اسد والجميلة

البارت 46

#ريان
كاعدين كولنه بل كوستر جانت الساعه ب٣بليل كلهه نامت عبالي بس اني كاعده شفت اسد كاعد سويت نفسي نايمه جان الكرسي مالتي عل يمين لشخصين رزان يم الجامه واني بصفهه والكرسي الي على جهة اليسار اسيل وزوجهه وراهم اسد وجده حسيت بلمسات على وجهي عرفته اسد من عطه مخلي اصابعه على وجهي وعيوني ويمررهه باسني وجر نفس وهمس اريد اسامحج عل سويتي بس شسوي ليش هيج ليش دفعته وتقربت علي وهمسته اششش لو تحبني ميطلع عندك ولد من وحده
اسد........ ماراح اسامحج ابددد تدرين ليش لأن الولد مو ابني وهاي الي اجت الحجيتلج عنهه

ريان.......... تره اني مو مضحكه شنو مو ابنك هه

اسد.........حيل راح تندمين حيللل

ريان......... سحبت نفس نزلت دموعي اباوعله رجع المكانه ورجع راسه وغمض عيونه درت وجهي وغفيت كعدت الفجر وكفت السياره بل استراحه جدو دفنا بل نجف لان هم مو اكراد همه عايشين بكردستان بس كل عائله جانا بمحافضه فصار الطريق طويل نزلنه للحمامات واسد وكف على صفحه مضيق عيونه ويدخن ويباوعلي شافني اباوعله دار وجهه عني دخلت عدلش شالي غسلت وجهي وصلينه كالو ننزل بمطعم قريب ونتريك رجعنه صعدنه واسد اجه آخر واحد ورجع كعد وصلنه للمطعم نزلنه مااكلت شي بس شوربه ومي واسد ما اكل شي اباوعله دايخ وكاضيهه بس يدخن اخذت عصير ولفه ومي ورجعنه للسياره كل شوي اباوعله بل اخير داخ الكل حس علي وجدو ايمن يغسل بوجهه ويشربه مي كتله جدو اسد ما اكل شي وداخ الكل ضلو يباوعولي

الجد ايمن.......... انطوني شي اوكله

ريان........... طلعت العلاكه وانطيتهه اله كتله هذا اكا جبته الي بس اكلت ماا جوعانه

اخذه واسد ميقبل ياكل يكله مااكدر بعدين جدو نزله من السياره اباوعله يغسل بوجهه شرب مي واكل ورجعو وهوه يباوعلي وعيونه ذبلانه وصلنه ضليت أقرأ قران نزلت دموعي دعيتله زرنه الإمام بعدين كعدنه كولهم بل صحن شفته اجه بأتجاهي درت وجهي تقرب يمي وهمسلي ادري الأكل جبتي الي ليش متكولين هيج ما تعبتي من الجذب متكدرين تكولين جبت الاكل الأسد لو غرورج ميسمح حقج ابتعد اباوعله لابس تشيرت اسود وبنطرون عضلاته بارزه شرايين ايده مشيته الي تعادل عشر زلم شواربه بعد مااعرف وين راح رجعنه لبيت جدو بقينه يومين بهل يومين ما شفته ساره كل شوي وذبت كلمه وكالت صرتي حالج من حالي ههههه وترجع ودي اموتهه املخهه بس ماالي خلكهه رجعنه البيتنه واني ميته من التعب وكل شوي، اذكر كلامه رجعت سبحت وبدلت وشغلت المكيف وتمددت تعبانه رجلي مووتتني غفيت مرت الأيام عاديه
خطيه علي ترك شغله وبده يدرس اربعة وعشرين ساعه.... اهلي يرحون للمستشفى ومرات تجي يمي مرام نكعد نسولف ونضحك وحذرتهه متجيب طاري اسد ابد اريد انسى هايهيه خل كل شخص يشوف حياته اجذب على نفسي اذا اكول نسيته لو كرهته جذب بعده بكلبي بس احاول حتى ميضيع مسقبلي كعدت الصبح نفس كل يوم علي يدرس وساد الباب علي واهلي بل مستشفى اتصلت على مرام شويه واجت بيتهم قريب على بيتنه كعدنه نسولف ونسوي اكلات وحلويات وكل شويه اضربهه وترجعلي الضربه 😂مكافش كل مااتذكر ضيعت سنه اندم بس يلله كل تأخيره بيهه خيره انشاء الله اعوضهه رجعت سمنت وصرت احلى من قبل راح ندخل ب2018واني بلشت اغير روتيني رجعت اعتني بنفسي اشغل نفسي تنضيف صلاة طبخ اباوع عل تلفزيون مسلسلات هيج وانتضر يخلص الشهر كمت انضم وقتي ولحسب يوم يوم رجعت اعتني بنفسي سمنت وبعد ما اغمى علي واخذ فيتامينات وقت الفراغ اكعد اتمكيج واخذ صور رجعت الواتساب حضرت اسد ورزان مرات تراسل تكول دزيلي صور مشتاقتلج واني ادزلهه صور وفديوهات