا شاهين المشتعلتين : اه ...كنت مخططة لدا كله
أقترب منها عدة خطوات : يعني مكنتيش حامل
أغمضت عيناها وضغطت عليهما بشدة : لاء كنت حامل ...واجهضت فعلا أول مرة انا مخططتش لكل حاجة لوحدي لأن ياسين عرف أن فيه حد حبوب إجهاض لأمل
تكلم ياسين بخوف وصدمة : أمل .... يعني أمل اللي كانت مقصودة مش انتي
تعجبت حور من رد فعل شاهين وفي عقلها قالت " و ما الفرق بيني وبين أمل ألست أبنتك مثلها ؟ " : اه كانت أمل المقصودة مش أنا
تدارك شاهين نفسه ورد بتساؤل: ومين عمل كدا
نظرت حور له ثم رفعت أحد حاجبيها : بتسأل ليه ... سامح مازن
نظر لها بإستغراب : إنتي اللي بتقولي كدا بعد اللي قاله ليكي
ابتسمت حور : دي لحظة غضب أو زعل على حال بباه ...مهما عمل رشاد هيفضل مازن ويوسف بيحبوه دا أبوهم بردو ...وتابعت بأبتسامة مريرة هي صحيح بينت اللي مازن شايله من ناحيتي بس تمام اللي هيروح مش هيكون اغلي من اللي راح ....سامحه يا بابا أنت بتحبه زي إبنك وأمل بتحبه لأنه جوزها وأبو ابنها متبقاش سبب في أن ابن مازن وأمل يعيش في عذاب الفراق
جلس شاهين بإهمال : صحيح بحب مازن زي أبني بس بردو أمل هي اللي بنتي
قامت حور من مكانه واقتربت منه وضعت يدها علي كتفه : مين مش بيحصل معاه مشاكل يا بابا ...الفرق بس في اللي بيحكم عقله واللي بيتهور ....سامحه رشاد بيلعب في عداد عمره ونهايته قربت مازن محتاج حد جنبه
آماء له شاهين ولكن لم يلفظ اي كلمه وقام وخرج من مكانه
نظرت حور عليه وهو خارج ولكن أدركت أن هناك أمر ما يخطط له شاهين أو بالأحرى يفعله شاهين ولكن ما هو ؟؟ ....يتبع
**"********"**
في بلد بشرى
تحدث عمها "ممدوح" بغلظة : قوليلي بقي جاية في خير ولا شر
ابتسمت بشرى وتكلمت بهدوء : ربنا ما يكتب علينا شر يا عمي
ارتخت ملامح وجهه الغاضبة : امممم أن شاء الله ...فين خطيبك أمال
اخذت بضع ثواني ثم قالت بهدوء: عنده شغل ...قالي استني نخلص ونيجي مع بعض بس بصراحة كنتوا واحشني يا عمي والله
أبتسم ممدوح برضا : الله يعزك يا بنت الغالي ... تصدقي كان نفسي اجوزك ابراهيم ابني بس أمك هي اللي نشفت دماغه ...الله يرحمها بقي
أنت تقرأ
جحيم المجهول ...حليف القيصر (أسيرة عشق الدنجوان 2)
Misteri / Thrillerالمجهول الذي دمر حياتهم وحطم حبهم الابدي
