مساء الخير...
الكاتبة يقين
.....................................................
صُوتك يمَسح بتعبّي
وَ أنا چاي أعِترف عَ الصَار
" أحِبكَ مِن غمَچ گَلبي " .
......................................................
بَرق::- فكيت عيوني حيل وغوشن من الدموع التجمعت، حاجيتها واني ما فاهمه شي
شنو يعني يحبون بَعض من زماان حيل لو هستوهم لا تخبليني فدوه الگلبج تعرفين اذا عَرفت آمنه وخالد ابيناتهم علاقة حُب
من زمان ولحد هسه اقسم بالله لأخليكم
تحتارون بزمانكم الأكشر!!
ضَربت على فخذها حيل وصاحت بوجهي
::- لااا تخليني اتندم لان حجيتلج بَرق والله اني امه يگتلني، ما راد يحجيلج خاف يخسرج،
ابني واكع بعشگج مَتلوع اتلوع بيج، ليليه يجيني ينام على رجليه ويسفت بلجگاير اكله يمه شبيك
وبس اسمج على السانه بس اسمج ولج لا تروحينه من ايدج ابني حَنين ترا وحنيته حلوه"
نزلت راسي ودموعي بخدي احسهن نار
::- عممه ما اتحمل اشوفها توكف يمه اموت والله اموت؟؟ "
مسدت على متني وكالت::- تره حُبهم قديم
ما صارت القسمه وشاف عليها شي وعافها
ابني گـلبه من زمان مات ومن اجيتي انتِ
عاش وبدا يلتأم جرحه"
خليت ايدي على شعري ارجعه ورا اذني واعدل بشالي::- يعني هوه يحبني؟؟
هزت راسها وغمضت عيونها بمعنى "أي"
- وذا رجع حبها شسوي اني؟
- كومي بت الكواو***أستعطفتج وگلت يتيمه
واليتيم أمانة الله وخل اكلها شيصير مثلاً،
ويااا كلمه ردي المكانج
- يا يا شسويت اني خرب أنة انوكلت روسنه
ضَحكت وجرتني باستني
ام خالد::- ما جذب خالد من سماج البلوة
بليتينه بلوة بلسانج، وهسه روحي يلا ابنج يبجي
ما تهيسينه، سدي الباب وراج خل اخذلي طخه
مو تكتلين النساوين كلها"
ضحكت وسديت الباب وراي اخذت هارون وصعدت فوك الغرفتي، ضلت حسرة بگـلبي
ليش ما حجالي والله لو حاجيلي ما راح اكرها
ولا راح ابتعد عنه
تحسرت وكمت نيمت هارون الماخذ حيلي بجماله، اخذت ملابس ودخلت سبحت
المي ينزل على راسي صافنه بلفراغات
صافنه بحياتي الصارت عبارة عن.. مُفاجأة"
اندك باب الحمام بصوت كُلش قوي
ومن خوفي على هارون لا يكعد لبست بسرعه بدون لا انشف شعري لو ألمه، صار مُقابيلي
امبين مَنزعج وعروق أديه البارزه
يمشي وريجع بلغرفه كور ايده وضرب الكنتور بكل ما عنده قوه، فزيت راجعه للخلف ومخليه
اديه على راسي اسد بأذاناتي كُلشي كدامه
صار خَرابه فز هارون يبجي جريته وأتجهة للباب
خايفه لا يتصرف تصرف غلط ويتهور وهوه ما حاس على روحه، بحركه سريعه من عنده نجريت انلطخت بصدره صوت هـارون الملئ المُكان
وصوت انفاسه الصارت عاليه تلفح وجهي
أنت تقرأ
هدية الشيخ خالد
General Fictionومن بين اليتم الذي لا يرحم احد هناك ثلاثه ضحايه تعرضو لحالات انهيار شديد جداً من بعد الاسود التي لا ترحم ،هروب،اسرار،حقائق،التي لا توصف لدرجة الموت
