خارج قانون الحب ♤ ( مُكتملة)

توضيح هام ...

مساء الخير ، أخباركم إيه ؟ أنا روزان مصطفى كاتبة رواية خارج قانون الحُب
أنا ك كاتبة إسلوبي في الكتابة بيعتمد على خيالي الخاص ، بالنسبة لردود بعض المُتابعين هنا عن عدم منطقية الرواية ف أحب أوضح كام نقطة بسيطة لإني مبقيتش أحب أفتح الرواية بسبب بعض الكومنتات السلبية للأسف
الناس مكبرين الموضوع بطريقة أثارت روح الرد جوايا عشان أوضح كام نقطة
بالنسبة لإن بدر مافيا ومش حابب يشتغل في الأثار
طب ما بدر قال مبيحبش الستات وحب سيا ، هو شخصيته كدا في تناقض بأمارة إني كتبت وصف الجزء الثاني ( روحه تتأرجح بين الخطايا التي تؤرقه وبين عمله )  أي بني أدم خلقه ربنا في عيوب ما بالكم بواحد مر بالظروف اللي مر بيها بدر ؟
أبوه اتسجن ليه مع انها قضية شرف ، لان دا حصل لحد من جيراننا القدام والموضوع مأثر فيا ف إستخدمته في الرواية ( ياما في الحبس مظاليم ) دي مكانتش مجرد جملة
يعني من الأخر شخصيته مُتذبذبة
تاني نقطة سيا ، البنت محبتش ولأول مرة تحب في حياتها ووضحت كدا في نص البارتات ، أول واحد وثقت فيه إستغلها وصورها
أه بعترف في بعض الغلطات الطفيفة لكن محدش يكلمني عن المنطقية
أنا بكتب بخيالي ، عشان دي رواية ، مش عاوزة أنسخها من الماضي
البني أدم بيقرأ نوع روايات يفصل بيها عن الواقع ، وفي روايات تانية هادفة تقدر تستفيد منها بمعلومات أو تعرفك عن دينك يعني روايات دينية .. أنا عملت نوعية الروايات الهادفة دي في ( لم يكن ظلي - عشيقة لوسيفر - زوجة إبليس - الوقت المتبقي لي - وقت الذروة )
الروايات والكتابة بعيداً عن الشُهرة ، هي مُتنفس لأفكاري المكبوتة
الشخصيات مرسومة كدا في عقلي ف كتبتها ليكم زي ما هي
بوصف الشوارع والبيوت ووصف حياتهم ، دي القصة اللي في دماغي ونالت إعجاب ناس كتير ودا يشرفني
لما نيجي ننتقد شيء ياريت يكون نقد إيجابي ، بدال الضحك والسُخرية والكلمات المُهينة والمُحبطة ، إنت ك شخص إيجابي في المجتمع لو لقيت حاجة مش حاببها عبر عن رأيك بإحترام
لإن كل إنسان فيه اللي مكفيه ، وشكراً ياريت وأتمنى تتفهموا دا لإني حقيقي بكرهه السلبية والنقد بطريقة سيئة وبتعب
لكم مني كل الإحترام والحب 💙