كبرياء طفله
ال١٥
سبحان الله وبحمده
جبل بيتصل تاني بعمران ... عمران بيدور علي الموبيل اللي سامع صوته ومش فاكر فين
جبل : اه طبعا . اكيد الأستاذ عايش في مايه البطيخ يا بخبتك يا عمران ..
عمران لاقي الموبيل في الأرض ..قعد في الأرض واتصل بجبل
جبل : الو يا عمران .. مش بترد ليه
عمران : بتتصل ليه اصلا
جبل : ما تتكلم عدل ياض . بدل ما اجي انكد عليه واخد جمييله
عمران : تعال خدها . انا لا طايقها وله طيقك وله طايق نفسي
جبل :يا حيوان .. دلوقتي مش طايقها
عمران : جتك نيله علي ارك ..انا نايم علي الكنبه واختك واخده ام السرير كله
جبل ضحك : تستاهل .
عمران : اه . انت اتجوزت وعايش بقي
جبل : جتك نيله علي نيلتك . انت متعرفش حصل ايه
عمران : ايه
جبل : ام سمر جتلي امبارح ومعاها واد بتقولي ابنك .. وحور اصلا نيمتني في اوضتي
حكي جبل اللي حصل بالتفصيل وعمران فطسان علي روحه من الضحك لحد اما جبل اضايق وقفل الموبيل في وشه
عمران : ماشي يا جبل. بتقفل الموبيل في وشي . اما قوم انكد علي جميله
وقف عمران وقرب من السرير كانت جميله نائمه بعرض السرير وشعرها منكوش
عمران.: ايه ده مين دي
عمران : جميللله ...جمممميله
جميله : اااايه
عمران : اعوذ بالله ..
قاعدت علي السرير وشعرها منكوش و عين مغمضه والتأمين مفتحه
عمران : انا كنت متخيل الجواز غير كده خالص .
جميله : قصدك ايه
عمران : يعني تخيلت تقومي من النوم شعرك سايح علي وشك وانا اشيله.. مش نايمه وانتي فاتحه بوقك وشعرك عامل شمسيه
جميله : الكلام ده في المسلسلات مش في الحقيقه . اوعي تكون فاكر نفسك توم كروز وله حاجه .. ده انا اتجوزك شفقه بحالك علشان قولت ملكش اهل وعايش لوحدك قولت اسليك
عمران : لا كتر خيرك . بصراحه جميلك كترت عليا
جميله : اي خدمه .. طفي النور بقي . و نزل اقعد مع صحابك علي القهوه
عمران : قهوه ايه . قوم يا بت . بدل ما اكسر الاوضه دي علي دماغك
جميله : انت بتزعقلي اول يوم جواز.. ده كلام مش ممكن اسكت عليه . وديني عند ماما حالا ..
