زوجتي بالأجبار 🤎.

♡︎ البارت الاول ♡︎

سمة: اي الي انتَ بتجوله دا يـَ ابوي عاد يعني اي الكلام دا؟
- زي ما سمعتي كدا هتجوزي ابن العمده مسالم و دا اخر كلام عندي
بسمة: عايز تدبسني في جوازه عشان تخلص الطار اللي ما بين العيلتين ي ابوي لدرجه دي أنا سلعه رخيصه في يدك...لو امي كانت عايشه مكنتش هتسمحلك تعمل كدا فيا ابداً
- بقولك اي يـَ بنت امك مش عايز وجع راس الشرط الوحيد عشان الطار اللي ما بين العيلتين يخلص انك تتجوزي ابن العمده وانا وافجت كلام في الموضوع دا تاني مش عايز سامعه ولا لا ....جهزي نفسك عشان كتب كتابك بكره
بسمة: بسرعه كدهِ دا انا حتي معرفش شكله اي
- الراجل مش معيوب ايد أبوه اليمين في الشركه وعنده مستشفي كبيره متعلم برا وبعدين هتفرج معاكي في اي كدهِ ولا كدهِ هتتجوزي
بسمة: طب وانا ...أنا عايزه اكمل دراستي
- دراسه اي بس بلا خيبه النجاح الحجيجي لما ترفعي راسي قدام جوزك وأهل جوزك
" قومت من مكاني بعصبيه وقولت"
: بس انا مش موافقه علي الكلام دا يـَ ابوي
- تعرفي كل ما اشوفك افتكر امك الله يرحمها طول عمرها كانت تعاندني زيك كدا بس انا جولتها كلمه ومش هتنيها كتب كتابك بكره علي ابن العمده وقسماً عظماً لو عملتي اي حركه توطي رأسي لكون دفنك في أرضك ومحد يعرف عنك خبر سامعه ولا لا
" خرج وسابني بندب حظي علي اللي أنا فيه أنا لسه عمري ٢٣سنه ليه اروح اتجوز واحد اكبر مني بـ ١٠ سنين بعد وفاة امي كل حاجه بقت ضدي طول عمرها كنت تقولي لازم ابقي قويه واعافر عشان حلمي ومستسلمش بس هعافر مع ابويا ازاي؟ صعب أما تحس بعدم الأمان مع امانك الوحيد في الدنيا قعدت علي الكنبه دفنت وشي بين كفوفي دموعي خدت طريقها علي وشي لو فكرت أهرب هدفن وش ابويا في الطين وانا مقبلش بكده مهما حصل يفضل ابويا ملقتش حل غير اني اقوم اتوضى واصلي ألجأ لركني الهادي"
- يارب انت الوحيد اللي عالم بحالي حلهالي من عندك يارب
----------------------------------------
                                    صباحاً
" كنت واقفه قدام المرايا بتفرج علي نفسي بعدما لبست الفستان  وبعد ما رفضت احط ميكب علي وشي  هو دا اليوم اللي كل بنت بتستنى أسعد يوم في حياة اي حد أتعس يوم في حياتي دقايق وسمعت صوت الباب بيخبط"
- ادخل
صفية: اللهم صلي عليك يـَ نبي زي البدر المنور يـَ ست بسمة
" اكتفيت بابتسامة هي قربت مني وحضنتني"
صفية: متزعليش يـَ ست بسمة سي مالك مش وحش زي ما انتِ فاكره والله ...يلا نطلع عشان مستنينا
" صفيه تبقي بنت الشغاله اللي بتشتغل في بيت العمده أنا وهي  كنا بنحب نلعب مع بعض واحنا عيال صغيره....خدتني وبالفعل خرجنا رجلي كانت تقدم خطوة وترجع خطوتين ايد صفية علي كتفي بتحاول تطمني خرجت شوفت وشوش اول مره اشوفها في حياتي لفت نظري الشخص اللي كان قاعد جنب المأذون كان لابس بدله شيك شكله كان حلو لا دا حلو اوي ...احم استغفر الله"
المأذون: بارك الله لكما وبارك عليكما وجمع بينكما في خير...مبارك للعرسان
" بعد الجملة دي وشوش كتير كانت  فرحانه و شوش لا صفيه قربت مني وحضنتني وبعدين ابويا اللي كان طول القاعدة بيحاول يتجنب نظراتي ليه اللي كلها عتاب كان نفسي يمسك فيا كان نفسي يقول لا بنتي هتفضل جنبي و معايا بنتي هتفضل في حضني لمره واحده بس يحسسني أنه بيحبني واني فرقاله ....روحت علي بيتي الجديد عيني لفت في المكان برغم اني مشاركتش في اي حاجه في البيت إلا أن ديكور البيت كان جميل جدا بالطريقه اللي بحبها"
مالك: اهدي يـَ بنت الناس وأعجلي ونزلي السكينه من يدك هتجرحي حالك
بسمة: والله العظيم لو قربتلي لاكون مموتاك
قال وهو بيقرب مني: وانا اطول اتقتل علي ايد قمر زيك
بسمة: متقربش احسنلك
"قرب مني وسحب السكينه من ايدي لكن أيده اتجرحت رميت السكينه من ايدي بسرعه وجريت عليه"
بسمة:طبعا لو حالفتلك أن مكنتش اقصد مش هتصدقني ...أنا اسفة جداً
مالك:خلاص حصل خير
بسمة: لا لا اقعد هنا ثانية وراجعه
"دخلت الأوضة اللي فيها حاجتي وطلعت علبه الاسعافات الاوليه وطلعت قعدت جنبة"
بسمة:هتوجعك شويه
"طهرتله الجرح وربطله أيده بشاش رفعت لقيته مركز في وشي جامد"
بسمة: احم أنا خلصت
مالك بشرود:هممم
بسمة: بقول خلصت
مالك: اه اه متشكر
بسمة: العفو
"جيت اقوم مسك ايدي وقعدني مكاني تاني "
مالك: ممكن تقعدي ونتكلم زي اي اتنين عاقلين
بسمة: على فكره انا عاقله
بص علي أيده وقال:اه ما أنا عارف ...المهم أن أنا وانتِ دلوقتي في مركب واحد أنا ماليش صالح في الجوازة دي ولا انتِ بس احنا لازم نتقبل الأمر الواقع أننا تحت سقف بيت واحد دلوقتي ومعدش في مجال للتراجع يبقي لازم نسَير أمورنا صح ولا لا لحد بس منشوف هنعمل اي
بسمة: صح بس انا عندي شرط
مالك: اؤمري
بسمة: متجربش مني خالص
مالك: موافق في البيت في اوض كتير اختاري الأوضة اللي تعجبك ونامي فيها
"قومت وأول اوضه عيني جت عليها دخلتها وقفلت عليا الباب واتنفست براحه اول مره ابقي قريبه من راجل بالطريقه دي قلبي دقته ابتدت تهدي طلعت بيجامة وغيرت هدومي وظبطت شعري و روحت علي السرير عشان انام ولكن منعني صوت  زقزقه عصافير بطني روحت ناحيه الباب وفتحته وخرجت دماغي مسمعتش صوت والنور كان مطفي عرفت أنه نام خرجت بسرعه و اتجهت للتلاجه فتحتها لقيت فيها اكل كتير"
بسمة: اهو أنتِ الحاجه الوحيده العدله اللي خرجت بيها من الجوازه دي
مالك: بتكلمي التلاجه يـَ عاقله
"اتفزعت أما سمعت صوته جي من ورايا والطبق اللي كان في ايدي وقع ... فضلت ثابته مكاني وشي للتلاجه ثواني وحسيت بخطوات رجله بتقرب مني قفل باب التلاجه و وقف قدامي "
مالك: مش بكلمك مبترديش ليه
بسمة: همم
مالك:  همم اي بس
"قرب مني وهمس في وداني"
: شعرك حلو اوي
"بعدت عنه بسرعه وحطيت ايدي علي شعري"
:يلاهوي شعري
مالك: يلاهوي اي يـَ بنتي اش حال كنت جوزك
بسمة: بالأجبار
" سكت وملامحه اتغيرت"
بسمة: احم في اي
مالك: ......

يتبع ......