زوجتي بالأجبار 🤎.

♡︎ البارت الخامس ♡︎

ام مالك: أنا قولتلك بطل معاملتك الطيبه دي معاه  دي متستاهلش وادي اخرتها حطت راسنا في الطين وخلت سيرتنا علي كل لسان ...اجتلها يـَ ولدي وخلصنا من العار الي جابتهولنا
مالك: عندك حق يـَ امي
بسمة: اي
ام مالك: دا اللي لازم يحصل في واحده زيك جابتلنا العار وخلت سيرتنا علي كل لسان و....
" مقدرتش اسمع بقيت الكلام حسيت بدوخه والضلمة حضنتني"
" فتحت عيني بضعف لقيت نفسي في اوضتي و حماتي قاعدة علي طرف السرير"
ام مالك: فوجتي ياختي حسباكي موتي بس احسن انك مموتيش أنتِ اللي زيك لازمن تموت قدام اهل البلد كلتها خدي اطفحي بوج مايه كلها ساعه ونخلص منك
قومت بضعف وقولت: مالك عايزه اشوف مالك
ام مالك: ههه تشوفي مالك ابني غلط لما سابك تعملي اللي انتِ عايزاه وخلاكي بني ادمه كان المفروض يكسر لك رجبتك بس غلطه الشاطر بألف واهو بيدفع ثمن الغلطه دي و هيجتلك بيده
" قالت اخر جملة وخرجت وقفلت عليا الباب ساعه ...ساعة عدت عليا كأنها سنه ساعة من العياط المتواصل معقول هموت عشان انقذت انسان كان ممكن يموت وابن يتيتم يبقي أنا جبت العار ليهم ...اتفزعت أما سمعت صوت الباب بيتفتح"
بسمة: مالك
بصلي من فوق لتحت وقال ببرود: غير خلجاتك يلا
بسمة: هتجتلني بجد
مالك: هغسل العار
بسمة: عار عشان انقذت حياة واحد كان ممكن يموت عار عشان انقذت عيل من اليُتم
مالك: غيري خلجاتك يـَ بنت الناس مش عايز كلام كتير اللي غلط لازم يتحمل نتيجه غلطه
" كان لسه هيتحرك ويخرج برا الأوضه جريت عليه وحضنته في حاجه جوايا بتقولي مالك استحاله يعمل كدا "
بسمة: انتَ مش مصدقني يـَ مالك أنا والله ما عملت حاجه توطى راسك بس انا مازلت علي الوعد اللي  وعدته لنفسي  ولربنا اني اساعد اي حد محتاج مساعده ولو انت شايف أن دا غلط وان عقابه الموت أنا راضيه بس مش علي ايدك عشان خاطري مش أنتَ
غمض عيونه واخد نفس طويل وقال: أنا خارج عجبال متغيري خلجاتك
بعدني عنه ومشي خطوتين مسكت ايده وقولت: برغم كل اللي بيحصل  كل الظروف بتقولي أن لازم اخاف منك دا هيجتلك بس انا مازالت مش بحس بالأمان غير وانا معاك
اتكلم بضعف اول مره اشوفه: ليه عملتي كده ؟
بسمة: أنا والله ما عملت شئ صدقني
مالك: الراجل حكى كل حاجه
بسمة: مصدقه؟
سحب أيده وقال: غيري خلجاتك وبلاش تضيع وقت
" حضنته مرة تانيه وقولت"
بسمة: يمكن دي تكون اخر مره احضنك فيها أنا مش خايفه أنا مازلت حاسه بالامان اللي كل مره بحسه لما بحضنك يمكن دي اخر مره اقولك فيها أن..اني بحبك
" سيبته ودخلت الحمام غيرت هدومي بهدوء خرجت لقيت صفيه واقفه مستنياني وبتعيط حضنتها يمكن دا يكون اخر حضن احضنهولها خدتني ومشيت معايا أيدها اللي بتطبطب علي ضهري بتحاول تخفف عني القلق افتكرت يوم كتب كتابي نفس المسكه نفس الطريقه اللي حاولت تطمني بيها ودلوقتي أنا خارجه عشان اتقتل علي يد نفس الشخص ....خرجت واتصدمت اهل البلد كلهم متجمعين قدام السريا وعاملين دايرة في النص واقف فيها مالك ومعاه مسدس وقفت قدامه الناس كلها بتتكلم في وقت واحد لكن انا كان تركيزي كله معاه هو كنت باصه في عينه رعشه بسيطه لمستني لما سمعت صوت المسدس بيتعمر قرب مني وصوب المسدس ناحيه راسي فضلت باصه في عيونه وقولت "
بسمة: ارجوك اي حد تاني يجتلني  بلاش انتَ
" أيده ابتدت تضغط على الزناد غمضت عيوني جامد اتفزعت علي صوت الطلقه اللي خرجت من المسدس في السماء خلت الناس كلها تسكت فتحت عيني لقيته مصوب المسدس ناحيه بنت كان باين عليها في العشرينات قرب منها وقال"
مالك: لو امك تعبانه وبتموت قدامك هتعملي اي ؟
- ا...امي
مالك: وهي الوحيده اللي بجيالك من عيلتك ومفيش غير دكتور راجل هو اللي يكشف عليها مع أن جوانين بلادنا مانعه أن حرمه تتكشف علي راجل حتى لو هتموت هتعملي اي ساعتها؟
-مش هقدر اسيبها تموت مش هقدر اعيش منغيرها
قال بصوت عالي وشدها من أيديها: تعالي اجفي جنبها عشان هتتجتلي زيها
" صوت الناس بدء يعلى تاني الكل عمال يقول عملت اي عشان تتقتل"
زعق وقال:. عاوزة تدخل دكتور لأمها وتكسر الجوانين عايزه تجيب العار للبلد
" الاصوات بدأت تعلى تاني "
شخص: يعني تسيب أمها تموت عيزها تتيتم هتسمح بكده حرام دا حتى ميرضيش ربنا
" الكل كانوا ردودهم مختلفه ولكن كلهم اجتمعوا علي حاجه واحده أن مش مهم القوانين تتكسر المهم حياة الأهل "
زعق وقال: بيجي الكل هيتجتل
" كمل لما لقى الكل سكت"
: عاوز واحد من اللي اتكلم فيكم يجول هو شاف مرتي وهي طالعه من بيت الراجل لوحدها
مفيش رد فكمل: يعني محدش شافها
ردوا اتنين وقالوا: لا عاصم الخياط شافها
مالك قال بصوت عالي: عاصم يطلعلي
" طلع شاب ملامحه كان باين عليها الخوف "
مالك: جولي بجا يـَ عصوم انتَ شوفت اي ؟
مردش فكمل: شوفت مرتي وهي خارجه من بيت غريب لوحدها صح ؟
-ص...صح
مالك: دا اللي حصل فعلاً هو حكى اللي شافوه بس هل هو شاف كل شئ
" نده علي حامد اللي كشفت عليه وابنه و خلاهم يحكوا كل حاجه وبعد ما خلصوا قال"
مالك: مرتي راحت تعمل بالوعد اللي وعدت بيه ربنا أنها تنقذ اي حد محتاج مساعدة مرتي انقذت طفل من اليُتم مرتي اشرف حرمه وسط الحريم اللي موجودين دول  مرتي عارفه ربنا كويس لما سمعت الكلام اللي اتجال عليها كان هاين عليا اجتع رجبت كل شخص فكر مجرد تفكير أنه يهينها أو يفكر فيها بسوء حتى في تفكيره كنت متأكده من برائة مرتي لانها مش مذنبه من الاول مجرد كلام حريم مالهمش لازم لا وراهم لا شغله ولا مشغله جايبين سيرة ست محدش يقدر يطول ضوفر منها
" قرب مني وباس راسي وكمل "
: أنا فخور بمرتي واللي عملته والعار الحجيجي انتوا فاضين تجعدوا تعيدوا وتزيدوا في كلام منغير متدورو على إثبات بتموتوا انتوا في الهري والكلام الفاضي ...والمره دي الكلام كان علي مرتي ....يبجي اللي غلط لازم يتعاقب
" صوب المسدس ناحيه عاصم جريت وقفت قدامه "
بسمة: ارجوك متعملش كدا
" ابتسم لي و نقل نظره لعاصم اللي وقع علي الارض وبيتاسف"
مالك: احمد ربك ان مرتي مش زيك لولاها لكنت فضيت المسدس دا كله فيك ....كل اهل البلد اللي اتكلم فيهم واللي متكلمش واللي صدق واللي مصدقش كلكم هتعتذرو لمرتي حريم ورجاله
" الكل اعتذر ومشيوا وأنا رجعت البيت ودخلت أخد دش يضيع وجع وتعب اليوم بس ساب كلام مالك اللي كان عمال يتردد في دماغي مكنتش متفاجأة كان جوايا احساس بيقول مالك مش هيعمل كدا "
بسمة: مالك
مالك: عيون مالك
بسمة: انتَ كنت ناوي تجتلني ب...
قاطعني وقال: وعدتك عمري ما هفكر أذيكي وعدتك اكون امانك وانا علي وعدي ليكي
بسمة: بس... انت.....
" قاطعني دخول مامته بعصبيه"
ام مالك: انتَ اي اللي انت عملته دا دي كان لازمن تموت
قام وقف وقال: عملت اللي كان لازم يتعمل يـَ أمي عملت كدا عشان اثبت برائتها جدام اهل البلد كُلتها واخلي اي حد قال اي كلمه عليها يتخرس ....عملت كدا عشان مرتي مش مذنبه يمكن اكون في مكان حامد في يوم من الايام وهي اللي تعالجني ...عملت كدا عشان أنا فخور بيها وهفضل فخور بيها طول ما لسه فيا الروح عشان  تمشي ما بين اهل البلد وهي  رافعه رأسها ومحدش يجدر يجولها تلت التلاته كام
" مامته بصتلي جامد وبعدها مشيت لفلي كنت بصاله بفرحه ماليه عيوني "
مالك: احم كان فيه حاجه اتجالت قدام باب الأوضة اللي هناك دي أنا بصراحه عملت كل ده عشان متكونش اخر مره تجوليها
بسمة: كلمه اي ؟
مالك: كلمه كده اتجالت قدام باب الأوضة عايز اسمعها تاني
بسمة: اااااه افتكرت
مالك: اي هي بجا
بسمة: لا مش عارفه
مالك: فين المسدس أنا اضرب نفسي طلجتين واخلص
بسمة: مالك
مالك: بحبك
بسمة: قولت اي ؟
مالك: بحبك
بسمة: لا بجي دا انت تاخد حساب اللي عملته
----------------------------------------
                             .بعد عدة أشهر.    
  بسمة: مالك ...مالك اصحي ....مالك الحجني  
  مالك: بسم الله الرحمن الرحيم اي في اي
  بسمة: شكلي هولد يـَ مالك الحجني
  مالك: تولدي اي بس في حد يولد الساعه ٥ الفجر نامي يـَ حبيبتي تلاقي دا التعب اللي بيجيلك ما انتِ عملتي كدا فيا المره اللي فاتت بردو نامي يـَ حبيبتي              
" رجع نام تاني من غيظي والتعب اللي حسيت بيه مسكت دراعه عضيته"
مالك: ااااااه يـَ بنت العضاضه
بسمة: بجولك بولد انت هتستعبط
مالك: دا بجد
بسمة: اااااه اومال بهزر
" قام من مكانه بسرعه وقعد يلف حوالين نفسه "
مالك: يـَ ما انت كريم يارب هبجا اب هبجا اب
بسمة: ااااااااه انتَ بتعمل اي منك لله
مالك: اه صحيح أنا بعمل طب اي اعمل اي أنا مش عارف
بسمة: اااااه يـَ مرُي صفيه كلم صفيه كلم الدكتورة اعمل اي حاااااااااجه الله يخربيتك هموووت
" رن علي صفية وجت بالدكتورة وفكوا من ايدي بالعافيه أيده مليانه علامات عض وأثر ضوافر هيهي دا انا "
الدكتورة: الف مبروك المدام جابت بنت زي القمر تتربي في عزكم
ام مالك: هه بنت بدل ما تجيبي ولد عشان يشيل اسمه
بسمة بحزن: دا بدل ما تجوليلي حمدالله علي سلامتك يـَ حماتي
ام مالك: علي اي وأنتِ جيبالنا بنت
مالك: مالها البنات يـَ أمي دا حتى البنات رزق و يـَ سلام بجا لو ربنا رزجني بتلت بنات عشان يدخلوني الجنة العيال نعمه يـَ امي سواء كانوا بنات ولا ولاد أنا راضي كل اللي يجيبوا ربنا حلو
" مامته خرجت من الأوضة متعصبه مالك قرب مني وباس راسي وقعد جنبي "
مالك: حمدالله علي سلامتك يـَ ست البنات
بسمة: الله يسلمك يـَ حبيبي ...هتسميها اي ؟
مالك: جميلة
" بصتله وانا مصدومه وفرحانه حضنته جامد وانا بعيط جميلة يبقي اسم امي اللي كُنت بتمني تبقي معايا دلوقتي "
----------------------------------------
" كنت واقفه في المطبخ بحضر الاكل"
جميلة: مااااماااا
بسمة: نعم يـَ جميلة
جميلة: لمار عماله تاخد حاجتي وتضيعها واسماء عماله تعيط
بسمة: اه منكوا يـَ عيالي يـَ حبيبتي متعمليش عجلك بعجل اختك أنتِ الكبيرة وسعي خليني اشوف اختك
" طلعت من المطبخ بسرعه دخلت اوضه الاطفال عشان اشوف اسماء غيرتلها الحفاضه بتاعتها وشيلتها براحه وقعدت اتحرك بيها في الاوضه لحد ما نامت حطتيها علي السرير بهدوء وخرجت وقفلت الباب براحه ....طلعت الصاله لقيت مالك رجع من الشغل وقاعد ومقعد جميلة ولمار جنبه"
مالك: اختك بتشتكي منك ليه يـَ لمار؟
لمار: عشان مش عايزاني أخد حاجتها
مالك: طب وأنتِ بتاخدي حاجتها ليه مش أنتِ معاكي حاجتك
جميلة: عشان رخمه
مالك قال بحده: جميلة
جميلة: اسفة يـَ بابا
لمار عيطت وقالت: لا مش رخمه بس يـَ بابا هي مش واخده بالها مني خالص اهتمامها كله بقا مع اسماء الاول كانت مهتمه بيا لكن دلوقتي لا من ساعة ما أسماء جت وانتوا محدش فيكوا واخد باله مني خالص انا باخد حاجتها عشان تتكلم معايا وتهتم بيا زي الاول
" مالك كان متوقعش أن لمار تغير من اسماء الطفلة بالطريقه دي أخدها في حضنه وقال"
مالك: يـَ حبيبتي هي اكيد مكنتش تقصد ولا حد مننا كان يقصد اسماء صغيره ومحتاجه حد يراعها ومحتاجه اهتمام محتاجه تحس بينا حواليها وأنتِ لازم تعملي زي ما احنا بنعمل معاها عشان تحس بيكي وتحبك عشان انتِ اختها الكبيره أنتِ اما كنتي في سنها كان اهتمامنا ليكي ...وأنتِ يـَ جميلة أنتِ الكبيرة يـَ حبيبتي لازم توازني و توزعي اهتمامك علي إخواتك الاتنين هي متجصدش تضايجك هي بس عايزاكي تاخدي بالك منها زي الاول
" جميلة فهمت الرساله اللي مالك عايز يوصلها وقامت حضنت لمار واخدتها دخلوا اوضتهم ... بسمة اتحركت نحيه مالك وحضنته"
بسمة: حمدالله علي سلامتك يـَ ابو البنات
مالك: الله يسلمك يـَ ست البنات
بسمة: ست البنات اي بس دا انا تخنت جامد وجسمي بقا وحش حتى وشي
مالك: أنا بحب روحك اللي مهما مر عليها الزمن هتفضل جميلة زي ما هي ولأنها جميلة مخليني شايفك زي القمر
بسمة: انتَ بتجيب الكلام الحلو دا منين
مالك شاور علي قلبه وقال: من هنا ...انا مختارتكيش لكن ربنا اختارك ليا ودي كانت احسن حاجه حصلت في حياتي..لو رجع بيا الزمن هختارك من تاني وهختار احبك من تاني  أنتِ احسن عوض ربنا عوضني يـَ بسمتي

"توته توته خلصت الحدوته"

"لم يكن لقاؤنا صدفه بل كان رحمة من الله لقلبي ...دمت لي شيئاً جميلاً لا ينتهي"♥️

#بسملة_محمود
#مالك_البسمة
#حواديت بسمة ومالك