كم رق قلبي حين كنت المتصل..
يا من بصوتك كل هم يرتجل..
بالحب تسأل كيف صارت حالتي..
وأراك بين القلب أغلى من سأل..
حتى اذا تنمقت شكل إجابتي..
تتلعم الكلمات مني والحمل 💞
البارت التاسع والثلاثون والاخيررر
••••••••••••••••••
#بديلة اختي
#بقلم خاتون الكعبي
•••••••••••••••••••
____قراءة ممتعة___
تذكير
ابو محمد : توكل ع الله بوية وخل انزوجهم خير البري عاجله
الجد برود : كلت مو هسة اذا متعرف ببنك اذكرك بسوالفه
اوتار : اباوع ع محمد انتفض من مكانه بعد كلام جدو وبدة يتعايط هوة وجدي الي ما سكتلة وكام يهاددة بالعكازة البيدة ويأشر بيها علي صار بيناتهم خالو ومحمد سحبته خالة وطلعته برة وجدي بقة يعيط بعصبية ويسب بمحمد واني واكفة بنصهم لا حجيت ولا كلت باقية بس مصفنه عليهم واعيوني تتحرك بيناتهم سند خالو جدو الغرفته وبيبي كعدت تتحسب ع محمد ما انكر ضجت واحترك كلبي صحيح جنت رافضى فكرة العرس يتقدم بس مو بهالطريقة
ومفهمت ع شنو هالرفض من طرف جدو طلعت من الأستقبال مخنوكة وكعدت بالحديقة ضليت منتظرة محمد للفجر وهوة ماكو قلقت وخفت علي ومنتأخرة واعرفه بس يعصب ميشوف شي كدامه رجعت الغرفتي واني ادعي انو مصايرلة شي اخذت مبايلي دكيت علي مرة واثنين ماكو بقيت ادك علي واني ااحس بكلبي ايفور من الخوف والقلق المشكلة بس يرن وهوة ماهو بقيت ع هالحالة الحد متكيت براسي ع تاج الجربايه معرف اشلون اعيوني اخذت نوم مدري من التعب والتفكير غفيت واني لازمه التليفون وحاطته ع كلبي للصبح فزيت مرعوبه ع صوت صريخ خالتي وبيبيتي من الخوف احس رجلية مكامن يحملني حتى اطلع من الغرفه
اتكيت ع الكنتور واني اعيط ع ماما وسارة ردت وحدة منهن تجيني بس ماكو دخلت للصالة واني اتكي بأيدي ع حايط اباوع ع عمتي تعيط بهستيرية وبيبيتي الدمعه بطرف عينها والبنات يبجن جمر كلبي بس من المنظر
اختل كل توازني وقوتي واني اسمع خالتي تنعي بأسم محمد بعبارت عصرت كلبي وخلته ينكط دمم ارتدم راسي بالكاع واني اسمع صوت الصريخ يتعالة و..
_________________
مرسلين
شاهين: اااابقييي بمممكاانجج عطت بيها ودرت ع زهراء.. يللة انتي نززلي وبعدين اتفااهمم وياجج
زهراء بخوف : شااهين لا تغلط وتتهوور من وره عصبيتك بعد اخيتك بعدهي طفلة مو حمل عصبيتك
مرسلين : خاف جنت مطمئنه ولو اشوية منه انه مراح يكدر يأذيني اجت زهراء وكملتها علية بهذة كلامها كمت بس ابلعم من الخوف وهوة محجة شي بس هز براسا وبقة اعيونه مرتكزة ع طريق نزلت زهراء من السيارة باوعتلها وكأني اترجاهة تاخذني وياهة ومتعوفني وياه وهية مثل الفتهمت نظراتي هزتلي راسها بقلة حيلة وابتسمت بوجهي بقلق
وهوة منطى مجال شخط اسيارة وبدة يسوق بسرعة رهيبة مكدريت احجي شي من الخوف بقيت بس افرك بأيدي واقرة ايات وادعيه اطمن بيهن نفسي وزاد خوفي واني اشوفه طلع من منطقتنه ع شارع العام يعني حتى لو جان عندي امل ولو خمسه بالميه يساعندي عمو او عمتي راح هالأمل ومبقالي غير الدعاء ساعة او اكثر والسيارة ادك بينه الحد مدخلنة المنطقة شبه معزولة لو تكتل وتذبح بيها محد يعرف مبيهة غير اتلث محلات او اقل وبالكونات الشقق الفوكاهن معقول اكو عماره ومحلات بهيج منطقة حتى اشك بيها ناس التفتت ع شاهين بخوف واني اهمس
