مساء الخير...
الكاتبة يقين
...........................................
كُل صَفنه حِزن تگسَر ضِلع بلروح .
.............................................
بَـرق::- دَخلني خالـد الداخل البيت
الاصوات كُلش عاليه وصارت هوسه ما عرفت شنو الموضوع؟ رَكضت الشباج الهول مَُطل على
حديقة البيت.. جسمي يرعش واحس على أي
لحضه اوكع على طولي
نص ساعه همه واكفين يداهرون واحد يدفع
الثاني خليت ودخلت للمطبخ اسوي اكل
كل ما اذكر كلام نايــف اليَ ابتسم
واكفه على الطباخ اگلي طَفر عليه الزيت
شمرت الجفجير من ايدي وكعدت شايطه
رَوحُي مَن الوجع غمضت عيوني حَيل
سمعت صوت دموع
:- ها ولج شبيج؟؟
- طَفر عليه الزيت بس طفي التاوه(طاوه)
- غير تنتبهين يا عَيني "
عَضيت شفتي السُفليه
::- هوه طَفر عليه اني شعليه ما أله رداد
الزيت.. وصل مسامعي صوت خـالد يصيح بصوت عالي خليت اديه بلكاع وكمت
نشف ريكي انتكيت على الحايط
مصدومه من المنظر المُقابيلي وكدام عيني
خالد ثاني أركبه مخلي نايــف بحضنه
وكعت على أركبي رجليه ما يعينني حتى اكوم
ألمنه الحضني.. بعدني ما شبعانه من شوفته
ما صارله ساعتين من اجاني
مصدومه وبس دموعي ينزلن بدون ما ارمش
خـالد::- نايــف خليك قوي اختك يمك لا تعوفها
وتروح بعدهي ما شابعه منك
ركضت شلته من اكتافه حضنته الصدري اصرخ
::- ياكسرة گلبي، ياروح اختك لاتعوفني ما صدكت صار عندي اخو اسند روحي عليه
، انتَ مو كتلي جوعان اكعد اكل انتَ جوعان
ناااااايــف "
اباوع على خالد ولولد شالو واني وراهم اركض
اريدهم ياخذوني وياهم بس صدمني خالد من
كال::- ضَلي هنا بويه ضَلي "
عافوني أنوح والطم لطمت على صدري رفعت
أديه زلغت اخدودي
دموع::- ولج خيه كومي لا تسوين بروحج هيج
فدوه.. اذا اليه خاطر عندج، مابي شي لا تخافين
شهكت بصوت، والغصه احسها فطرت نص من گلبي::- ولج ما لحكت افرح بيه ما لحكت
يا كسرة گلبي يا كسرة روحي يا حيلي انتَ
يا ناااااايـف خويه"
ام خالد::- استهدي برحمان يمه كولي يا الله
هسه انتَ اتنوحين وتلطمين عليمن وعلي ما بي شي هسه يجيبو ويجون ومابي شي ان شاءلله
أنت تقرأ
هدية الشيخ خالد
Narrativa generaleومن بين اليتم الذي لا يرحم احد هناك ثلاثه ضحايه تعرضو لحالات انهيار شديد جداً من بعد الاسود التي لا ترحم ،هروب،اسرار،حقائق،التي لا توصف لدرجة الموت
