واقفه نيسان مع غازي بوجود عم قطب وفجأه بترن ساعات القصر كلو بتعلن عن الساعه السابعه.
صوت الساعات كان عالي جدا جداا لدرجه ان نيسان صرخت وحطت ايدها علي ودنها يمكن تقلل من الصوت شويه وفجأه وقفت ساعات القصر كلو وظهر صوت من قسوته اتنفضت نيسان
انتي مييييين!!؟
نيسان بخوف: انا انا قولت لحضرتك اني دكتوره نيسان دكتوره نفسيه
قطب: دي دكتوره نيسان جايه لمدام شاميه ياغازي يابني
فجأه تحولت ملامح غازي من الغضب لغضب اكبر وبصوت جمهوري هز اركان القصر كلها: انا مش غازي انا قصي.. اترعشت نيسان من كتر التوتر والخوف منو وطلعها قطب بسرعه لاوضه شاميه بعد مهربو من نظرات قصي!
"في غرفة شاميه"
نيسان موجهة كلامها لشاميه: انا اسمي نيسان صحبة جود مرات نائل انتي عرفاه صح
اومأت شاميه بالأيجاب
نيسان: تسمحيلي اقولك ياماما.. اصل انا مامتي متوفيه من وانا طفله صغيره واتحرمت من الكلمه دي بدري.. حاولت شاميه تمسك ايد نيسان بأيدها السليمه وابتدت تطبطب عليها عشان تحسسها بالامان وبعد حكاوي كتير من نيسان ارتاحت لها شاميه جدا وافتكرت لينا بنتها اما نيسان فهمت خلاص هتسلك معاها اي خطه من العلاج وكانت بالنسبالها حاله سهله نوعا ما وكتبت بعض الادويه اللي هتساعد فعلاج شاميه.. خرجت نيسان من الأوضه وابتدت تنده علي قطب وبعد موصلها.
نيسان: بص ياعم قطب هتجيب الدوا ده وتديها كبسوله من كل نوع لحد ماجي بكره وهفهمك الباقي.....ونزلت نيسان متوجهه للخروج لكن اتفزعت من صوت التكسير العالي جدا اللي ظهر مره واحده وقفت نيسان وابتدت تتجه للصوت تقائيا
هنا اتكلم عم قطب.. بلاش يبنتي انتي مش حملو انا خايف عليكي
نيسان:-ليه كل دا هو ليه بيعمل كدا ومين دا اصلا
عم قطب:-دي حكايه كبيره اووي يبنتي
نيسان:-طيب ما تحكيلي يا عم قطب
عم قطب بخوف:- مش هقدر يبنتي... مش هقدر
حاولت نيسان معاه كتير جدا عشان تعرف اي معلومه لكن مافيش فايده
خرجت نيسان من القصر واتجهت للفيله الخاصخ بوالدها
وهي هتتجنن من التفكير في العيله الغريبه دي
داده زينب:-اهلا وسهلا نورتي بيتك يبنتي
نيسان:-بنوره يا داده ميرسي
داده زينب:-احضرلك العشا يبنتي ولا هتاخدي دوش وتنامي
نيسان:-لا شكرا انا مش قادره هنام
تصبحي علي خير
ودخلت اوضتها عشان تنام
طبعا طول الليل دماغها كانت مشغوله باللي شافته... غازي عنده حاله انفصام واضحه.. طيب ايه اسبابها.. وازاي محدش عاوز يقول اللي حصل... في حلقه مفقوده في الحدوته دي
تاني يوم صحيت نيسان واخدت شاور ولبست هدومها واتجهت للصيدليه وجابت ادويه كتير معاها واتجهت للقصر وقابلها عم قطب ورحب بيها بس عنيه كانت بتقولها امشي... مش هتقدري تعملي ليه حاجه.
طلعت نيسان اوضه غازي ودخلت عنده لقيته قاعد في ارض البلكونه وباصص للا شئ
نيسان:-ممكن اتكلم معاك شويه
غازي:-......................
نيسان:-انا هنا عشان اساعدك
ارجوك ثق فيا واحكيلي انت مش فاقد النطق!!!
فليه مش بتتكلم معايا
غازي:-......................
سابته نيسان ودخلت اوضه شاميه اللي ابتسمت اول ماشافتها
نيسان:-ها يا ماما فطرتي ولا لسه
اومات شاميه بالرفض
نيسان:-بمرح طيب دا ينفع؟!!
بس الصراحه انا كمان مفطرتش
انا هنزل تحت واخلي حد يحضرلنا الفطار اتجهت نيسان للخروج بس وقفت فاجاه..... ولا اقولك انا وانتي اللي هنحضر الفطار
ندهت نيسان علي احدي الخدم وساعدتها في نزول شاميه بالكرسي المتحرك
حضروا الفطار وسط ضحك وهزار نيسان مع الخدم
وبعد تناول الفطار
طلعت نيسان بصنيه عليها اصناف من الطعام
لاوضه غازي
نيسان:-بص يعم الصامت انت دا فطار ومفيش اعتراض هتفطر يعني هتفطر
بصلها غازي باستغراب
نيسان:-لا متبصليش كدا واتعوض بقي
ابتسم غازي بهدوء وابتدي ياكل
وفضلو يبصو لبعض بنظرات محدش فيهم فاهمها
خلص غازي الفطار
وخرجت نيسان لشاميه
وفضلت تتكلم معاها في مواضيع مختلفه وادتها الدواء وفعلا شاميه ابتدت تتحسن هو اه تحسن بسيط جداااااا بس كدا يبقي في امل.
ومرت الايام
و نيسان بتتعمد تمشي قبل الساعه سبعه عشان متقابلش (الوحش) زي ما هي سمته
ابتدت تقرب من غازي
وقدرت تخرجهم من اوضهم وكانو كلهم بيحضرو الغذا سواااا وشاميه ابتدت تحرك الايد العاجزه بس بسيط جداااا وفي يوم شاميه شورت لنيسان انهي تفضل جمبها لحد ما تنام ولسوء حظها راحت نيسان في النوم جمب شاميه وفاقت علي صوت تكسير عالي جدااا بس المره دي مقدرتش تمنع نفسها انها تروح لمصدر الصوت وصلت نيسان للأوضه اللي صادر منها الصوت وكان غازي زي المجنون بيكسر فكل حاجه حواليه
نيسان:-ممكن تهدا ونتكلم شويه
ولما بصلها عرفت هي قد ايه غلطت لما دخلتله اصلاا
قصي مسكها بعنف
وبصوت جمهوري:-عاااااااوزه تعالجيه لييييييييه؟؟
نيسان برعب وبصوت مهزوز: هتخسر ايه بس
اسمعني بس وبعدها احكم
قصي بغضب شديد:-مش هيسمع ومش هسمحلك تعالجيه...هقتله!!!!!!!!
نيسان:-مش هتعرف تقتله انت من غيرو ولا حاجه... من غيره انت ملكش وجود
شدها قصي بعنف ورماها في اوضه ضلمه وفضلت تصرخ طول الليل ومحدش سمعها وعدي كام ساعه.... وطلع النهار وهي مرميه علي الارض
وفجاه اتفتح الباب و....................
♡نهايه البارت التالت♡
بقلم "Donya"
