يوم الاحد الساعه 7:45 الصبح
قام ساجي من النوم على حركة احمد الي كان يتجهز للجامعه فلف له وشافه متكشخ وريحه العطر ماليه الدنيا فقعد يكح منه فلف احمد له بسرعه وشافه فلما قرب اشره ساجي بابعد بس احمد مافهم عليه
فقاله وهو يكح ووجه محمر : ابعد ريحه عطرك فاقعه
فستوعب احمد فعلطول راح يفتح النوافذ ثم لف على اخوه الي يحاول يهدي نفسه وفعلا بعد وقت قصير هدى فقال احمد بسرعه لما شافه رجع طبيعي : صباح الخير معليش قومتك بس لازم استعد
للجامعه انا بطلع الحين وانت كمل نومك مع السلامه
قاله وختمها ببوسه بخد اخوه الي تقرف لان هو مو باسه هو شفطه ( يعني باسه بقوه ) فمسح ساجي خذه الي جاه سعابيل اخوه بس احمد ماشافه لان سكر اللمبات والباب بسرعه ، فرجع ينسدح يحاول
ينام بس ماقدر ، فقام لما مرت نص ساعه يحاول بها النوم وراح لغرفته يتحمم ثم رجع لغرفه احمد واخذ الفراش علشان يحطه بمغسله بطريقه ، فطلع لما وصل اوبر الي طلبه قبل يتحمم ، فركب وراح
للمغسله ثم للكافيه وبمجرد مادخل كل الموظفين بدوا يرحبون فيه ويتحمدون له بالسلامه وهو يسلم عليهم حس باحد يرفعه من ابطينه بس ماخاف بس تنهت بفقدان امل من فارس الي يضيع هيبته بين
الموظفين ، فنزله فارس بعد مادار فيه دورتين دوخت له راسه وساجي يهاوشه وهو يضحك فضحكوا الموظفين الي متعودين على هبل فارس الي مايطلع الا مع ساجي وماكانه قبل يومين شاد عليهم
فرجع الموظفين لشغلهم وساجي راح لمكتبه يشوف الوضع باليومين الي راحن بس الي عنده فارس مايشيل هم لان قام بكل شي فقام يساعد الموظفين ولما صار الظهر كان ناوي يروح للبيت بس مالقى
احد يوصله فعرض عليه فارس انه يوديه لان حتى هو ناوي يطلع فطلعوا ووصله فارس للبيت بس بغى قلبه يوقف منه لان كان مسرع وبغى مرتين يصدم فنزل وهو يسبه وفارس يضحك ويصوره
لخوياه يطقطق عليه ، فهدى نفسه ورجع شخصيته البارده وفتح الباب ودخل بس انصدم من اصوات البزران الي بالبيت فدخل للصاله وشافهم عيال مها وش جابهم ؟! فتنهت وادرك ان مها ماراحت
لبيتها امس فراح يسلم على ابوه ومرته الي كانوا يتقهوون والي تقهويهم مها الي سحب عليها ماسلم ولما جاء يرقى قالت بغضب : وانا ليش مايسلم علي يهوديه ؟
ساجي ببرود : شالوم
ثم راح لان قاهرته تبيه يسلم عليها وهي قبل اسبوعين قومت عليه هوشه مافكه منها الا سلطان الي دفها عنه فهي سوت نفسه زعلانه وماجت الاسبوع الي فات ، وهو بنص الدرج شاف احمد الي نزل
بسرعه بس لما شافه قال : ساجي وين فراشي ؟!
ساجي : بالمغسله بكرا يبي يطلع
احمد : ليش وديته
ساجي : عرقت عليه فوديته للمغسله
احمد : اي ليش وديته عندنا غساله كبيره نغسل فيه المفارش
ساجي وهو يكمل طريقه : مادريت وحصل خير وديته وبكرا ان شاء الله بجيبه
فتنهت احمد من اخوه ثم رقى يحط فراشه الي كان نايم فيه هاليومين فوق سريره واما ساجي فهو كمل طريقه لغرفته يبي ينام قبل يرجع لدوامه بس يافرحه ماتمت لان بتال ولد مها نشب له عند الباب
يقول :جدي يقول انزل تغدى ، فتنهت بقل صبر ثم نزل بجامته لان ماله خلق يغير ويدري ان ابوه يبي يعلق عليه وفعلا قال ابوه لما شافه : ليش نازل ببجامتك حنا بالصاله ماحنا بغرفه النوم
سكت ساجي ماقال شي يعني وش صار لما نزل ببجامته مانزل ببوكسر بس مايقدر يقول شي فقعد ياكل بهدوء ومها تناظره تحتري انه يزل بشي علشان تقب فيه (يعني تفصل عليه ) بس الحمدلله مر
الغدى بسلام وهو مجرد ماخلص ابوه قام بسرعه علشان يلحق ينام ، فنام وقام على اذان العصر فقام من السرير واستعد للصلاة ولما خلص الصلاة بالمسجد راح لدوامه وقعد الين طلعوا كل الموظفين
وسكر الكافيه وراح للبيت بعدها ولما دخل دخل بهدوء لان اهل البيت كانوا نايمين ولا يلومهم الساعه كانت وحده بليل فدخل ولما جاء يرقى الدرج كتم صرخته لان سلطان واقف بنص الدرج والدنيا
ظلام فقال بروعه : وش فيك وراك واقف بنص الدرب
سلطان بهدوء رغم انه وده يضحك على اخوه بس لازم يفعل الشخصيه الحازمه : وين كنت
ساجي وهو للحين يرجف بروعه : وين بكون بارض الله الواسعه
سلطان : لاتلف وتدور وين كنت
ساجي : كنت عند خويي
سلطان : ومن العصر عند خوييك
ساجي : اي وين المشكله ؟
سلطان بتنهت : مافي مشكله بس انت تدري ان ابوي مايحب احد يتاخر بايام الاسبوع احمد ربك ان انا الي دريت فيك مو هو
ساجي وهو ينهي السالفه لان يبي ينام : اخر مره ان شاء الله ممكن تسمح لي اروح انام
سلطان وهو يدري ان اخوه يسلك له : تمام تصبح على خير
ساجي وهو يكمل الطريق: مامساك شر
دخل غرفته وهو مستغرب من متى اخوانه يسألونه له سنتين وهو مايرجع الا بهالوقت حاول يفكر ليش سأله اخوه بس النوم اخذه قبل يحط اسباب
سلااااااااااااام كيفكم عساكم بخير ادري تأخرت عليكم بس حاولت اكتب ولا قدرت بس الحمدلله قدرت اكتب هالبارت المهم ايش رايكم ترا رايكم يهمني وبس احبكم
