وقعت في حب النرجسي

30

زيد و رنا رجعو للمدينة و حط رنا غيرت ملابسها و مشات للشركة بينما هو بقا كيوجد للإجتماع و كيحاول يتصل بباه لي مكيجاوبوش

رنا:شنو واقع مالكم متوترين
البنت:مادموزيل رنا اليوم كان خصنا نديرو تصوير ديال واحد العارضة على قبل اسبوع الموضة فروسيا و لكن هي مجاتش حيت مريضة و باقي العارضات ممساليينش و زيدي المصور حتى هو ميمكنش ليه يبقا كثر من نهار واحد فالمغرب و التصوير خصو يكمل اليوم
ريم:شنو واقع مال الدنيا مرونة؟موقع التصوير كولو مقلوب دويت مع المصور و بانلي معصب بزاف؟
رنا:بففف موصيبة هادي ....هاه بلاتي عندي حل زوين..انا غنكون العارضة
ريم:كيفاااش؟؟؟واش عارفة شنو كاتقولي
البنت:اه اه فكرة زوينة اصلا عندك مؤهلات ديالها و سيزيد مغاديش يتعصب علينا
ريم:و لكن من امتى وليتي عارضة؟راه كندويو على اسبوع الموضة...على شركة كاااملة واقفة على عرض واش مسطية؟
رنا:ريم من ديما كنتي عارفة عزيز عليا عروض الأزياء الفرصة جات و مغنضضيعهاش الله يخليك..عفاك شوفي نتي سيري للهي ليا المصور شوية انا غانمشي نلبس و نتقادو نجي نلقاكم فموقع التصوير...الله يخليك صافي
ريم:و لكن ا رنا..
رنا:بليييز
ريم:الا عرف وليد ولا زيد غنمشيو فيها كفتة
رنا:واصافي دابة
رين:واخة واخة غير سيري دغيا و كوني زوينة
رنا:(شافت فالبنت)يالله زيدي نتيا دغيا دغيا معندناش الوقت وجدو كولشي كل واحد يدوز خدمتو
ماهي الا دقائق حتى جات رنا لموقع التصوير
المصور:اوه كتباني انيقة مدموزيل رنا
رنا:ثانكيو...نقدرو نبداو الا سمحتي
المصور:طبعا...
بقاو فالتصوير مدة ساعة بعدما كملو التصوير و كولشي خداو استراحة الغذاء و من بعدرجعو كملو الخدمة و احتارو الصور الملائمة للعرض و الصور لي غيتحطو فالمجلات و بالطبع بنا ان الشركة عالمية فقررت انه صورة العارضة رنا تكون فواجهة احدى اشهر المجلات العالمية للموضة بعدما رسلو الصور في انتظار القبول
رنا:شنو واش قبلو ولا مزال؟
البنت:مزال امادموزيل الردغيكون من بعد ساعة خص حتى يطالعو المختصين ديالهم على الصورة و يشوفو مدى ملائمتها عاد يقررو و لكن متخافيش غير يجاوبوني انرسل ليك ايميل
رنا:اه اوكي صافي مزيان شكرا انا غنكون فالمكتب ديالي نتسناك ترسلي بيا ايميل
البنت:واخة مادموزيل رنا
رنا:ماشفتيش ريم فين مشات عفاك؟
البنت:اه فكرتني طلبات مني فاش تسالي تمشي عندها للخديقة الخلفية للشركة فالكافيتريا راه كتسنا فيك تما
رنا:اه شكرا مهم نخليك و متنسايش من هناساعة عاودي تاصلي بيا و صيفطي ليا ايميل
البنت:واخة مادموزيل بالمناسبة جيتي زوينة بزاف فالتصوير
رنا:شكرا احبيبة عينيك لي زوينين يالله الله يعاونك ههه باي
ريم:(كانت جالسة فلبيرو ديال ؤنا كتسنا فيها تدخل غير سمعت الباب تحل ناضت طايرة عندها)لبارح فين مشيتو؟شتك معاودتي ليا والو و هو من لبارح مبانش فينمشا؟و شنو درتي فدكشي؟شنو قالك؟
رنا:(تفكرت دكشي لي وقع ماعرفت ولا واش تضحك ولا تغضب..جاها نوع من عذاب الضمير)لبارح..م..ماوقع والو غير خرجنا بجوج و كان دارلي مفاجئة
ريم:وايلي شوفيوكان؟
رنا:اوا صافي هههه شنو كاع غيكون يهديد الله ....
ريم:(بشك)رنا باينة مخبية عليا شي حاجة...مهم مهم قولي ليا شنو قالك على مسألة ديال الكاريانات
رنا:(جلست فوق فوتوي و دلات راسها)مابغا يقولي والو...بقا كدور فهدرة و قالي ايشرحلي فوقت مناسب بففف
ريم:اوا حضي راسك هانا كنوصيك و كنعاود نقولها ليك حضي راسك
رنا:(جاها عذاب الضمير)ش..شنو بغيتي تقصدي؟
ريم:اوا منعرف يكون باغي يضحك عليك ياخد دكشي لي بغا و ينقلب عليك راه بزاف بنات كوقع ليهم هكذا
رنا:(بارتباك)و لكن هو ماشي اي واحد هو كبغيني
ريم:راه هدشي لي خرج على بزاف ديال البنات الثقة الزايدة فدراري تواحد معارف شنو كيدور ليه فراسو هو اصلا كولو اسرار من احسن تاخدي احتياطاتك ماشي كنقوليك متبغيهش لا بغيه ولكن خلي قيمتك براسك خصك تكوني بنت صعيب يوصل ليها بنت طريقها الزواج فيما حلل الله
رنا:كيفاش زعمة؟
ريم:(ربعت يديها)مالمك مكلخة؟بغيت نقصد انه الا جيتيه ساهلة ممكن يقول هادي ساهلة اي واحد يوصل ليها و يشبع منك و يلقا راسو اصلا كاعما كيبغيك من لول و هداك مجرد اعجاب و تصدقي نتي لي مخورة فلخر
رنا:(بخوف حست بقلبها تزير عليها)واش زعمة يقدر يديرها؟
ريم:(جلست حداها و حطت يد رنا بين يديها) ماحدك محافظة على راسك ما عندو ما يدي منك مكاين لاش تخافي نتي فقط حافظي على راسك على قبل هدك لي يستاهلك
رنا:(مبقاتش حاملة تسمع كثر حاسة بعافية شاعلة فيها عاد حست و عاقت..و لكن فات الفوت)..صافي صافي...مجاكش جوع بهدرة؟
ريم:(تعجبت من تصرف صاحبتها)اويلي مالك مديريش فبالك شفتك تزيرتي
رنا:(وقفت)لا لا غير فيا جوع يالله نزلو ناكلو شي حاجة
ريم:صراحة تانا جاني جوع