السلام عليكم
....................__________
رغد
- منو حضرتج؟
- اني ام ارقم
رغد:- كالت هيج بصوت مخنوك ... وكالت
- شلونه طمنيني وريحي كلبي الله يريح كلبج
رغد:- حجت بصوت مخنوك و نزلت دنوعها ... عصرت كلبي و كلتلها
- زين الحمد لله لتخافين ،،،، شويه شويه يتحسن ... فوتي تفضلي .. شوف شلون نسيت نفسي وبقينا بالباب ...
فوتتها و هي مشت كعدت على الكرسي يم الميز بالمطبخ ،، دحكت عليه مافاتت جوه و كالت
- انتِ مرته مو ؟
رغد:- باوعتلها و ابتسمت ،،، اي اني
- تخبلين بعد عمري
رغد :- ابتسمت على كلامها و سمعت ارقم يصيحلي
ارقم :- رغده ... رغده هاي منو شو تأخرتي
رغد:- اي حبيبي جيت جيت ... كلت هيج و دحكت عليها
- تفوتين ؟
ام ارقم :- طاك كلبي عليه
رغد:- كومي خاله ،،،، لازم تتفاهمون
كامت و كفت و مشيت اني وهي ويايه نزلت الشال عن راسي ووكفت بباب الغرفه و هي بصفي بس صايره وره الحايط متبين .... بس شافني ارقم حجه
ارقم :- متكوليلي شعندج سنة تفتحين الباب ،،،، منو اجه؟
رغد :- دحكت عليه بعدين دحكت عليها و كلتلها
- تفضلي خاله تفضلي
فاتت و من شافت ارقم نزلت دموعها بسرعه ...
دحكت على ارقم عينه عليها للحظه جان يدحكلها بدهشه بس بعدين عكت حاجبه و كال باستهزاء
ارقم :- حييييييييل هاي شذكرج بيه ؟
رغد:- هو كال هيج و هي دموعها نزلت وصارت تبجي بحركه و كالت
- اسمعني و خلي افهمك والله كلبي نار عليكم صار سنين
ارقم :- اي ... حييييل مبين ... من دفنتهم ٣ و ما شفتج ابد ،،،، ماكلتي وينهم ؟ شصار بيهم؟ ماوجعج كلبج علينا لو بس شويه ...
شكلتي من كالولج عمر و علي استشهدوا؟ ... شكلتي من كالولج حوراء اندفنت و محد يمها من عدنا؟ ها؟
تدرين شسويتي انتِ؟
انتِ من وراج من رحتي عمر هالجبل و جبيرنا نزلت دموعه ...وعلي هموم الدنيا على راسه ... وحوري تمشي و تدورلج ..مع العلم انتِ ما سويتيلها شي يخليها تذكرج ،،،
من وراج ودونا لبيت سعاده ،،، من وراج نمت بالحديقه و تمرضت بالفراش ٣ اسابيع .. من وراج ببيت سعاده حوري كتلها الجوع ... وانذلت علمود اللكمه ... هذا كله من وراج
أنت تقرأ
سَجنتُها فأَصبحتُ سَجينَها
Romansaماهي الحياة؟ انها الجحيم كما قال دوستويفسكي انها القوة كما قال فريدريك نيتشه انها المعرفة كما قال البرت اينشتاين انها الفكرة كما قال كارل ماكس انها الحب كما قال غاندي انها الايمان كما قال جوبز ... اما الحياة بالنسبة لي فهي انتِ.. عن رجل عاش فقد الاح...