سارقة القلوب

بارت 2

سارقة القلوب 12/12

بقلمي... رونق السلطاني

" بيني وبينك بينٌ وما بَينَ البَين بَين ..
شَيءٌ مِنَ اللآشَيء
گ قافٌ بَعدَ الشين وَما قَبلَ الشينُ عَين ".

💙

التنقل بين الماضي والحاضر
بين وجعٍ وحسره
بين فراقُ الأهلِ فجأه

للحضه خفت وارتعبت ركبت السياره بسرعه وقفلتها اديه ترجف شغلت وسقت بسرعه طلعت من منطقة عملي صادفتني الاشاره حمره وكفت اتلفت خايفه احد يراقبني على اعصابي بين ما اعلن الضوء الاخضر دست بانزين طلعت بسرعه متوجهه لشقتي

وصلت ظليت فتره كاعده بالسياره شوكت اتخلص منهم ويعوفوني بحالي
ما شبعو انتقام وفلوس لو الطمع حلو والقتل بعد احلى عدهم بعد كل هذا ما كفاهم

فتحت الباب ونزلت قفلت السياره وصعدت للشقه اديه ترتعش اريد اطلع المفتاح  ادور ماكو كلبت الجنطه وكعت من ايدي وتنثرت الغراض دمعت عيوني حسيت روحي طفله وفعلاً بداخلي طفله يتيمه الام والاب ، طلعت جارتي مره كبيره بالعمره سألتني

- خير بنتي صاير شي وياج

رفعت راسي والدموع مجمعه بعيوني جاوبتها
لافين : خاله دا ادور المفتاح ماكو اني مخليته هنا وين راح

اشرت بأديها وجهت نظرها على رجلي
- هذا المفتاح ماما تعالي يمي مبين تعبانه الولد بعدهم ما رجعو تعالي تعالي

لميت الغراض وطبيت وياها محتاجه ارتاح نفسياً من داخلي تعبانه محتاجته
صح اني تخليت عنه ، بس تجيني اوقات تهيج مشاعري شي مو بأيدي كلبي ما اكدر اتحكم بي من يحن عليه اااخ يا أوس ...

ذبيت الجنطه فوك الطاوله ومددت على القنفه غمضت عيوني ماحسيت بروحي من غفيت ، بابا فوك راسي يمسح على شعري ويحجي ويايه
لولو باباتي لتضعفين محد يكدر يسويلج شي صيري قويه انتِ اقوى من قبل
مد ايده شايل كلاص ماي بارد رفع راسي شربني ، فزيت على صوت الحجيه

- لاڤين اكعدي نتعشى

فركت وجهي عدلت شعري راسي مصدع شلون غفيت ريحة الفطائر تخبل احب شي اسمه معجنات ويه الجاي اموت عليها سميت بسم لله مديت ايدي اخذت وحده اكلتها طعمها لذيذ اكلت بهدوء حتى استلذ بيها الحجيه تسولف غمضت عيوني اخذتني ذكرياتي لأيامي الحلوه

لاڤين : وكفت متخوصره بدلع طفولي بابا وين رايح

هيثم : عندي شغل بابا شبيج هيج واكفه

لاڤين : انتَ بعد  ما تحبني ولا تحضني صارلك جم يوم ما بستني

هيثم : نازك تعاي اخذي بنتج راح تعطلني

نازك : ما ادخل روحي بيكم دوم اطلع بوجهه الاسود انتَ وياها تنجاز

لاڤين : عوف ماما انا زعلانه منك كتفت اديه بزعل