سارقة القلوب 12/12
بقلمي... رونق السلطاني
في نهايتي تكون بدايتي ...
يوسف : امشي نروح نتعشى ترا ما متغدي جتلني الجوع
لاڤين : تعزمني اعزمك
يوسف : عليج بنت العم
لاڤين : ادلل ابن العم شو تحب تاكل سمج مشوي
يوسف : على ذوقج
مشى كدامي واني ورا امشي بحيل منهك وجسم هش تعبانة لأقصى درجة يحجي هيج اعرفه يريد ينسيني ويخفف عني وكفنا يم السيارة اشرلي اصعد وهو يسوق شغل السيارة التفت عليه وكال
يوسف : لاڤين
بلعت ريقي بتنهيده مثقلة
لاڤين : نعم يوسف
يوسف : اللي سويتي مو راضي عنه وياريت ما تنعاد ما عندي استعداد اخسر اكثر اغلى اثنين بحياتي انتِ وأسحار انتِ أختي وروحي وهي حبيبتي وگلبي لا تعبوني أكثر
لاڤين : شو اخبارها بعده خالك معند
يوسف : جيت منهم كبل عليج معند اخ البربوك
لاڤين : الله يهدي عليك ما اعرف ليش هيج وياك هذا وانتَ متربي عدهم وتربيتهم ويعرفك ويعرف طبعك المفروض يكون مطمئن اكثر عليها عندك
يوسف : مطول بال ويا مو فاضيله هسه مخليه براحته
لاڤين : وجدتك وجدك ما يأثرون عليه
يوسف : جدي البارحة طرده وجلب بأسحار يمه الصبح كال امشي نگطع مهر وخلي يولي الارعن اثاري واكف ويسمع أموتهم افجر البيت اكتلها اذا هيج اسون عفتهم وطلعت وظل جدي يغلط عليه تعبني وهو شبر ونص
لاڤين : تدري اكتشفت بي شغلة
يوسف : وهي اتحفيني بله
لاڤين : يغار من يشوفك تصخرها لو اجيبلك جاي عيونة عليكم ونظرته كلها غيرة ، مو غيرة كرهة لا هيج يعني شلون افهمك ، يغار بحب عليها وهي هالوحده عنده ويحبها حيل ف يحس صعبة عليه او ما كادر يتقبل الموضوع
يوسف : يول ادري بي مو غشيم عنه عجل ليش اروح تا اغيضة واقهره
لاڤين : يا يابه منك وتريده يوافق عليك وانتَ لاعب بي طوبة
وصلنا المطعم ركن السيارة ونزلنا طبيت غسلت ايدي وجهي رتبت شعري وطلعت عطشانة احس بلعومي جاف ومجرح من الصراخ كعدت شربت ماي يوسف طلب الاكل حطيت الجنطة جبني اخذت الموبايل مسجات من راكان يطمئن بيها عليه وجيهان مراسلة شكد اضوج من هيج مسجات كلمه كلمه تكتب
وينج
قح...
اليوم
اجي
عليج
نكمل
اكتبيهم مع بعض شكو كاتبه كلمات متقاطعه، كتبتلها اليوم تعبانه وابن عمي معاي ما اكدر خليها باجر ، يوسف كاعد يحجي بتلفون ، فتحت الفيس طلع منشور منذُ دقيقة ناشر
YOU ARE READING
سارقة القلوب
مغامرةتولد وتعيش بوطن غريب ، فائقة الجمال ، مغروره ولاكن ليست بمغروره ، الكل يعشقها حتى اطلق عليها لقب سارقة القلوب وحدث مالم يكن بالحسبان ...!؟
