ချစ်ခြင်းများဖြင့်ပြောင်းလဲစေခဲ့သော (Completed )

Part (10)

( Unicode )

ချစ်ခြင်းများဖြင့်ပြောင်းလဲစေခဲ့သော

Part (10)

ရှိန်းလည်း နေနှိုင်းခ၏ ဖခင်အကြောင်း စုံစမ်းခိုင်းလိုက်တဲ့သူဟာ နေနှိုင်းခအား ဟိုး အပ်ကျသည်ကအစ အကုန်ပြောပြလာသဖြင့် နေနှိုင်းခမှာတော့ လက်ကြောတွေထောင်လာသည်အထိအထိလက်သီးကိုဆုတ်ထားပြီး မျက်ထောင့်တွေတောင်နီနေသောကြောင့် နေနှိုင်းခ ဘယ်လောက်တောင်ဒေါသထွက်နေသလဲဆိုတာ ရှိန်း သိနှင့်နေပြီးဖြစ်လေသည် ။ ရှိန်းလည်းနေနှိုင်းခအကြောင်းထပ်ဆင့်စုံစမ်းခိုင်းသူအား မျက်စပြကာထိုနေရာကနေထွက်သွားခိုင်းတော့ထိုလူလည်းလှည့်ထွက်သွားပြီးအချိန်မှ ရှိန်းလည်း ကြောက်ကြောက်နှင့် နေနှိုင်းခ အနားသွား၍ ပုခုံးပေါ်လက်တင်ကာ

'' Boss ကျွန်တော် ဘာဆက်လုပ်ပေးရမလဲ ...''

ဘေးနားကနေရှိန်း၏အသံကြားမှနေနှိုင်းခလည်းအသိပြန်ဝင်လာကာ

'' လှအေးရဲ့ ယခုလက်ရှိ စီးပွားရေးအခြေအနေ ၊ မိသားစုအကြောင်းအားလုံး သုံးနာရီအတွင်း သိချင်တယ် ။ ''

'' နားလည်ပြီ Boss... ''

'' မင်းစုံစမ်းနေတဲ့ ဒီ သုံးနာရီအတွင်း ငါစံအိမ်မှာပဲရှိမယ် ။ ''

နေနှိုင်းခက စကားပြောနေရင်းနှင့် ရှိန်း လက်ထဲမှာ ကိုင်ထားတဲ့ ကားသော့အား ထွက်သွားမည်အလုပ် ရှိန်းက

'' Boss တယောက်ထဲသွားလို့ရပါ့မလား... ''

ရှိန်းပြောလိုက်သည့်စကားကြောင့်နေနှိုင်းခလည်းမျက်ထောင့်နီကြီးနှင့် ရှိန်းအားကြည့်လိုက်ပြီး

'' တယောက်ထဲသွားလို့မရအောင်ငါက ကလေးလား...''

နေနှိုင်းခ၏အေးစက်ပြီးပြတ်သားသောအသံကြောင့် ရှိန်းခမျာလည်ပင်း ပင်ခြောက်သလိုဖြစ်လာပြီး

'' ကျွန် ကျွန်တော်ပြောတာ အဲ့ဒီ့သဘောမဟုတ်ပါဘူး... ''

'' မင်းမှာအချိန် သုံးနာရီပဲရှိတာနော် ။ ဒီ့ထက်ပိုပြီး ငါနဲ့ စကားရပ်ပြောမနေနဲ့ ။ သုံးနာရီအတွင်း ငါသိချင်တာမသိရရင် ကျန်တာဘာဖြစ်မလဲ ငါမပြောလည်းမင်းသိမယ်လို့ထင်ပါတယ် ။
အော် ပြီးတော့ ငါ့အဖေကို သတ်တဲ့လူအကြောင်း သတိယူလာတဲ့မင်းကောင်ကိုသွားမေး ဒီသတင်းကဘယ်သူ့ဆီကရတာလဲလို့... ''