في قصر من القصور الفخمه لكن ملياان بالحزن والقسي.بيكتسح فيه اللون الاسود سواء في الفرش او الاساس بتاعه..
في مدخل القصر بيظهر شاب في اوائل ال ثلاثون من عمره اسمه نائل
نائل..ها يا عم قطب مافيش جديد
عم قطب (رايس الخدم):-لا ينائل يبني كل شئ زي ما هو حاول يبني تدخله انت ابن عمه برضو يمكن تعرف تخرجه من ال هو فيه
نائل:-ياريت كان بايدي يا راجل يا طيب
دا اكبر الدكاتره معرفوش يعلجوه تفتكر انا بعد عشر سنين هعرف!!!
عم قطب:-مفيش حاجه بعيده عن ربنا يبني
نائل:-ربنا يسهل ادعيلهم انت بس
بعد كلام نائل مع عم قطب طلع نائل لاكتر الاوض كئابه وحزن في القصر
وقاعد في الاوضه دي شاب في اواخر العشرين من عمره
ولكن للوهله الاولي تحسه يشبه العواجيز
ملامحه كاسيها الحزن والقهر
نائل:-ازيك يا غازي؟!
غازي:-..........
نائل:-حبيبي رد عليا
اتكلم ارجوك
انت مش فاقد النطق يعني تقدر تتكلم
خليني احاول اساعدك
غازي:-.......
اتنهد نائل بحزن وخرج من الاوضه واتجه لاوضه مرات عمه
نائل:-طنط شاميه وحشاني جداااا.
*شاميه والده غازي جالها شلل وفقدت النطق من حوالي عشر سنين بسبب حادثه غيرت حياتها..لا هي غيرت حيات كل اللي في القصر*
نائل:-عارفه كنت هجيب جود تقعد معاكي بس مردتش اجيب عزول بنا يا قمر
*جود تبقي زوجه نائل فتاه جميله في اواخر العشرون من عمرها متجوزين من سبع سنين بس للاسف مفيش اطفال
طبعاا حاولوا كتير سواء بادويه او بعمليات بس للاسف ربنا مأذنش*
بعد حديث طويل من نائل لشاميه وطبعاا من غير رد خرج من القصر واتجه لشقتوا اول ما دخل جري عليه طفل عندو عشر سنين
اسد:-بااابي
نائل:-يقلب بابي انت عملت اي النهارده
اسد:-معملتش رجعت من المدرسه لعبت وكالعاده الست مراتك اتخنقت معايا عشان اذاكر
جود:-اي الست مراتك دي يا اوزعه اسمها مامي
اسد:-طيب طيب خلاص الست مامي اتخنقت معايا عشان اذاكر
نائل:-خلاص يلا بقي عشان ميعاد النوم جيه
اسد:-انا كدا كدا كنت هنام عشان تعبت من المزاكره
يلا بقي تصبحوا علي خير
جود:-شوف الولد الكداب قال تعب من المزاكره قال دانا عماله اجري وراه من الصبح عشان يعمل ال Homework
في بلد تاني(فرنسا)
في احدي البيوت الفخمه قاعده بنوته جميله جدااا في السابعه والعشرون من عمرها
وهي دكتوره نيسان قاسم الهاشمي
بنت واحد من اكبر الدكاتره في الشرق الاوسط بجانب ملكه لاحدي اكبر المستشفيات الاستثماريه في الشرق الاوسط
نرجع للروايه.
نيسان:-متقومي بقي شوفيهم ميشيوا ولا لا بطلي رخامه شويه
ديما اخت نيسان:-يستي هما كدا كدا في المكتب اتحركي عادي
استوووووب
ديما قاسم الهاشمي
بنوته جميله لا تقل جمال عن اختها سنها 23 سنه و في اخر سنه كليه صيدله
نيسان:-مش قصه اتحرك انا عاوزه بابي في حاجه مهمه
ديما:-اكيد حوار نزولك مصر صح؟؟
نيسان:-عرفتي ازاي الموضوع دا؟
ديما:-انا بس كنت معديه بالصدفه وسمعتك وانتي بتكلمي صحبتك
نيسان:-صحبتي اه
ماشي هعديهالك
ديما:-متخليكي معايا يا نيسان هنا وننزل سواا وكدا كدا الدراسه قربت تبدا وهنزل معاكي انا كمان
نيسان:-لا انا عندي شغل مهم ولازم انزل وبعدين في حاله مهمه قوي لازم انزل عشانها دي اللي هتساعدني في الدكتوراه اللي بحضرها
ديما:-دي مين الحاله دي
نيسان:-انتي مالك يارغايه ركزي انتي بس في اخر سنه ليكي في الجامعه بدل حشرتك في اللي ميخصكيش
ديما:-بقي كدا طب خدي(وضربتها بي المخده في وشها)
فجاه الباب اتفتح
قاسم والدهم:-ايه دا في اي انتو بتتخنقوا
ديما:-لا ابدااا يابابا دي سنسن دي حبيبتي
نيسان:-اه طبعا امال اي
قاسم:-طب يلا بلاش هزار قومو نتعشي
نيسان:-اه يلا وبالمره نتكلم سوا في حاجه كدا
خرجوا كلهم واتجمعو علي السفره وبعد شويه وقت
نيسان:-بابي انا في حاله مهمه جداا لازم ابتدي فعلاجها لانها هتساعدني جدااا في الدكتوراه اللي بحضرها
قاسم:-تمام وبعدين انا ايه علاقتي
نيسان:-مهو يبابي الحاله دي في مصر
قاسم:-تمام مفيش مشكله كلها تلت شهور وننزل كلنا مصر
نيسان:-بابي حضرتك جبتنا علي اننا هنقعد شهر واحد بس كفسحه لينا وحضرتك تخلص الشغل بتاعك
قاسم:-تمام وحصل ظروف وزودت المده شويه ايه المشكله
نيسان:-بابي ارجوك وافق انزل انا لوحدي اشوف شغلي لان هناقش الدكتوراه بعد شهور ولسه قدامي شغل كتير فيها ولسه قول مثلا شهر اراجعها فانا بجد محتاجه اي وقت لان التاخير مش هيبقي في صالحي
قاسم:-تمام هفكر وهرد عليكي ولو كدا انزلي يا ديما معاها
ديما:-لا يبابي انا حابه هنا اووووي وبعدين انا فأجازه
نيسان:-يابابي متخافش عليا انا ياما سافرت لوحدي حضرتك ناسي ولا اي
قاسم:-طيب خلاص انزلي وتابعي المستشفي عقبال مرجع
نيسان:-ميرسي يابابا(وباسته في خده)
بعد مرور ايام جه يوم سفر نيسان
ووصلت نيسان لارض مصر واول حد راحتلوا هي صحبتها المقربه
في شقه نائل
جود:-طيب طيب جايه يلي بتخبط
(فتحت الباب واتصدمت من الزائر)
يترا مين اللي جه هنعرف البارت الجاي👀♥️
عاوزه اعرف رايكوا
اكمل ولا لا♥️
بقلم"Donya"
صلو علي النبي
