اسد والجميلة

البارت 37

ريان......... كعدني اسد الساعه 6كمت حضرت الجنط وكولشي جاهز حميت الصاج الي جابه بل فرن وتريكنه وبدلت ملابسي لبست بلوزه ماروني وحذاء هم ماروني وشيله سوده وبنطرون اسود مكياج هم خفيف ميقبل اسد اخلي هواي بس بل بيت عادي
والعبان نفس بعده ما راح بس ما كلت لاسد مااريد اقلقه بعدين طلعنه بسيارة اسد مر كولشي عادي وصلنه لسليمانيه الساعه 3الضهر نزلنه لكينه محد بلبيت بس خالتي ام اسد والبقيه طالعين

ام اسد........ يا هلا والله مشتاقتلكم طبو كلهه طلعت اليوم متفقين 😂

اسد....... يا خونه ليش ما كالولنه

ام اسد......... والله يمه انته متثبت على يوم يوميه تغير رئيك

اسد.......... والله يمه شسوي مشوفين ابنج ملتهي بمرته

ريان......... باوعتله وخزرته وخجلت

ام اسد........... الله يهنيكم يمه واشوف جهالكم يا بعد كلبي

ريان........ حبيبتي خاله

ام اسد.......... تتغدون مسوين برياني ولحم

اسد.......... اي والله ميتين جوع

ام اسد........ اصمله عليكم يمه خسى الجوع هسه اصيح ام حيدر تصبلكم الاكل

ريان........ اساعدهه بشي

ام اسد.......... لا يمه هسه تصب الاكل واصعدو ارتاحو

اسد......... انتي مو مريضه متكعدين راحه اكتلج يلله

ريان.......... لا حبيبي زينه صرت

ام اسد......... خير شبيهه ريونه

ريان.......... لا خاله مابيه شي بس البارحه طلعنه ورحنه للالعاب واسد كال خل نصعد بل ديلاب اني اخاف منه وهم ادوخ دائماً وصعدنه ودخت وهوه عباله بيه شي

ام اسد........... سلامتج بنتي مابيج غير العافيه

ريان......... الله يعافيج حبيبتي خاله

ام اسد......... كولي يمه ريونه

اسد........ ها صرتن حبايب تره اني اغار

ام اسد......... لا يمه انته متجينه لو ما ريان تلح عليك

ريان....... صدك يمه وين جدو أيمن شلون صار

ام اسد........ اخذو للمستشفى وسوله تحاليل الحمدلله زين راح يم بيت عمي فلاح

ريان........ خوش حتى نروح نشوفه
تغدينه وصعدت لكيت اسد نايم رحت حضنته ونمت يمه تعبان حبيبي وطالعتله هالات ومسام

اسد.........اكو ناس بسببهم صار هيج لأن يتعبون

ريان.......... ها يعني اني اتعبك.... روح زعلت

اسد........... انجبي ونامي مو وكتج هسه.

ريان......... خوش بعد لتحجي وياي
سكت درت وجهي وابتعدت عنه ونمت

#علي
بعد ما راحت ريان البيت ضل فارغ جنت احجيلهه وهيه تفهمني حتى بدون ما احجي احس كمت اتمنى تزعل حتى نطلع واحجي وياهه صعب عندك اخت وحيده ومربيهه على ايدك وتفهمك وتفهمهه وتحترمك وتحبك وكلبهه طيب وتطلع من البيت والمشكله اني هم وحيد ماعندي اخ او اخت اخوان هواي كضيت وقتي عل شغل ودراسه مرات انسى. اكل شي من التعب حتى نوم ما اشبع كلت ما بقى شي بس كم شهر واخلص انطيت واسطه عل خمس اشهر ورجعت كملت ما بقى بس كم شهر مااريد اضيعهم بديت ادرس واشتغل ورزان مرات تزعل لان مااحجي وياهه تكول، تخوني وارجع اصالحهه مرات اني هم اضوج من كلامهه ومتدري بحالي كولشي علمودهه