يجي وكت العتب وتعاتب وياگ
# وخليهن اگبالك وحدة # وحدة
# اجرح بالعتب ما اجرح بسيف
# لأن جرح العتب محد # يضمدة
# موكتلگ ترة هالدنيا دولاب
# اذا افترت عگس حيلگ تهدة 💔
# مرسلين
بديلة هدية رضوة دائماً اسمع هذني الكلمات من عمر اثنعش سنة والحد الأن اسمعهن جنت طفلة متفتهم اي شي من الحياة وفجئة تنصدم بنفسهة بديلة اختهة للشخص جانت تعتبرة اخوهة الأكبر واعز والصدمة الأكبر لمن اشوف نظرات الحقد والكره بعيون هل شخص وعيون اهواي اشخاص وتصير من بوذة من قبل الجميع بأي ذنب متعرف كل التعرفة انو هية بديلة لا غير .....
# شاهين
انا فقط شخص احب بكول صدق فنكسرة قلبه وداووه بخرى لا تعرف عن الحب شيء .......
Fofo12343 وشكراً علة التصميم ممبدعة كل عادة 🌹
قريباً...............
# بديلة اختي
# بقلم خاتون الكعبي ♥️
مشهد...
عليج الروح راحت من يردها
وكيحة وهمومي صارت من يرها
خطية الروح ملت من يردها
لأن بس الصبر يبسل عليه ♥️
••••••••••••••••••••••
# بديلة اختي
# خاتون الكعبي
••••••••••••••••••••••••
____قرائة ممتعة ____
مرسلين
ابوعلهم كاعدين بصف بعض نفس الكعدة ونفس الملامح حتة نفس عكت الحاجب وجدو يهمس بذنة وهوة بس ايهز براسة ويدخن يالله اشكد اكرهم بحياتي ما كرهت بشر مثل ما كرهتهم اصلاً همة الي خلوني اعرف شنو الكره وشنو الحقد والخبث الجد والحفيد نفس البرود والظلم ونفس الهيبة والطغيان جان جدي مخلي عمامي كلهم يتراجفون منة وهسة اجة حفيدة واسلتم القيادة بمكانة وخلة الكل يحسبلة الف احساب اشكد جنت اكره الضعف الأشوفة بعيون عمامي وابوي وحتة اخواني وجنت دائماً اسمع الكلمة اليرددهة جدي بكل كعدة وهي الشاهين هوة الأمر الناهي من بعدي واخر شي عرفتة من امي ونسوان عمامي انو جدي مسجل كل الأملاك والعقارات بأسم شاهين وعمامي كلهم شايطين همة ولدهم بس طبعاً محد فك حلكة بأي كلمة لأن البيوت الساكنين بيهة والمحلات الفاتحيهة هذة كلة ابأسم جدي ويكدر بي لحضة يطردهم اذا اعترضو او حجو شي والدي للأسف جان من ظمنهم شلت اعيوني عنهم وزفرت انفاسي بكره وباوعت علة بيبيتي الي ابتسمت بوجهي وحطت ايدهة علة ظهري ابتسمتلهة والتفتت علة عمتي الي كالت
ام سارة : مكلتنة عمة شاهين اشوكت نفرح بيك ونشوف جهالك
شاهين : نفخت دخان الجكارة وكلت برود بعد وكت علة هل حجي
ام سارة : يا عمة شبعد وكت البكدك جهالهم بطولهم وانتة بس اشر بصبعك وتجيك المرة اشو ما شألله كامل مكمل والناس تتمنة تناسبك وهاي بنات عمامك وعماتك يا مكثرههن وحدة احلة من الثانية انتة بس اختار
ام اخلاص : اي والله يا عمة يوم المنة ونشوف عرسك ونفرح بيك وهاي بناتي من اخلاص المنال جوة ايديك طب وتخير
مرسلين : ابتسمت بسخرية علة حجيهن اعرفهن يردن يضوجني بحجيهن بس ميعرفن اني اول الفرحانين اذا ازوج وخلصت منة وباوعت علة خالتي ام شاهين جانت تباوعلي بمعنة لا ازعلين هزيت راسي ببتسامة بمعنة ماكو شي ومعرف ليش راحت اعيوني علة اختي هدى الي جانت عيونة مرتكزة علة شاهين ورفعت راسي علة شاهين الي جان................
يتبع
_______________
هسة حتكلي ليش نشرتي المشهد اذا انتي اجلتيهة معرف بس طكت ابالي فكرت المشهد وكتبهة علة السريع ومعرف ليش هم بس جداً متحمسة الهل قصة بذات احسهة شي مختلف وجديد وقليل قصص من هل نوع او الفكر بالوتباد واحب انوه انو هاي القصة خيالة بالكامل بس اكيد مقتبسة من واقعنة الي دنعيشة وذا اشوف حماسكم نفسي والتفاعل حلو حقرب موعد النشر
ولا تنسون التصويت والتعليق والتاكات حتة يصعد تفاعل القصة 💪🏻
واحححححححححبجن خاتوناتي ♥️
باي 🖤
