السلام عليكم
............
ارقم :- سمعت صيحة محمد و رحت ركض عليه اشوفه يضرب على وجه ابويه يريد يصحي و ماكو فايده ... شفت الوضع هيج و كلت لمحمد
ارقم:- محمد عيني نشيل ابويه لسيارتي و اطلع اني قبلكم لبغداد
- شلنا ابويه يسرعه لسيارتي و مشيت بي سريع لبغداد ..... خايف خايف اليوم ادفن ثلاثه بدل ما ادفن اثنين
وصلت للمستشفى و من طلعت ركض فتت للمستشفى صحت الممرضين اجوي ويايه و اخذوا ابويه و فاتوا بي للطوارئ .... بقيت واكف بغرفة الانتظار ... شويه و طلع الطبيب
ارقم :- ها دكتور شنو وضعه
الطبيب:- الوالد تعبان ... انهيار عصبي و قله فضيعه بالاكل و الشرب لدرجة عنده جفاف و على ابواب جلطه لو ما تلاحكنا بالعلاج ...ليش هيج
ارقم :- من ضمن المحاصرين بالانبار
الطبيب :- لا حول ولا قوة الا بالله ... الله يساعدكم
ارقم :- زين دكتور اكدر ادخل اشوفه
الطبيب :- تكدر ... بس حاليا عنده علاج بالوريد و مغذيات علمود الجفاف
ارقم :- ..اي شكرا جزيلا دكتور
ارقم :- دخلت للغرفه ادحك على ابويه مدد بطوله على السديه و بأيده مشكلين الادويه و نايم ... ابويه كبران ٢٠ سنة بهالاربعين يوم .... ابويه صح عمره خمسينات لان متزوج وهو صغير بس ولا شيبة براسه طبيعته ميطكله الشيب ... وعيشته مداري نفسه و ميلبس اي شي ..بعز الحصار عاش و عيشنا بعز ... ادحك عليه نايم و شكد يشبه علي و عمر ... هم علي و عمر يشبهون ابويه حييل ... اصلا كلنا نشبهه صحيح مو حلوين حيل ..بس مثله خشنين و طوال حيل و صوتنه كلنا جهوري واضح ... بقيت كاعد يمه بالساعتين وخلص العلاج .. الى ان شويه شويه فتح عيونه ... واول ما شافني كال
ابو ارقم:- ها يابه
ارقم:- ها ابويه شلونك
ابو ارقم:- ها يا ارقم دفنت اخوتك ؟
ارقم:- كالها بعبره و نزلت دموعه ..لا يابه لا بعد .
ابو ارقم:- ريتني اندفن وياهم
ارقم:- لا يابه لا كول يالله ... وين نروح احنه اذا انت ماكو ... يابه ارجع قوي انت الخيمه والله و ما من بعدك ... بايه خطيه ريم و عبودي و حور تعوفهم هيج ... يابه خطية ورد مالها احد غيرنا ... بس لتسوي هيج و كول يالله
ابو ارقم:- يارب رحمتك ..يارب الهم كلبي الصبر
ارقم:- امين يا رب
- اجه الطبيب فحص ابويه و جيك حالته و طلع .. ردت اطلع وره الطبيب بس وكفني صوت ابويه
ابو ارقم:- كبرته و دم كلبي حطيته عليه لان من زمااان يكولي اريد اصير طبيب ... تالي من صار طبيب بدل ما افتحله العياده و احضرها اله حفرناله كبر و راح ندفنه .... اوووف يالمنية شتحركين ....
وذاك الثاني ... انت ولد سمعتلك حس اني قبل ... هم احد شكى منه بحجايه هم بيوم كسرلي كلمه هم اذى احد ماكو ... ولك اخوتك نسمه هوى هيج اجمي وراحوا بدون حس
أنت تقرأ
سَجنتُها فأَصبحتُ سَجينَها
Lãng mạnماهي الحياة؟ انها الجحيم كما قال دوستويفسكي انها القوة كما قال فريدريك نيتشه انها المعرفة كما قال البرت اينشتاين انها الفكرة كما قال كارل ماكس انها الحب كما قال غاندي انها الايمان كما قال جوبز ... اما الحياة بالنسبة لي فهي انتِ.. عن رجل عاش فقد الاح...
