الأنانية المتوحشة

الفصل الأول

الممكن ان تطغى الأنانية على الحب.......ام الأنانية اقوى بكثير و لكن هل يوجد انانية فى الحب من الأساس......هل تكوين العائلة و ترابط الأرواح تدخل بينها الأنانية ام ان الحب مجرد كذبة لتكوين عائلة كحياة الجميع حتى ان كانت عائلة مشتتة
و هل حقا العادات و تقاليد هامة لندفن انفسنا بالحياء.......ام انفسنا اهم للنجاة من عقم تلك الاقوال الكاذبة
يمشى بطوله الفارع و جسده النحيل بعض شئ ....فى احد شوارع الشعبيةالى بات يعلم معالمه جيدا  يراقبها بعينيه للمرة الأربعون ....اربعون يوم متواصلين يسير ورائها......منذ ان رائها بجامعتها و هو انجذب إليها........لا يعلم سبب الإنجذاب فهى ليست جميلة كفاية بالنسبة له و لكن اخلاقها من شدته......فهى فتاة عادية......ذو بشرة قمحية و عيون سوداء....حقا لا يعلم لون او طول شعرها....فهى تخفيه تحت حجابها بشكل محكم للغايه.....تذكر ما كانت ترتدى بنطال من خامة الجينز.. و (بلوزة)تصل الى ركبتيها..... فذهب ورائها يوم تليه يوم حتى وصل الى هنا ...و لكن ليست اول مرة فهى المرة الأربعون.....و لكن اليوم مختلف فقرر ان يسال عنها .....فدخل احد البيوت فى منتصف شارع و عكس بيتها اخر شارع و دخل ايضا منزل فى الجهة المقابلة و ليس جهتها  و طرق على بابه ففتح له امرأة عجوز فتعجبت من هذا الغريب  فسالته:انت مين
ماجد:انا ماجد....معلش عايز حضرتك ممكن
فتعجبت السيدة كنه أكثر و لكن ابتعدت السيدة له قائلة:اتفضل
فابتعدت قليلا  ليدخل ...فدخل و وجد ساحة صغيرة للغاية تبدو كمترين فى مترين ثم ارتفاع صغير ثم دخول الى المنزل  فجلس على المقعد و جلست العجوز فى الجهة المقابلة له و هى تحدق به بتعجب فقالت له:انت مين و عايز اى
ماجد:انا ماجد حسان عندى 28 سنة شغال محاسب فشركة..... وكنت جاى أسأل على بنت عندكوا ......هنا فى شارع بقالى 40 يوم بمشى وراها و بشوفها......فا قولت اسال عنها النهاردة
السيدة:بنت مين
جامد:معرفش هى ساكنة...اخر شارع جنب سوبر ماركت قدام الجامع
السيدة:اه اه......بنات عم عدلى عندوا بنتين دلوقتى واحدة فثناوية و ...تانية فى جامعة انت بتسال على مين فيهم
ماجد:على الى فجامعة هى سمرا...و طويلة..كدة يعنى طولها وسط
السيدة:اه اه...اسمها كارمن،بقولك اى احنا بقالنا كتير بنتكلم لسة مضايفتش.....تشرب اى
ماجد:ولا حاجة
السيدة:لا ازاى لازم تشرب حاجة....و بالمناسبة انا اسمى قدرية
ماجد:اتشرفت بيكى يا ست قدرية
قدرية:شرف لينا يا ابنى ...ها تشرب اى
ماجد:ممكن شاى
قدرية:طبعا ...فنادت بصوت عالى نسبيا ...سمر اعملى شاى
اتفضل بقى عايز اى اكلملك ناس
ماجد:تكلميهم اى لا تكلمى مين......انا بس عايز اسال على البنت
قدرية بثقة:تسال على مين يا اخويا.
ماجد بتعجب من تغير حالتها كل وقت فهى فى اول المقابلة تعامله بتعجب..و منذ قليل كانت تعامله بود...و الان تعامله بثقة يشوبها بعض الحدة فتحدث قائل لها:اسال على الانسة كارمن
قدرية:دول هما الى يسالوا عليك و انت تطول
فتعجب ماجد كثيرا قائل:قصدك اى بطول يعنى ...فيها اى يعنى واحدة و شوفتها و بسأل عليها
قدرية:برضه يقولى اسال عليها...يا ابنى بيت عم عدلى ميتسالش عليه..بيت عم عدلى تدخل لو جعان يحطولك تاكل و انت ماشى يدوك اكل و فلوس.......و لو عايز خدمة يخدمتك.. و لو عايز فلوس و هما ممعهومش يسلتفلولك.....و لو عايز تتربى يربوك.....انت كفاية انك هتناسبهم هو فى زى عم عدلى راجل سكرة.....و بناته مفيش منهم اتنين...و مراته ست طيبة مفيش فى طيبتها من كتر طيبتها و قلبها لابيض عصبية و صوتها على طول مسمع فى كوباية الى متتحطش مكانها قبل تنضبف السلم لحد شارع دا انت الى يتسال عليك
فقاطعهم دخول بنت تبدو فى رابعة عشر من عمرها و هى تحمل صينية بها شاى و كوب من الماء
سمر:مساء الخير.....ثم وضعت الصينية على الطاولة قائلة اتفضل
ماجد:شكرا
قدرية:تسلم ايدك يا حبيبتى
ثم تركتهم سمر و دخلت الى غرفتها
قدرية:بنات عم عدلى مفيش منهم ..و الحق اتجوزها عشان مش هتلاقى زيها و متنفعلكش غيرها جوز قبليها 5 .. وفاضل هى و شهد فثانوية و دى متنفعكش
فذهل ماجد كثيرا و عم صمت على المكان....فكلما كان يريد ان يتحدث و يقاطعها الكلمات تذوب بين شفتيه و صدمته من كلامها كانت قوية فلو كان يتقدم لابنتها كانت لا تفعل مثل هذا و لكن استجمع عقله من جديد و رتب كلماته و قال:شكرا يا ست قدرية....سلام عليكوا
قدرية:و عليكم سلام يا ابنى
فرحل ماجد دون اى كلمة أخرى يفكر انه الان سيذهب لأهله ليخبرهم
و لكن قدرية ظلت واقفة مكانها امام باب منزلها كعادتها وقت العصر فلمحت امامها نرجس و هى تحمل حقيبة مشتريات و هى تلقى لها سلام
نرجس:سلام عليكم يا ست جدرية
قدرية:وعليكم سلام يا ام فادية...استنى عايزاكى
نرجس بلهجتها صعيدية:خير يا ست جدرية
قدرية:فى واحد جالى النهاردة و سالنى على ست البنات كارمن..قولته انكوا ناس كويسة و ما تتتعيبوش و لسة ماشى من حوالى ربع ساعة
نرجس:تسلملى يا جدرية....بنت اصول و متجوليش غير طيب
قدرية:تسلمى و تعيشي......يا نرجس
نرجس:يجى يا اهلاو سهلا.....ابوها فوج و انا اهه و البت موجودة معتروحش فحتة هنتصلوا بس بمحمد جوز اختها كبيرة و اختها
قدرية:على خير ان شا الله تفرحى بيها
نرجس:تسلمى....يلا انا همشى بجى عشان اروح اسخنلهم الوكل و عدلى .....ميستعوجنيش
قدرية:بالهنا يا حبيبتى
ثم ذهبت نرجس من امامها الى منزلها و صعدت الى الطابق الاول شقتها التى يسكنوها الان بعدما كانوا يسكنون الطابق الثانى فدخلت مباشرة.....من الباب فهو بيت عائلة يعتبر ولا احد يدخل سوا بناتها لزيارتها فقط .....فدخلت ووضعت حقيبة المشتريات على الأرض و نادت بصوت عالى بعض شئ.....يا كارمن.....يا شهد
فجائت اليها كارمن:ايوا يا ماما
نرجس:امال شهد فين
كارمن:راحت درس الانجليزى
نرجس:طيب خودى الحاجات دى و دخليها المطبخ
فذهبت كارمن ناحية الحقائب و أخدتها لوضعها فى اماكنها ......و قامت نرجس و دخلت غرفة زوجها فوجده ممد على الفراش......يشاهد إحدى قنوات المصارعة الحرة فهو يعشق الرياضة و بالاخص المصارعة......فجلت بجانبه فقال لها عدلى ببشاشة:حمدلا على سلامة يا نرجس
نرجس:الله يسلمك يا عدلى......عجولك.....و انا معدية من جدام جدرية....جالتلى ان فيه واحد متجدم لكارمن
عدلى:واحد ....و دا مين
نرجس:وانى نعرف منين ......اهو جه و سأل عليها جدرية ..و جالتلى انها جالت كل طيب جولتلها......ادينا موجودين لو جه نكلموا اختها كبيرة و جوز اختها...