حسيت بصوت يقره قرآن يم راسي بس اني هيوني ثقيله عبالك طابوك عليها
اريد افتحها
ما أكدر
بعد مقاومه فتحت شويه عيني
شفت امي يم راسي
كتلها ماما
ركضت عليه تبجي صاحت بابا واخوتي دخل بابا حضني ويبجي يكلي
اخ لج ممصدك هاي انتي رجعتي كنت فاقده بغير عالم احس دماغي ظاربي بنج نمت
ثاني يوم كعدت اذكرت فهد واغتصابه
شلعت الكانوله وكمت ابجي واعيط والطم شعري كطعته
ظربوني ابره ونمت عشت على المهدء لمده اسبوع
تحسنت شويه
طلعوني اهلي من المستشفى
طلعنا بالسياره اباوع احنا بالشمال دخت مدري اني كمت اهلوس المشكله ما أكدر احجي احس مخنوكه بس ما أكدر احجي فقدت النطق
وصلنا يم عماره
باوعت هذا بيت خالتي
شقتهم خالتي مزوجه
تاجر زوجه هم كردي عدها ٣ولد وبنت وحده الكبير ازاد مزوج وعده ٢اولاد
الثاني ابراهيم خاطب بت عمه
الثالث سردار هذا اخويه بالرضاعه اكبر مني ٢شهر من ماما ولدتي كنت مريضه ويرادلي عناية ماما كانت ملتهيه بالبورد تتخصص بالنسائيه
المهم خالتي اقترحت تخليني يمها وتهتم بيه
رضعتمي خالتي ويه سردار وعتنت بيه
ربتني كل فتره يجون اهلي يشوفوني إلى أن صار عمري ٣ سنوات ماما كانت مكمله البورد اختهم الصغيره همرها ١٢سنه اسمها ايفين.
كنت كل فتره بالعطله
اروح ابقه يمهم لان من يتعاملون ويايه صدك احسهم اخوتي وأهلي
نزلت من السياره
اخويه احمد كان شالني وصعدنا
فتحو الباب واستقبلوني خالتي حضنتني وتبجي
والولد هم موجودين
دخلتني لغرفه ايفين
نومني احمد على سريرها كنت بعدني بسبب الادويه دايخه
دخلت خالتي
باسني وحضنتني
كلتلي شوكت متردين تحجين اني موجوده وبضهرج
طلعت غمضت وتذكرت فهد وكلامه
وخوفه زين ليش هيج سوه ليش حطمني
ثاني يوم اجت رنا اختي كنت كلش محتاجتها من شفتها كمت ابجي واشهك
هيه هم حضنتني وتبجي كانت حامل بشهر الخامس
بوست بطنها ونمت بحضنها كنت احسها امي مو اختي
راحت قفلت الباب ونامت يمي كالت راح احجيلج الصار وانتي من اكمل اريد تساعديني وتحجيلي
كمشت وجهي اوك نيري هزيت راسي
رنا. كنت بالصيدلية وبابا اتصل بيه كلي تعالي البيت اليوم عندي موضوع وياكم كتله اوك كملت شغلي من وكت بالصيدلية ورحت للبيت ستوني طبيت للبيت دخلت للحمام طلعت شفتج كبالي بمنضرج الي للموت وما أكدر انسا
اختي الصغيره متعرضه للضرب والاغتصاب من فقدتي اتصلت ببابا اجه بسرعه من شافج شالج بسرعه ورحنه للمستشفى اجتي ماما واحمد
دخلت اني وماما ودكتوره هند صديقه ماما فحصوج وتبين او انتي متعرضه الاغتصاب وغشائج متمزق
