السلام عليكم
شلونكم شخباركم
رمضان كريم علينا و عليكم
طبعا لكثرة السؤال و الاستفسار عن رواية الذميم قررت انزل هالمنشور
الذميم اني كتبتها ببداية مشواري كنشر للقصص على الانترنت بحكم كنت قبل لا انشر و اخلي ناس يقرون كتابتي جنت اكتب بخط ايدي كهوايه و ماجنت متعمقه بأسلوب الكُتاب الحقيقيين ... جانت بأسلوب مبتدأ و بيها كلش هوايه اخطاء وهي للامانه قصتها حلوة و بيها احداث اني ماكتبتها او ظلمتها كلش من ناحية السرد ...لان مبتدئه جنت مااعرف طريقة عرض الحدث الصحيحة وابد ماانطيت احداثها حقها و لا انطيتها العمق التحتاجه بالوصف ...
عالعموم الذميم الها مكانه خاصة جدا بقلبي لذلك قررت اعيد نشرها و كتابتها و تحديثها و اضيفلها اشياء تجملها اكثر حيل هالقصة بيها عبر و اشياء للاسف نحتاج نذكر بيها الكل و الدافع الخلاني اقرر هالشي هو زيارتي للطبيب اسم الله عليكم و شفت نماذج و اشياء خلتني ادور على اي طريقة اوصل بيها الرسالة التحتويها هالقصة .... و الذميم اعتقد اسلم شي لان فعليا بيها السبيل و الاداة الاحتاجها وايضا اني اكدر اطلع مشاعري الحقيقية بالكتابة فقط ... اتمنى تترقبوها و تتابعوها و تتحمسون الها .... ويارب تنال اعجابكم هالمرة اكثر و تناسب نقاوتها و لطفها نقاوتكم و جمال روحكم ...
مشتاقتلكم كلش
و تحياتي و حبي و اشواقي الكم 🤍
فرح احمد ..
أنت تقرأ
سَجنتُها فأَصبحتُ سَجينَها
Romansماهي الحياة؟ انها الجحيم كما قال دوستويفسكي انها القوة كما قال فريدريك نيتشه انها المعرفة كما قال البرت اينشتاين انها الفكرة كما قال كارل ماكس انها الحب كما قال غاندي انها الايمان كما قال جوبز ... اما الحياة بالنسبة لي فهي انتِ.. عن رجل عاش فقد الاح...
