نزار:ديرو لي عجبكم الأهم عندي هو نعرف التفاصيل ديال الحاجة و اي حاجة متعلقة بيها بحثو فيها و كلف فريق خاص يبقى متتبعها و فريق آخر يحلل المعطيات و كل نهار نبغي يوصلني تقرير عليها مفهموم؟!
الشخص:(حنا راسو)مفهوم اسيدي و دابة كنستأذن منك
نزار:(عطاه اشارة بيدو و انصرف مخلي نزار غارق فتفكيرو راسو ثقيل عليه لدرجة تكا على كرسي المكتب ديالو كيدور فيه مركز فنقطة وحدة فالسقف كيسترجع احداث و ذكريات الماضي حتى نزلو دموع من عينو بلا ما يشعر...مكنحسوش بقيمة الحاجة حتى كنخسروها امكن كنشوفو حياة شخص رفاهية عندو فلوس طمبيل قصر و كل ما يتمناه و لكن راحة البال مكتشراش السعادة مكتبااعش هادي هي الحالة ديال نزار بعدما خسر مرتو فمرة وحدة و فاش دفنها تحت تراب دفن معاها السعادة ديالو الفرحة البسمة و حتى السرور كان عندو بصيص امل انه ابنتو لي نسخة طبق الأصل عن امها الا شافها غيعرفها بدون مقدمات حيت مستحيل ينسى تفاصيل وجه بنتو البريئة بنتو لي سلبوها منو و سلبو معاها اخر حاجة زوينة و غالية فحياتو متقدرش تعوض...كيقاطع تفكيرو اتصال)ألو..
مهيب:نزار خصنا نهدرو
نزار:(تكا على الكرسي ديالو بأريحية و كيتبسم بشر على جنب)فاش غنهدرو انا وياك أ سي مهيب الفارسي؟
مهيب:المناقصة ديال الأسلحة و المتفجرات النووية باقي ليها عام احم احم و قلت مع راسي انه ممكن نحققو نتيجة زوينة الا تعاونا بجوج
مزار:(سد عينيه)مهييب...يا مهيب واش بنت لك كنرضع فصبعي؟...سبع سنوات متتالية كتخسر فيها عائلة الفارسي المناقصة و انا كنربح فيها بالأفضلية الساحقة حتى من الأسلحة لي كديرو التصميم ديالها كتكون فاشلة او فيها عيب من شي جهة هههه فدك اليوم عائلة الفارسي مكاتربح لا مناقصة لا جوائز لا فلوس لا والو يعني كتخرج نتا و عائلتك كاملة خاسرين قدامي انا شنو لي غيدفعني نتعاون مع العدو ديالي هااا؟
مهيب:بنتك ا نزار بنتك
نزار:(مع نطقو كلمة بنتك فيق فداخل ديالو مجموعة من الأحاسيس الدفينة جرح كبير شوق خوف حنين رغبة فأنه يلقا بنتو و يحضنها بين يديه يضمها لصدرو يشم ريحتها....بقا ساكت و ساهي كيفكر فين غاتكون دابة؟واش هي بخير؟...كيحس براسو مكبل مهيب عندو البطاقة الرابحة لي هي بنتو عندو الجوكر فيديه كيستخدمو امام نزار اما كون من شحال هادي صفاها ليه و لكن الجميل في الأمر انه نزار قدر و أخيرا انه يلقا الحاجة المتهمة رقم 2 فالقضية ديال مقتل مرتو و اختفاء بنتو و ابتسم بسخرية من الأفكار الغبية ديال مهيب و قرر انه يسايرو فالهبال ديالو لحين ما يوصل فين بغا و يلقا بنتو)كفاش زعمة وضح ليا كثر؟
مهيب:(حس براسو دار انجاز عظيم و نجح فأنه يخدع نزار و تنفس الصعداء ديالو مكمل الحديث ديالو بأريحية اكبر)نزار انا غنرسل ليك صور بنتك فاش كانت كتقرا فالإبتدائي باش تعرف حسن النية ديالي و تأكد بلي انا اعتنيت ببنتك و درت ليها رعاية خاصة
نزار:(فكر مزيان و لقا بلي الا قدر يعرف وجه بنتو فالإبتدائي طبعا نغايخفاش عليه وجهها و هي كبيرة)و المقابل؟
مهيب:المقابل انه تقبل دخل معايا شريك فالمناقصة و هكذا غنشكلو فريق قوي امام باقي الخصوم ويلا ربحنا المناقصة...غنعطيك الصور ديال بنتك الحديثة...
نزار:(متأكد من نفسو غيلقا بنتو قبل دك نهار و هادشي مكيمنعوش يلعب دور الغبي امام مهيب..و فعلا هو محتاج يشوف صور بنتو و هاد الفكرة لي اقترحها مهيب خطوة غبية غتقودو نحو الهلاك المؤكد حيت هاد الصور غيعاونوه أكثر انه يلقا بنتو و طبعا فظل غياب الحاجة لي هي رمز العبقرية الذكاء ديال العائلة غيكون بالنسبة لنزار امر مهيب سهل بزاف فنزار كيخاف من ذكاء الحاجة رغم كبر سنها الا انه كيضرب ليها ألف حساب و حساب حيت هي الوحيدة لي كانت كتكشف الألاعيب ديالو فيما مضى)صافي تافقنا (قطع الإتصال)
مهيب:(كيعلن ابتسامة النصر ديالو فالأرجاء و معارفش بلي فتح عليه باب من ابواب جهنم)
أنت تقرأ
وقعت في حب النرجسي
Roman d'amourقصة كتكلم على فتاة اول مرة كطيح فالحب و لكن مع الشخص الغلط..لي كيستغل براءتها و اندفاعها فالحب...كتوقع فعشق ثلاثيني كيفكر غير فراسو بأنانية..و مع الوقت كيولي انسان جديد جذريا الا ان المشاكل كجيو باش يكشفو المخبي و يختابرو العلاقة...و فجأة الموازين ك...
