اسد والجميلة

البارت47

اويان......... كعد كبالي ويدخن باوعتله كتله الف مبروك منو الخطبتهه باوعلي بطرف عينه ورجع يدخن خفت سكتت

اسد......... معليج

ريان......... هوه شنو معلي غير ردت اكول زوجتك سكتت

اسد.......... هوه غير طليقتك

ريان........ صدك اني حالي حال ساره صحيح كلامهه

اسد......... لا هيه طلكتهه وخلصت بس انتي همج بقه على كلبي

ريان......... بعدك تحبني
باوعلي وجر نفس

اسد....... كومي ارجعج

ريان........ اخذت جنطتي وكف كبال الباب واني مشيت وهوه يباوعلي اجه صعد بل سياره وباوع على ملابسي

اسد......... بعد هاي الصدريه ماكو اضيك منهه

ريان......... لتدخل اني حالي من حال ساره ويمكن ساره اكو بكلبك حب الهه اني لا

اسد......... ريااااااانننننننننن ناوووويه على موتجججج اليوم

ريان........... سكتت

وصلني للباب شفت اسيل نزلت من الخط باوعتلي وضحكت غميتهه واسد وراي درت وجهي شفته يضحك
ليش تضحك قرد كدامك
اسد........ انجبي وامشي ولي جوه

ريان.......... شفته لازم المبايل
باوعتله هااا رساله من حبيبتك مدري خطيبيتك الله ياخذكم

اسد........ ولجججج رياااننن

ريان........... عاط بيه واني طبيت اركض للبيت دخلت للصاله عثرت ورجلي انضربت بل باب

علي......... شبيج الله مخبلج 😂

ريان........... دسكت علي كمت اعرج وصلت للغرفه بدلت ونزلت لكيت ماما مسويه معجنات بيتزا ومعكرونه كعدت اكل ورجعت الغرفتي قفلت مبايلي وكعدت أقرأ راسلت مرام وحجيتلهه الي صار دزتلي الدروس وكعدنه ندرس سوه شكددد منطينه واجبات هذن المدرسات يردن يموتنه ويخلصن من عدنه كعدت أقرأ متت تعب خلصت قرايه شغلت المكيف شمرت نفسي عل جربايه شويه وصعدت امي كالت بدلي نطلع واني ما صدكت رحت لبست بنطرون اسود وقميص ماروني وكعب ماروني بدلت وخليت حمره حمره ومكياج ونزلت بدلنه وطلعنه افترينه رحنه للمول وتعشينه بره ورجعنه شفت سيارة اسد واكفه بعيد عن بيتنه شافني دخلو اهلي كلتلهم ادور ساعتي واجي اقترب اسد واجه خازرني

اسد........ شنوووو هاي الحمررره والمكياججج

ريان......... شبيهه وكفت بدلع لزمته من سترته وقربته علي

اسد........ الشارع ريااان تخبلتي

ريان....... مو الشارع خطيبتك متقبل هه
دفعته ضحك وكف وخله ايده بجيوبه ويباوعلي
  باوعتله درت وجهي تخصرت باوعتله صفح كتله روح

اسد.........طبي جوه ريانو شكد حلوه من تصيرين عصبيه وخاف ما حجيت اذا لكيت الحمره الحمره والمكياج احرك اهلج