Kiyara (කියාරා)

කියාරා 09

💙💜 කියාරා 💜️💙
      

මම ring එක නැති කරගෙන. මගේ ආත්මේ ශරීරෙන් වෙන් වෙලා . මමත් භූතයෙක් වෙලා.😲

💙"මේ ළගම තියෙන්න ඕනේ. ඇයි මගේ ring එකට ඔයාගේ ring එක  හොයාගන්න බැරී.... කළිනුත් අපි එහෙමනේ මගේ ring එක හොයාගත්තේ."

ජිමින් මගේ ශරීරෙ ළග බිම ඉදගෙන පිස්සුවෙන් වගේ කියව කියව ring එක හොයනවා . මට මොකුත් හිතාගන්න බෑ. මං කරේ ජිමින් දිහා බලාගෙන හිටපු එක.

💙"කියාරා ..... කෝ ring එක "

ජිමින් පිස්සුවෙන් වගේ කෑගහනවා . එයා එක පාරම ring එක හොයන එක නැවැත්තුවා. එයා කෙළින්ම ගියේ මගේ ශරීරෙ ළගට .

💜"නෑ ජිමින් එපා... ඕක කරන්න එපා...."

මට කියලා ඉවර කරන්න වුනේ නෑ. ජිමින් එයාගේ ring එක  ගලවලා මගේ අතට දැම්මා (ශරීරෙට )

ආයෙත් හුළං හමන එක වැඩි වුනා . මාව පාවෙනවා වගේ දැනෙන්නේ  . හරියට සරුංගලයක් වගේ . අහසට ඇදිලා යනවා .

එක පාරම මාව කවුරු හරි පහළට අදිනවා වගේ . හැමදේම අදුරුයි. ඇස් දෙක රිදෙන්න ගත්ත නිසා මම ඇස් තද කරලා පියාගත්තා . ඔලුවට ලොකු බරක් දැනෙනවා.

මට මතක නෑ මං කොච්චර වෙලා ඒ විදිහට හිටියද කියලා. ටික වෙලාවකින්  මම හෙමීට ඇස් ඇරලා බැලුවා .

මම ආයෙත් ගහ ළග . ජිමින්ගේ ring එක මගේ ඇගිල්ලේ. ඒත් මගේ ඉස්සරහා වැටිලා ඉන්නේ ජිමින් . ඔව් ආත්මයක් නැති ජිමින්ගේ ශරීරෙ .

මම එයා ළගට ගිහින් දණ ගහගත්තා . එයා හෙලවෙන්නෙවත් නෑ. 

💜️"ජිමින් ඔයා කොහෙද ???"

ජිමින් නෑ. එයාගේ ආත්මයත් අතුරුදහන් වෙලා. එයා මැරිලා . මං නිසා එයා ඇත්තටම මැරිලා . අනේ ජිමින් ... 😩

ඒත් එක පාරම ආයෙත් මගේ අතේ තියන ring එක දිළිසෙනවා .  මොකක් .... ring එක තියන අත ඇදිලා ගියේ ජිමින්ගේ ශර්ට් එකේ දකුණු පැත්තේ තියන පොඩි පොකට් එක ළගට .

මගේ ring එක ..... ඒ පොකට් එක ඇතුළෙ . මම ජිමින්ට ring එක  දානකොට ඒක වැටෙන්න ඇති. තවත් හිතන්න වෙලාවක් නෑ.  මම ඉක්මනට පොකට් එකෙන් ring එක අරන් ජිමින්ගේ ඇගිල්ලට දැම්මා .