و آني شـعندي بـالدنيا غير أهلي و عيونك 🤍.
صلوا علئ محمد وال محمد ويلااااا نبلش.
.
.
.
.
.
.
.
.
.
.
.
.
.
.
.
.
.
.
بعدنه منتضرين علئ نار وانا وساره وحده تصفن بالثانيه صح ساره تحب اخوي واخوي معجب بيها بس انا جاد لااحبه ولايحبني نحب بعض كأ اخوان وفوكها خاطب والله مو بكيفه يحل النهوه وقصبن علي
المهم وره ربع ساعه طلعو الزلم بس الولد بقو بالديوان شوي واجو بس شنو جانو نارر من سئلتهم جده جوابهم
جعفر_چا تردين بيت الـ...... يتزوجون بناتنا واحنا ساكتين اصلن عاشة ايدهم لان هيج سوو
جدو:اي والله ذيابه ولدي رفعتو راسي بهاي عملتكم
امي:ليش سوو هيج جان كالو لاماننطي بناتنا وفضو الموضوع
ابوي:سكتي ام حمزه لو تدرين شتهمو بناتنا بي بيها كص ركب هاي السالفه
جاد:وبعدين عمه انا ماناهي علئ اسينات حبن بيها نهيت عليها لان غيرتي ماتحملت اسكت ويمته ماتريد انطيها حريتها
اسينات:هسه
جدو:جاد معليك بيها تبقه ناهي عليها وقصبن عليها تتزوجها
اسينات:جدوو خاطب تفتهم شنو يعني خاطب يعني علئ ذمته مره غير انو انا مااريد اتزوج هسه
جعفر:اسينات عوفي سالفه ماريد اتزوج هسه اريد اكمل دراسه بعدني صغيره وارضي بقسمتج (بنهاية الجمله غمزلي)
جدو:مثل ماكال جعفر وهسه سدو الموضوع
انسدت السالفه وكعدو يحجون بأريحيه الي قاهرني ابوي وخواني ماحجو وشي خليت وكمت لكيت ساره بغرفتي صافنه
غلست عنها ودخلت لحمام شغلته علئ ابرد شي بس رغم هاذا ماجاي احس بالماي جسمي يرجف وختلطت دموعي ويا الماي بقيت بالحمام هواي وماحسيت علئ نفسي اله ويندك الباب علي
جعفر:اسينات تعاي نريد نحجي وياج
غلست عنه ولارديت اسمع تبارك تكوله
تبارك:من صعدنا لهسه هيه بالحمام
جعفر:شنوووووو وانتن شنو ماعندج لسان تجن تصيحن النا
دك الباب بقوه خفيفه مو نفس مساع وهسه يكول
جعفر:اسينااااات اسينااااات فتحي الباب عوفي الخبال والله راح اكسر الباب عليج
اسمع عشق تكوله
عشق:خاف صاير الها شي
انا ولارديت ولامهتمه الهم بس من سمعت صوت الباب جاي ينفتح سديت الماي وكلت هسه اطلع بدلت وحطيت طربوش الملابس علئ راسي وطلعت اباوع نص البيت تقريبن فوك ماهتميت الهم رحت للكنتور طلعتلي شال ورجعت للحمام لبسته ورجعت طلعت اريد اروح لفراشي انام سمعت
جاد:اسينات تعاي اريد احجي وياج
اسينات:غلست عنه وكعدت علئ الجربايه ماحس غير اجه وولزم جتفي وسحبني والمشكله انا بسرعه نسحبت لان بيه طبع اذا ازعل لو اضوج اصير باااااارده واي ردت فعل ماانطي
اخذني وطلعنا رحنا لغرفة تبارك كعدني علئ الجربايه وهوه كعد يمي انا عيوني مركزتهن علئ الباب وهوه بصفي بقينه ساكتين لحد ماحجه
جاد:يعني تتوقعين انا هيج بدون رحمه علمود انهي عليج وانا خاطب واحب خطيبتي
اسينات:باوعتله وحجيت ابد والدليل انته سويتها
جاد:اسينات بس خلي افهمج السالفه
اسينات:باوعتله بهتمام لان اريد اسمع الموضوع وهاذا طبع ثاني عندي ابد ماااحكم بسرعه لازم اسمع للأخير
جاد:انتي ماتعرفين شنو حجو عليجن انتي وساره ليش تشوفيني فرحان انو اختي نهو عليها لاوالله مافرحان بس ساكت لان ادري لمصلحتها هاذا الشي ويمته ماتريد حريتها راح ينطيها حمزه وانا كذالك يمته تردين انطيج حريتج بس مو هسه لان هسه وقت حساس فا ابد لاتفكرين راح اتزووج لابالعكس اتمنالج الخير بكل طريقج انا وكتلج اي وقت راح انطيج حريتج
اسينات:شنو كال
جاد:منو..!
اسينات:الي اجو يخطبولنا شنو كالو
جاد:وانتي شعليج
اسينات:شلون اعرف شنو كايلين ويستاهلون عليها كص ركب
جاد:رفع حاجبه وانتي شكو مهتمه اسيناااااات احجي شكوو مهتمه
اسينات:انتم مو معصبيكم همه ونهيتو علينا اريد اعرف شحاجين
جاد:وهوه يفرك وجه وصاعده لشعره بكف ايده اسينات عوفي التفاصيل وكتلج لاتفكرين انو راح اتزوجج وبعدين خلي نصير اصدقاء ومن تردين حريتج انطيجياها ومايخرب شي ولايزعل احد
اسينات:باوعتله ودرت وجهي لحد ماسمعت مبايله يتصل فتحه وكال
جاد:حبيبتي بس احجي ويا اسينات واتصل عليج،،لالاا موضوع مهم شوي
سده ورجع باوعلي كالي
جاد:والله مامستاهله هلزعل هسه مو ساره تقبلت الموضوع عادي لان تدري احنا زلم اذا كلنا سالفه نفذها
بقيت مغلسه علي لحد ماخله وكام
اجتلي تبارك وره كالت شبيج والله مايخليج علئ ذمته
اسينات:شنوووووو ليش يمه يريد يعقد علي
تبارك:اي اكيد لان ماعتقد يخلي جدو اذا مايعقد عليج بس بعدين هوه يحب خطيبته واكيد ماراح تهون علي يبقي مره ثانيه علئ ذمته هيه كلها علئ ماتتخرجين وينطيج حريتج فا ياروحي هسه تنزلين وتسوين نفسج عادي لان امي صعد ضغطها قبل شوي من قهرها عليج
اسينات:ليش انا شنو سويت ساكته ماحجيت شي
تبارك:هوه سكوتج مخوف امي تكول لايصير بيها شي مو تشوفين كلنا صعدنا بس جدو ماخله اهلنا يصعدون
اسينات:تمام
رحت لغرفتي لكيت ساره بروحها تبجي
اسينات:يكولون ساره متقبله الوضع وهسه جاي تبجين
ساره:اسينات صعب صعب الواحد يتقبل هلشي صح احبه وصح ادري بي بعمره ماراح يأذيني بس مو ياخذني بنهوه والله راح اموت قهر
اسينات:جا شتكولين علي اخوج خاطب وخطيبته بعدها مادرت وفوكها يكولون راح يعقد علي
ساره:اسينات شما نشوف السالفه وضعج اهون من وضعي انتي كلتيها خاطب مستحيل يخليج علئ ذمته يحبها كلش بعد من جانت طفله وانتي قيسي مستحيل يدمر حياته ويبقيج علئ ذمته وبعدين اكيد يعقد مستحيل جدي يخليهم مايعقدون علينا ماتعرفين جدي بعدج ونصيحتي لاتشوفين وجهه الثاني
اسينات:وانتي شنو ماانتي تحبينه ويحبج
ساره:انا مادري اذا يحبني لو يحب وحده ثانيه انا مادري باجر شيصير
اسينات:كل وحده عدها سالفتها صعبه وسالفه غيرها سهله انتضري
كمت طلعت جباس ونساتل وككو وببيبسي واجيت يمها
اسينات:تعاي ناكل وطز بالدنيا والي بيها 😂
ساره:اي والله تعاي شغلي التلفزون بربج😂
شغلنا وخلينا علئ سبونج بوب وكعدنا ناكل ونباوع شوي ودخل جاد وحمزه
حمزه:منو جان ناصب حداد قبل شوي
اسينات:عليمن ننصب حداد خو مانموت ونحية
حمزه:ام لسان تعاي اريدج بشي
كمت ويا حمزه
اسينات:ها
حمزه:باجر راح نعقد انا وساره وانتي وجاد
بقيت ساكته
حمزه:مو احجي وياج
اسينات:شتريد احجي يعني انتم سويتو كلشي بسرعه وفوكها بعدها مادرت جنات اذا درت تكلب الكون
حمزه:اسوو والله لمصلحتجن وبعدين شلج شغل بجنات انتي كلتي الجاد اعقد علي لو انهي علي كلشي صار بسرعه
اسينات:شلون شعلي بيها صدك تحجي انته جاي يكلولك يحبون بعض من جانو اطفال انته شايف شلون راح تموت من القهر الشي الي مانرضئ لنفسنه ليش نرضئ بي لغيرنا
حمزه:مادري اسو بعد جاد يحلها انا كتله لو مخلي جعفر ينهي عليها احسن كال لاجعفر يحب وحده حرام نكسر بيها
اسينات:وجنات شنو جماد هم حرام علي كسرها
حمزه:مادري المهم شنو رأئيها ساره
اسينات:فرحانه وبس تركص يعني شلون تريد تكون هم ضايجه
حمزه:استغفرالله والله ماردت اخذها هيج
اسينات:ليش انته تحبها
حمزه:يي
اسينات:روح صارحها
حمزه:شصارح متكوليلي هسه لو اصير انا وياها بغرفه تخنكني
اسينات:روح صارحها حمزه احسن علئ الاقل راح تفرح وماتكول مجبور بيها وباجر عيد لاتخليها مكسوره
حمزه:الي يسمعج يكول تحبني علمود تفرح
اسينات:روح صارحها وخلاص
حمزه:اخوها يمها شلون
اسينات:هسه اصيحله عمود احجي ويا وانته احجي وياها
حمزه:شتحجين ويا
اسينات:اسئله عن خطيبته
حمزه:تحبين المشاكل انتي
اسينات:روح يلااا وصيحه وياك
حمزه:تمام
راح حمزه شوي واجه جاد
جاد:ها اسينات
اسينات:خطيبتك تدري انته نهيت علي وباجر عقدنا
جاد:لاا باجر اكوللها
اسينات:وعندك الوضع عادي تحجي برود ولاا كأنو راح تكسر قلبها
جاد:اسوو الله يخليج لاتزيدينها علي
اسينات:شزيد هوه هاذا واقع حال
جاد:مادري منا لباجر يحلها الف حلال
اسينات:شيحلها اول وتالي لازم تعرف
جاد:اي ادري بس اقصد شلون اكوللها
اسينات:اوو
جاد:يلا تصبحين علئ خير لازم نروح اهلنا راحو بقينا بس احنا
اسينات:اجمعين اروح اصيحلك ساره
رحت للغرفه فتحت الغرفه شفت ساره منتهيه الوجه احمر وبس ترجف
اسينات:ولج روحي غسلي اخوج يريدج
هيه خطيه ركضت للحمام تغسل وجهه
اسينات:شسويت بيها ولك
حمزه:وخري عني خليني بفرحتي
اسينات:هاذا شبي
طلعت ساره
اسينات:شكو شصار
ساره:مو وكتها باجر احجيلها لااترز هسه يلا باي
اسينات:باي
.
.
.
.
.
.
.
.
.
.
.
.
.
.
.
.
.
لاتنسون الايك حبايبي 😊❤️
