مساء الخير...
الكاتبة يقين
.............................................
طَلع چذاب ذاك الگال أطَفي النار
جَاب النار كَلها و حَطها بضلوعِي .
...................................................
بَرق::- شنوو؟؟
- اي والله مشينه البيتهم لكينه بناتها يبجن بدون صوت يكسرن الگلب
- يطبهن مرَض
نايف::- لا تتشمتين بيهم
- لا والله خليني اتشمت بيهم السووة بيه مو هين، عشت انواع العذاب ببيتهم وماكو واحد شفق عليَّ
باوعلي وخله عينه بنص عيني
::- الشماته مو حلوه بابا مو حلوه
- اي فهمنا خوش، يالله كوم نرجع للبيت
اتجاهنه للبيت دخلت لكيت هارون يبجي
شفت دموع لازمته اتسكته وهوه مفرفح يبجي
اجتي ومبينه منحرجه
- والله ما قاصده والله هوه طاح من ايدي بلغلط
- يُمة سودا عليه يُمة أبني، شلون طاح من أيدج دموع غير تنتبهين ياعيني"
- والله ما اعرف شلون طاح من ايدي
بس باعي واني كاعده
طاح على وجهه
ونبي راح ابجي، شوفي مابي
شي
::- ابوس بيّ وروحي رايحه عليّ، دخلت لكيت البنات ملتمات ودموع تفتر وراي تبجي على بجي عدوان.. التفتت الها لزمت ايدها وبستهه
- شبيج خيه دموع شسالفه تره مابي شي لا تبجين
- ولج والله عدوان عندي اعز من روحي
بَرق::- ادري حبيبة.. كعدت بنصهن صافنه ومخليه عدوان بحضني بلنص ساعه اني
ساكته واتسمعلهن
مـنسـه::- نايـف وين راح؟
بَـرق::- يم الولد بلأستقبال كاعد، مشاكلهم فوك راسهم صايره! "
اسماء::- هسه هاذا الأعرج محد يگتله ونخلص منه؟
- حجيت بخنكه، خيه منو يگتله اذا واحد من ولدنه حضو بي يموتونه خلاص، لا وفوك هاذا كله ضارب مرت عمي طلقه وموتها"
ام خـالـد::- ياااع صدك تحجين ولج بلوة
والمره ماتت؟
- اي عمه ماتت چـا شنو تبقى عايشه! "
- تفاجئاً بهل موضوع وجنت خايفه
خوف يُسري بَكل انحاء جسمي، تقدمت اتجاهه الباب الأستقبال دكيت دكات مُتكرره
طلعلي وعيونه اجت بنص عيوني طلع وسد الباب،
لزم مَعصم ايدي وگادني الورا البيت جانت اكو حديقه، وكفنه ابمكان مُعين لزم راسي وباسني بكصتي، صوت انفاسه العاليه ورعشت ايده جانت تَدول على انُ شكد متوتر بُقربي
أنت تقرأ
هدية الشيخ خالد
Tiểu Thuyết Chungومن بين اليتم الذي لا يرحم احد هناك ثلاثه ضحايه تعرضو لحالات انهيار شديد جداً من بعد الاسود التي لا ترحم ،هروب،اسرار،حقائق،التي لا توصف لدرجة الموت
