السلام عليكم احبتي♥️
قصة (انقذيني من انتقامي) جدا رائعة و الكاتبة ابدعت بسردها.
طبعا للي ميعرف الكاتبة اوتار حزينه (لبنى) اني الصراحة قبل فترة وره ماتوفت عرفت اكو هيج كاتبة و جان عدها حساب بالواتباد بس للاسف زوجها الله يسامحة حذف كل قصصها و يكولون هي توفت بحادث سير ويه والدها و هي عندها ضعف بالقلب يكولون لذلك متحملت و توفت الى رحمه الله.
و للاسف قصصها مظلومة و ممعروفة عند الكل و اكو كم قصة الها مموجودة بالواتباد و لا عند الناقلات ماعرف اذا حكدر انقلهن او لا .
فكلت راح انقل قصصها الموجودة بحسابي و بعدين باقي القصص الحلوة كذلك.
و اعزائي اني ماريد منكم لا تصويت و لا شي فقط اقروا الفاتحة على روح الكاتبة لان مبينة جانت انسانة راقية و محبوبة و تستاهل تترحمون على روحها.
وانتظروني غدا ان شاء الله بقصة جديدة للكاتبة.
تحياتي لكم ♥️
الناقلة مريم التميمي 💛
