سارقة القلوب

بارت 1

طابت اوقاتكم بكل خير
عام سعيد عليكم مليء بالمسرات والافراح وتحقيق الامنيات والنجاح الدائم والتوفيق والخير والبركه على كل من يقرأ حروفي

يسعد مسائكم صديقاتي العزيزات ويسعد مساء كل من يتابع كتابتي
هذا البارت الاول مثل ما وعدتكم  احفظو عدكم لين اكمل باقي القصه وانشرلكم بالموعد المضبوط

قرأه ممتعه واوقات سعيده 😘💚

سارقة القلوب 12/12

بقلمي...  رونق السلطاني

امشي والهوا بارد ثلج رجفت حسيت بخوف سرعت خطواتي دخلت للماركت افتريت بين الاقسام ما اعرف شنو اريد وليش اجيت ...؟

اخذت حلويات بشكل عشوائي اديه ترجف اتلفت يمين ويسار
هذه ثاني مره اجي لهنا بروحي حاسبت وطلعت صار ظلام والسماءمحمله غيوم ، اجواء شتويه لأول مره اشعر بيها ..

الشارع فارغ
سمعت صوت طالع من بيت الباب مفتوح التفت اباوع وياريتني ما التفت ولا طلعت من البيت ، مديت راسي ولد مدد بالارض وحالة يرثى لها ، بدون ملابس ، وينزف من الخلف

غمضت عيوني بقوه ، شعرت بغثيان تقيئت ركضت للبيت طبيت للمطبخ
ادور ماما ما شفتها سألت مرت عمو

- عمه وين ماما

هناء : يمعزايه شبيج منو وياج

صوتي يرتجف ، خوف ، رهبه ، رعب ،

- ماما  ماما

- امج راحت خابرها عمج هُشام احجي شبيج ليش هيج وجهج اصفر

ما رديت عليها طلعت ركض لبيتنا اللي هو بيت جدو

الباب مفتوح ركضت داخل

اصرخ ماما  ماما نازك ، صدى صوتي يرجعلي

افتر بهذا البيت الموحش الكئيب ، كأنه بيت اشباح ، ذكرني بالروايات والاساطير

التفت نص التفاته باب الغرفه مفتوح مشيت بخطوات مرتعشه
بهالحضه رن تلفوني  باوعت للشاشه المتصل يوسف

رجعلي نفس الاحساس خوف ورعب والرجفه اعتلت جسمي بس ونة صوتي تطلع جسمي ينضح عرك

اندك الباب اسمع صوته الحنون

- عمو لولو كاعده انتِ بخير لولو بابا

فتح الباب ودخل سرع خطواته بتجاهي بخوف وترقب صاح بصوت عالي

- برزان برزان شوفلي راكان كاعد خلي يجي بسرعه

رجع يحجي ويايه كعد على طرف السرير

- اهديء لتخافين اني يمج تسمعيني انطيني اشاره

حركت راسي بأي
اسناني مسطكه ، گلبي يخفق بقوه ، اعصابي ااه ااه تشنج قوي اريد اصرخ اكرهه روحي واكرهه هذه الحاله تعبت يا الهي تعبت اعلن استسلامي اريد اتعالج انتهت طاقتي فقدت كل شي حتى صحتي اتمنى الموت ، لاكن الموت مو بالتمني وحاجه اطلبها