روايه نساء بلا ماؤي

الفصل الثاني

#نساء_بلا_ماؤي

الفصل الثاني

بسم الله الرحمن الرحيم

جددت حبك ليه بعد الفؤاد ما ارتاح...

كانت قاعده قدام المستشفى وحاطه ايديها في جيبها ودموعها نازله على وشها حسيت بيه وهو بيقعد جمبها مسحت دموعها ورجعت حطيت ايديها في جيبها تاني
قعد جمبها بهدوء وساند ضهره على الكرسي وحط ايده في جيبه هو كمان
بدات تتكلم بهدوء وهي باصه قدامها
فاطمه: شكرا لانك ساعدت ادهم واتبرعتله بالدم انا حقيقي مش عارفه اشكرك ازاي
قدر:تشكريني على اية ادهم زيه زي كرم ابني ودا واجبي انه اساعده في الاوقات اللي زي دي...لو احتاجتي اي حاجه كلميني وانا مش هتاخر عليكي
فاطمه:معتقدش اني هحتاج حاجه منك او من حد تاني بس على العموم شكرا
فضلوا ساكتين وباصين قدامهم لحد ما الدنيا بدات تمطر
بص للسما وابتسم
قدر:ل اول مرة من ٢٠ سنة احس بجمال المطر من تاني
بصتله بحزن ورجعت بصيت قدامها تاني
فاطمة:بس للاسف حسيت بوجع عمري ما حسيت بيه من ٢٠ سنة
بصتله من تاني
فاطمه:او يمكن كنت بحاول انسي الوجع دا
وجيت انت في لحظه صحيت وجعي من تاني وكسرة قلبي
بصلها بحزن
قدر:انا اسف يا فاطمة انا السبب في كل حاجه حصلت من عشرين سنة ولسه لحد اللحظة دي بندفع تمنها احنا الاتنين
فاطمة:اعتذارك دا لا هيقدم ولا هياخر حاجه من اللي كنت السبب فيه يا قدر
انت اه بتدفع تمن غلطتك زمان بس مش قدي انا بدفع تمنها اضعاف ومش قادرة اني اتكلم أو حتي انطق بالتعب اللي بحس بيه لحد اللحظه دي
اديك شايف اهو ابني مرمي جوا ومحدش عارف مصيره ايه وانا معيش حد غير ربنا حتي مرات ابوه مخلتنيش حتي اقول ل ابوه علشان يجي يساعدني والله اعلم بقي هي قالتله ايه عني دلوقتي
اتردد انه يمسك ايديها لحد ما مسك ايديها وطبطب عليها
قدر:انا معاكي يا فاطمه عمري ما هسيبك لحظه بعد كده
سحبت ايديها ومسحت دموعها
فاطمه:انا مش عايزه حد يبقي معايا يا قدر
انا لوحدي وكويسه وانا لوحدي أنا بس كل اللي طالباه منك تبعد عني ومتخلنيش اشوفك تاني ..د
قامت من جمبها ودخلت على المستشفى
فضل باصص عليها بحزن ومش قادر حتي انه يروح يقف معاها ويكون جمبها

كان واقف قدام الاوضه وعمال يخبط عليها بس هي مكنتش راضيه تفتح وقافله الباب بالانفتاح
ياسين:هند انتي لو مفتحتيش الباب وفهمتيني ايه اللي حصل وفاطمه كانت هنا بتعمل ايه وقالتلك ايه صدقيني هتصرف تصرف مش هيعجبك
اتكلمت من ورا الباب
هند:هتعمل ايه يعني يا ياسين
هتمد ايدك عليا وتضربني زي ما الهانم بتاعتك عملت معايا
هو انت كنت جايبني من بيت اهلي علشان تهيني انت وطلقتك ؟!
ياسين:يا حبيبتي مانا عايز افهم هي عملتلك ايه علشان اعرف اتصرف واروحلها
افتحي الباب يا حبيبتي وتعالي نتكلم بهدوء وانا اوعدك اني هجبلك حقك منها
فتحت الباب وخرجت وهي ماسكه شنطه هدومها
بص عليها وهو مش فاهم حاجه
ياسين:ايه اللي في ايدك دا يا هند
هند:زي ما انت شايف يا ياسين شنطه هدومي
ياسين: يعني اية شنطة هدومك يا هند...!
هند:يعني أنا رايحه عند اهلي يا ياسين ومش هرجع هنا تاني واتمني ورقة طلقي توصلي
ياسين:لا دا انتي شكلك اتجننتي على الاخر يا هند
اتكلمت بحزن مصطنع
هند:انا بردو اللي اتجننت يا ياسين؟!
وطلقتك لما تجيلي البيت وتقولي انك متجوزني علشان تغيظها بس وانك عمرك ما حبتني وانها كلها كام يوم وتطلقني وترجعلها وتوصل انها تمد ايديها عليا كمان
كله دا وفي الاخر يبقي انا اللي اتجننت يا ياسين
اتكلم بعصبية
ياسين:ايه اللي انتي بتقوليه دا يا هند
فاطمه عملت كده بجد؟!
هند:مش مصدقني ولا اية يا ياسين
روحلها واسألها بدل ما انت واقف بتكدبني كده
هز راسه بعصبية
ياسين:هروحلها
بس انتي مش هتتحركي من هنا غير لما ارجعلك ونتكلم
هند:يعني ايه
مردش عليها وخرج من البيت وقفل الباب عليها بالمفتاح
جريت على الباب وحاولت تفتح بس مش معرفتش بدات تخبط على الباب بعصبية
هند:افتح يا ياسين
انت اتجننت انت هتحبسني في البيت
افتح يا ياسين بقولك
فضلت تخبط على الباب وتتكلم بعصبية لحد ما اتاكدت انه ركب الاسانسير ومشي
ابتسمت وبعدت على الباب وبصت على الباب
هند:سوري يا فاطمة بس انتي اللي اضطرتيني اعمل كده
ياما قولتلك ابعدي عنه ومتحاوليش انك تقربي منه وبردو مسمعتيش كلامي وجيت لحد باب بيتي
تبقي غبية لو فاكره اني عبيطه شبهك واسمحلك انك تاخديه مني
زي ما قدرت اخده منك هقدر اخليه يكرهك قد حبه ليكي زمان
قعد على الكنبه بفرحه وفتحت التلفزيون وقعدت تتفرج عليه