انتبه من نومه على صوت اذان الفجر فقام يستعد للصلاة فلما طلع من غرفته لقى ابوه واخوانه يستعدون للصلاة فقرب من ابوه يسلم عليه ويحب راسه ثم طلعوا كلهم يصلون
ولما خلصوا الي راح ينام والي قام يستعد لدوامه فراح للمطبخ يقطع له فواكه موز وتفاح لانه مايحب ياكل اكل ثقيل يثقل بمعدته وهو ياكل لاحظ اخته بس تدور وتتحلطم
فقرب منها بهدوء وسألها :وش فيك
فشهقت هي برعب قبل ماتناظره وتهدى فقالت بصدمه :هلا
هو بأستغراب :وش فيك تدورين فيك شي
هي والصدمة للحين ماراحت :لا مافيني شي بس اكتشفت ان عندي اختبار انقلش
هو: اها الحمدلله حسبته شي كايد روحي جيبي الكتاب افهمك الي تبين تراجعينهم
هي بفرحه :اوك دقيقه واجيك
فراحت طيران على المطبخ تحتضن امها الي هي ماستغربت الحضن متعوده على هبال بنته فقالت: عساه خير توك تتحلطمين وكأن الدنيا فوق راسك
هي:يمه صار شي تو كان من سابع المستحيلات
امها :عساه خير
هي : يمه ساجي تو سالني يوم شافني ادور قالي لما درا اني عندي اختبار تعالي ادرسك يمه لااصير بموت والله قاعد يحقق لي امنياتي
امها:بسم الله عليك لاتفاولين على نفسك وبعدين يارب انه يتقرب منها ولكن انتي تاركته يحتريك وجالسه تسولفين علي
هي :اي
امها بصراخ : رنيم روحي عن وجهي ضيعتي وقت اخوك بسرعه روحي
رنيم : زين ان شاء الله اكلتين وهذا وانا جايه افرحك معي
راحت رنيم بسرعه لغرفته اخذت كتابه ورجعت لساجي الي كان قاعد بالجلسه الي بالحوش وكان الجو يجنن بارد شوي وتوها طالعه الشمس فقربت منهوجلست بجنبه وقالت :شوف صراحةً انا مو شاطره في الانقلش فالله يعينك علي
ساجي :مو مشكله ان شاء الله بساعدك واخليك تفهمين
كان يشرحلها وهي مو معه مفهيه بوجهه ويدينها تحت خذيها الين ماوقف الشرح وحط يده على خذه وقال :اي كم حبه بوجهي
وهي على نفس الوضعيه والفهاوه :لا ماشاء الله الحبوب عندي انت بشرتك صافيه وش تستخدم
ساجي: يافضيك انا لي ساعه اشرح وانتي تتأملين وجهي المهم انا لخصتلك الاشياء المهمه احفظيهم اوك
رنيم : ان شاء الله
فقام هو لغرفته يستعد لدوامه فلما نزل لقى ابوه واقف عند الدرج فنزل راسه يبي يكمل طريقه ولكن وقف بسبب ابوه الي قال :وراك مافطرت معنا
ساجي:كنت اشرح لرنيم اختباره
ابوه:زين واخيرا طلع منك فايده
