كبرياء طفله
الثامن
استغفر الله العظيم
جبل فاق علي صوت
جميله وهي بتسال عمران علي الاشاعه
: انت مش قولت عملت اشعه لجبل . مقولتش اي الاخبار
عمران : هو كويس الحمد لله
حور : عمران انت مخبي علينا ايه . احنا مفروض نعرف حالته
عمران : هو بس محتاج راحه ومع العلاج الطبيعي هيكون كويس
سمر : شكلك مش عايز تقول الحقيقه . لو اتشل قولنا اهو نعمل حسابنا
حور : اخرصي انتي بتقولي ايه
جميله : . أن شاء الله انتي وأهلك اللي يتشلو
عمران : بس بقي . احنا في مستشفي . وبعدين يا مدام . الملافظ سعد زي ما بيقولو
سمر : انت بتكلمني كده ليه يا جدع انت . احترم نفسك
جميله : انتي اللي تحترمي نفسك
جبل فتح عينه علي الصداع : ااه ..دماغي
جريت حور .. سمر زقتها : مالك يا حبيبي . فيك ايه
جبل : دماغي بتوجعني
عمران حقنه بالمسكن : لو سمحتم هو لسه تعبان ومش هيقدر علي الكلام كتير . ياريت تقدرو ده
حور بدموع : حاضر احنا هنسكت خالص
عمران : جبل انت كويس
جبل : الحمد لله ..
جميله : الف سلامه عليك يا حبيبي
جبل : الله يسلمك
سمر : يا روح قلبي . أن شاء الله حد تاني وانت لا
جبل : شكرا
حور عيونها مش بتبطل دموع
جبل بصلها : انتي مين ، انا اعرفك
الكل بصوله باستغراب معقول جبل نسي اكتر واحده قريبه لقلبه
حور قربت بصدمه : انت بتقول ايه يا جبل
جبل ؛ انتي تعرفيني . هي دي مين . حد يقولي
حور : انا حور يا جبل . حور ازاي فاكرهم وناسيني انا . انا اخر واحده كانت معاك . فهمني
جميله مسكتها : حور .. جبل تعبان
سمر : يلا يا حبيبتي . اطلعي بره وانهاري براحتك انا جوزي تعبان .. وبعدين مش لازم يعني يفتكرك
حور بتعيط وهي بتبص لجبل اللي مش بيبصلها
فتحت الباب وخرجت و جميله وعمران خرجو وراها
.....
سمر مسكت أيده : حبيبي . وحشني اوي .. مش انا عرفت أن في بطني ولد عايزه تسميه ايه ..
جبل ؛ مش عارف دلوقتي .
سمر : ايه رايك نسمي سيف .انا بحب الاسم ده . وله انت ايه رأيك
