#القوارير ❤
🔥الحلقة 51🔥
👑H e m o t k 👑
________
فاتو الساعات لين وصلو في استراحة درس نزار ونزل
فتح الباب اللي من جيهت راس براء
نزار :براء براء
براء شبحتله : خيرك مقلوب
نزار ضحك :نوضي مشبعتيش ليك ساعتين راقدة
براء :احلف !؟ وناض قعمزت
المرتيلا :نزار حني خشينا
نزار :باهي اهو جاي
براء اتعدل في وشاحها :وجهي منفوخ ؟
نزار :لا لا هي انزلي ماجعتيش
براء :بنموت مش غير جعت
نزار باسها من خدها :بعيد السر هي انزلي
براء حولت التوب وجت بتنزل : حي حفيانة 😅
نزار جابه ومدهولها
براء لبساته ونزل :اني بنخش للحمام
نزار :باهي بري فيسع اني نستنى فيك هني
مشت برا ع السريع وجت لي نزار خشت هي وياه قعمزو مع مبروك والمرتيلا كلوو وارتاحو شوية ونزار شري لي براء زوز شكاير فيهم حاجات خفيفة تاكلهم كان جاعت ف الطريق وطلعو كملو الطريقهم
براء :قداش ساعة باش نوصلو اني حسيت روحي عطلت ف الطريق مع ان كنت نجري
نزار :مشاء الله وقداش تجري
براء ضحكت :مش هلبا ميتين بس
نزار :بس يااضالمة ولا السيارة اللي جاية بيها بي ام باهي اللي ماطرتيش بيهم
براء تضحك :تبي الحق كنت نجري باش نوصل بسرعة وانلحق انروح قبل عيد ميلادك لان كنت نبي انجيك زي ماقتلي
نزار :غميني باش نسكت اي
براء :والله العضيم 😅
نزار ضربلها راسها بشوية :مفروض السواقة تنسيها انتي خطر عليك
براء : ااي عيينك
__________
الساعة 5:00
ماريا :غير روحي معاي بالله عليك بنعزم صاحباتي مانقدرش بروحي ووسن بتلهى بي سونة
مرح:مش عارفة نسأل بابا
ماريا :اني انكلمه بوك
مرح: باهي باهي خلاص
ماريا ضحكت :بتروحي معاي يعني
مرح:كلمي بابا وبعدين ساهل
ماريا :😏
سوسن:تعالو اشربوو قهوة يا بنات
ناضو ماريا ومرح طلعو
فريحة: شني جيتي وخشيتي دارك معش طلعتي
ماريا جت جنب امها :شني مستاحشتيني
فريحة: قعدتي يومين لا حس لا مس نسيتينا شورا
ماريا اتبوس في امها :اني ننساك معقولة لاكن انتي عارفة الحوش زي الجيفة ليا شهور هني وهوا فاضي
فريحة: باهي ربي يعاونك
سوسن :شني يا ماريا ماتبيش اديريلنا شي قبل رمضان
ماريا: شي شني ؟
سوسن: بيبي العفو ليك 6 شهور متزوجة
ماريا: لا شن بيبي بنتي صغيرة مانبيش نضلمها لما تكبر انفكر بعدين
سوسن :وماكبرت بنتك لين كبرتي انتي معاها امتى بتلحقي اتجيبي
ماريا: شن قالولك عمري مية اني صغيرة مزال
فريحة: متعطليش صح اخي الجياب موخر
ماريا :اهو اني جبتيني موخر عادي
مرح: ماما بنروح مع ماريا
سوسن: علاش بتروحي معاها قعمزي وهفتي
ماريا:لا اني قتلها خليها اتروح معاي نبيها
سوسن:بوها ميخليهاش
ماريا:لا اني تو انكلمها جايني صاحباتي نبيها تعاوني
سوسن:اتفاهمي انتي وخوك هوني
ماريا :اي ميقولي شي
شرين تليفون ماريا شافاته وناضت
ماريا:ايواا
مالك :ها شن الجو
ماريا :مليح شن جوك انت
مالك: ماشية شن اديرو
ماريا :كيف قعمزنا نشربو في قهوة
مالك: شن تغديتو
ماريا :سوسن دارت رز وانت شن كليت
مالك :مكليتش ماعنديش نية
ماريا:علاش خيرك
مالك : من البريوش متع الصبح قاعد شبعان
ماريا :لا كدبة هادي انت ف الحوش كل خمسة دقايق جعان
مالك ضحك:والله ماعندي نية
ماريا:باهي اسمع وانت مروح اخطم جيب قضية للحوش وجيب لحم ودجاج معش في
مالك:باهي حاضر شن صار في البنت بتروح معاك
ماريا: هي قالت باهي تو مزال بنكلم محمد ومايقولي شي اعتبرها جاية معاي
مالك:باهي مليح امتى بتروحي انتي
ماريا : شوية تانية قبل المغرب
مالك:متروحيش ف الليل
ماريا :حاضر
مالك:شني سونة شن ادير
ماريا: راقدة من بعد الغدي رقدت طول
مالك: باهي باهي ماشي هي باي
ماريا :باي
