#القوارير❤
الحلقة42🔥
👑H e m o t k 👑
ايام الدلع تموو هدا اللي قدرت عليه اليوم خير من بلاش قدرو الظروف معليشي قريب تكمل هي 😅
____________
طلع نزار من المستشفى ومشي لي مكتب مالك لان معش مزال علي الاجتماع
وشوية وخش جتى اصيل وجي تيم
______________
مالك لبس حوايجه وخدي مفاتيح السيارة وطلع مشي للكوشة جاب حاجات لي ماريا نزلت خدتهم وسن ومشي للمكتب
نزار :سيادت المدير هلبا عطلت شن تسحاب روحك
مالك ضحك :من امتى تراجو
نزار :لينا نص ساعة
اصيل : تي جاي ع التاايم الباشا الساعة تلاتة مزبوطة
مالك:هيااا قدامي ياا بشوات
تيم فتح الباب وهما خشو وراه
قعمزو وبدي الاجتماع وكان كله علي امن الطرق والجمرك و كيف بيوقفو التجارة اللي كان فاتحها البولندي وهارد الدنيا
بعد ساعة كمل الاجتمااع طلعو الولاد مشو مع بعض لي حوش امالي اصيل مخليلهم غدي
_____
اما نسرين رفعها كريم هي وضحى لي ماريا
وبراء حست روحها مضايقة مشت لي زينة في حوش جدها
___________
فات اليوم هدا ومافيشي جديد
مالك بات مع الولاد ف المزرعة لان خالات ماريا بايتين عندهم
وبراء بعد ماروحت من عند زينة كلمها مالك قلها سأل شيخ وقاله لو الجنين كان مخلق يعني ترمي العدة ولو مش مخلق تستمر وطبعا هي رمت في نص الثالث يعني كان مخلق وهكي اتكون امها رمت العدة
ماريا كانت متعفلقة لان خالاتها بايتين ووحدة منهم جايبة حفيدتها معاها ودوشة ف هي اول تعشوو خشت طول لي دارها وقعمزت فيها
براء من الساعة تسعة راقدة
زينة روحت بي الماس لان دارت عياطات ماتبيش تخليها
__________
تاني يوم الساعة 1:30
براء حاطة التليفون علي ودنها: اي اي تمام نص ساعة وانكون عندك بارك الله فيك تمام اي كاش ان شاء الله
تمام وصكرت الخط ونزلت تجري فتحت السيارة ولعتها وطلعت وهي في نص الطريق حست سيارة عالية مظلمة تلحق فيها مشي في بالها ان نزار بعدين تفكرت ان نزار عندهم فاتحة اليوم اكيد مش حيسيب العرس خش الشك لي قلبها وزادت ف السرعة وبدت تجتااز ف السيارات لين وصلت طريق فاضية ومش زحمة هلبا كسرت قدامها السيارة
براء شدت فريينو ودرست :الشيييييت
نزلو من السيارة زوز جلاميد ضخميين
براء فتحت الروشن :شني ؟
الحارس :تفضلي معانا لو سمحتي
براء:موقحك تسحاب روحك كان جلمود بنخاف منك برا سلم بابا براا انت وخوك
الحارس:لوسمحتي متخلينيش نستعمل القوة
براء:استعمل حتى العنف حوول سيارتك خلي نطلع
مشي الحارس التاني فتح باب السيارة الخلفي ونزل منها واحد لما براء شافاته الدم اللي في عروقها جمد حست الدنيا بدت ادوور الزمان ولا بيها ستة سنين التاالي اتفكرت كل الايام الشينة قعدت صافنة فيه وبس
