اتفتح باب الاوضه اللي موجوده فيها نيسان ودخل غازي اللي عنيه فيها دموع من منظرها
خرجت نيسان برا الاوضه وجريت منو لأنها كانت خايفه جدا منه ازاي بيتحول كدا هي بجد خايفه!
قابلها عم قطب وكان مستغرب وجودها بدري كدا
عم قطب......ايه يبنتي جايه بدري كدا لي وشكلك مبهدل ليه
نيسان......عم قطب ارجوك انا تعبانه ادي الادويه دي لماما وخلي بالك منها وانا هاجي بكرا وسابته وخرجت وهي مقرره تفهم ايه اللي بيحصل
بعد مرور كام ساعه في شقه نائل
نيسان.......انت ليه مقولتليش علي حاله غازي
نائل......منا قولتلك أنو رافض الكلام
نيسان......ليه مقولتش أنه عنده انفصام
نائل......يوم السبوع بعد ما استوعبنا اللي حصل لقينا غازي مستخبي في اوضه ومش بيكلم نهائي حاولنا نفهم منه ايه اللي حصل بس كان خلاص اتعرض للصدمه وفقد النطق
نيسان.......طيب هو كان قريب اوي من قصي
نائل.......طبعا لان غازي هو توام قصي ومكانوش بيفارقو بعض ابدا
نيسان.......طيب هي الحادثه دي حصلت الساعه كام
نائل.......كانت بليل يعني بعد ما رجعنا من الشغل
نيسان.......طيب والدكاتره معرفوش يعملو لي اي حاجه
نائل......رفض تماما العلاج وعلي فكرا غازي كان قافل علي نفسه دايما ومانع الاكل لحد ما كان يغمي عليه واحنا نركبله محاليل ودي كانت حياتو وكل مادا ما كانت حالتو بتسوء وقصي يتمكن فيه اكتر
نيسان......انا هعمل اللي عليا واوعدك هتسمع اخبار حلوه قريب
نائل........تبقي عملتي فيا معروف وجميلك دا مش هنسهولك طول عمري
نيسان.......ولا جميل ولا حاجه دا هو اللي هيفدني
ملحوظه
نيسان بتحضر دكتوراه في الطرق المختلفه لعلاج الانفصام يعني حاله غازي هتفيدها جدا
بس هي بتتحرك بدافع من جواها بعيدا عن الدكتوراه...........نرجع تاني الروايه
تاني يوم راحت نيسان للقصر وراحت لعم قطب لأنها حست أنو مخبي حاجه
نيسان.........ليه يعم قطب سايب ساعات البيت تدق مع انك عارف اللي بيحصل لغازي بعدها
عم قطب.......مره حاولنا نقفلها وجبنا صنايعيه تشيلهم خالص بس اتفاجئنا بغازي اللي مسك واحد من الصنايعيه وخنقو لحد ما كان هيموت في ايدو وخلصناه منو بالعافيه وحظرنا لو كررناها هيقتلنا كلنا وهياته وشكله مكنوش بيقولو أنو بيهزر خالص وبلغنا نائل بيه والدكتور قاله متكررهاش تاني لان ممكن تجيب نتيجه عكسية
سابتو نيسان وطلعت لشاميه تطمن عليها وهي بقيت متاكده ان قطب مخبي حاجه وفهمت دا في نظراتو وبعدها دخلت لغازي اللي كان بيبصلها بأسف
نيسان.......ارجوك اتكلم معايا انا عاوزه اساعدك عاوزه اخلصك منو اديني فرصه......
ولم تكمل جملتها وفوجئت به يرتمي في حضنها ويبكي
كان يبكي بشده وبدون صوت
وساعتها حسيت انو فعلا نفسه يخلص من اللي هو فيه تبطبت عليه وسادت لحظات صمت في المكان وبعدها خرجتو بهدوء
نيسان.......عاوزني اساعدك يا غازي......اوما بالموافقة
نيسان......تمام هنبدا وربنا معانا واوعدك مش هسيبك غير لما اخلصك
مر اسبوع بنفس الأحداث شاميه في تحسن ونيسان بتقرب من غازي وحطت خطه لعلاجه وابتدي ياخد الدواء وفي وقت شخصيه قصي بيحطولو الدواء في عصير او اكل علشان لازم بتاخد في ميعادو وكان بيساعدها عم قطب والخدم وفي يوم "في شقه نائل"
نيسان......نيسان عاوزاك تساعدني يا نائل في علاج غازي
نائل......طبعا لو فايدي حاجه اعملها مش هتاخر
نيسان......في ايدك اكيد اومال انا جايه لي
...بص يا سيدي انا عاوزه غازي يرجع الشغل في المستشفي بتاعت باباه
نائل......ايوا بس انا ياما حاولت وهو رافض خالص بعدين هيشتغل اي دا معندوش خبره نهائي
نيسان......اي حاجه اهم حاجه أنو يتواجد وسط ناس وسبب الباقي عليا
"في فرنسا "
الدنيا كما كانت
ديما مشغوله بالشوبينج وقاسم بيخلص الشغل اللي مسافر علشانو
في أحدي اقسام الشرطه
الضابط......انت متاكد من اللي انت بتقولو دا
ضابط اخر......ايوه متاكد وشكلنا قربنا اووووي من اللي عمل كدا
نهايه البارت
