ᗩ ᒪIᑭ'𝘀 𝗧𝗔𝗦𝗧𝗘 [SunJake] (Completed)✅✅

~Sixteen~

Part-16
[ Unicode ]

အခန်းငယ်အတွင်းရဲ့ အအေးဓါတ်ကလွန်ကဲနေသည်။
သို့ပေမဲ့ ထိုဒဏ်ကို လုံးဝမမှုဘဲ တစ်ညလုံး အိပ်စက်ခြင်းလဲမရှိခဲ့။

ဂင်မ်ဆောနူးရဲ့ ကျေးဇူးကြောင့်သာ သူမဒီအိမ်ကိုကောင်းမွန်စွာပြန်ရောက်လာခဲ့တာ။ ရှင်းမ်ဂျယ်ယွန်းကိုစိတ်တိုနေတဲ့ဒေါသတွေက ဘယ်တောင်အားကောင်းနေသည်မသိ...
ဆောနူးကိုင်ဆုပ်ပေးခဲ့သော သူမရဲ့ လက်ကောက်ဝတ်လေးမှာ ခုထက်ထိတိုင် နီရဲကာ အနည်းငယ်နာကျင်လို့နေလေ
သည်။

သူမရဲ့လက်ရှိအခြေအနေထက် ဂင်မ်ဆောနူးကိုသာ ဘာရမ်စိတ်ပူနေခဲ့သည်မှာ စိတ်ရင်းအမှန်တွေပါလို့ပြောရင် ယုံပေးကြတဲ့သူတွေရောရှိပါ့မလား။
ဆောနူး...သူဘယ်လိုခံစားနေရမယ်ဆိုတာ သူမ မသိနိုင်ပေမဲ့ နားလည်ပေးလို့ရပါသည်...တန်ဖိုးထားရတဲ့ချစ်သူတစ်ယောက်က ကိုယ့်တစ်ယောက်လုံးအရှေ့မှာတခြားတစုံတစ်ယောက်အပေါ် ချစ်ခင်စုံမက်ပြနေသည့် ပုံရိပ်ကို မြင်လိုက်ရတဲ့ သူ့အဖို့ ဒဏ်ရာတွေဘယ်လောက်တောင်မှ ကြီးသွားခဲ့မလဲ။

သူမက အခုချိန်ခါမှ မျက်မုန်းကျိုးနေတဲ့လူတစ်ယောက်ရဲ့ခံစားချက်ကို ငဲ့ညှာပြီးစာနာပေးနေတယ်တဲ့လား။
ကိုယ်တကယ်မချစ်တဲ့လူတစ်ယောက်ကို လက်မထပ်ချင်ပေမဲ့ ဂင်မ်ဆောနူးကိုအနိုင်လိုချင်ရုံသက်သက်နဲ့ ရှေ့ဆက်တိုးခဲ့ပြီး အတ္တကြီးခဲ့မိတာ။ အဲ့အတ္တတွေက အခုတော့ သူမဆီကို ကံဆိုးခြင်းတွေသယ်ဆောင်လာခဲ့လေပြီ။

သူမဘဝအတွက် ကောင်းကျိုးတွေပဲ ယူဆောင်ပေးလာမယ်လို့ ထင်မှတ်ခဲ့မိတဲ့ ရှင်းမ်ဂျိတ်က တကယ်တမ်းလက်တွေ့မှာ နတ်ဆိုးတစ်ကောင်ဖြစ်နေခဲ့တာကို အချိန်မှီသိခွင့်ရလို့ ကံကောင်းတယ်လို့ဆိုရမလား...နောင်မှ တပွေ့တပိုက်ကြီးရလိုက်တဲ့ နောင်တလို့သတ်မှတ်ရလေမလား။

အဆုံးသတ်ကိုရောက်ခါနီးကာမှ အားလုံးကိုပြန်လည်ပြင်ဆင်လျှင် နောက်မကျသေးဘူးဟုထင်မိပါရဲ့။ သူမဘက်က ရှင်းမ်ဂျိတ်ကို ငြင်းပိုင်ခွင့်ရှိသေးတယ်မလား။

အတ္တဆန်စွာ ရှင်းမ်ဂျိတ်ကို သူမဘယ်လိုမှ ပိုင်ဆိုင်ရယူလိုစိတ်မရှိတော့။ အကယ်၍ နှစ်ယောက်သာ အကြင်လင်မယားဘဝနဲ့ ဖြတ်သန်းခဲ့ကြရင် သူတို့ဘဝမှာ ပျော်ရွှင်မှုဆိုတာဟာ ပျောက်ကွယ်ဆိတ်သုဉ်းလို့ နေ့ရက်တိုင်းဟာ အမှောင်ထုကို ဖြတ်သန်းနေရသလို ကြုံတွေ့လာကြရမှာ။ ကိုယ့်အပေါ်ကို အနိုင်ကျင့်နှိပ်စက်မယ့်သူတစ်ယောက်ကို မလိုချင်တော့ဘူးဆိုတာထက် ပိုင်ဆိုင်ရမှာကြောက်ရွံ့နေပြီမို့ ရှင်းမ်ဂျိတ်ကို အလွှတ်ပေးလိုက်ချင်ပြီ။ ကိုယ်ကောင်းဖို့တစ်ခုအတွက်ပဲကြည့်ပြီး လက်လွှတ်ပေးဖို့ဆုံးဖြတ်မိတာမို့ တစ်ကိုယ်ကောင်းဆန်ကာ ဒုတိယအကြိမ်အတ္တကြီးမိခြင်း။ ဒါပေမဲ့ သူမနောက်တစ်ကြိမ်ရွေးချယ်လိုက်တဲ့ လမ်းကြောင်းက ဒီဇာတ်လမ်းမှာပါဝင်ပက်သက်နေတဲ့လူသုံးယောက်လုံးအတွက် ပျော်ရွှင်စရာတွေတဖန်ပြန်ရလာမှာပါ။