كبرياء طفله
١٧
بسم الله الرحمن الرحيم
دخل جبل
حور وسمر وحنان قاعدين مع بعض في الجنينه
حور : حمد لله علي السلامه
جبل قبل جبينها : الله يسلمك يا قلبي
قرب من حنان وقبل رأسها : حبيبتي عامله ايه انهارده
حنان : الحمد لله يا بني
قعد جبل جنب حور .. سمر : ازيك يا جبل
جبل بعدم اهتمام : الحمد لله
سمر شالت الطفل : مش هتسلم علي جاد وله مش وحشك
قربت منه سمر .. وهو اضايق وبص علي حور اللي بتحاولي تداري غضبها
شاله جبل وقال لسمر : اقعدي بقي بعيد
حور وقفت . جبل سألها : رايحه فين
حور : هجهزلك الاكل. مش جعان
جبل : لا . متتعبيش نفسك انا مليش نفس .
حنان : قوم يا جبل ارتاح في اوضتك . يلا يا حور اطلعي مع جوزك
جبل ساب الطفل وطلع مع حور
حنان لسمر : بقولك شغل العقارب ده يا ريت تبطليه.. جبل بيحب حور و اما صدقت اشوفه مرتاح بلاش تبوظي حياته لاني مش هسمح بكده
سمر : مش فاهمه انتي بتتكلمي عن ايه
حنان : لا انتي فاهمه وكويس اوي كمان .
سمر فضلت السكوت بس من جواها كانت بتتخطط أن جبل يحن ليها.. وقتها هتعرف تتخلص من حنان
فكرت أنها ممكن تسمها وكده حنان هتموت ومش هتعملها اي تهديد .. بس الاول هتتخلص من حور
علشان جبل يرجع ليها تاني
افكارها كلها شر وكل فكره اسود من التانيه
......
تاني يوم
جبل اتاخر في شغله ..سمر كانت منتظره جبل وهي متزوقه ولابسه فستان قصير
دخل جبل البيت وسمر نزلت من علي السلم واول اما شافته عملت نفسها هتقع لحقها جبل بحسن نيه
سمر لفت أيدها علي رقبته : ااه رجلي .. شكلها اتكسرت . .. الحقني يا جبل .. شوف كده يا جبل .. مش قادره ادوس عليها شلني طلعني اوضتي .. شكل رجلي اتكسرت
جبل بعد عنها بعد ما فهم حركاتها: عقبال رقبتك اما تتكسر مش رجلك
سابها وطلع اوضته وهو مضايق .. فتح الباب ودخل
حور : حبيبي. انا
وسكتت حور وهي بتبص لجبل
.
.. جبل : مالك يا حور . في ايه
حور بغضب : انت كنت فين
جبل : كنت في الشركه مش انا كلمتك وقولتلك عندي عشا عمل
حور : وعشا العمل ده رجاله وله ستات
