أ/ فاديا: قال عرفات وين هو?!
عبير: باروح انا اعالج جرح علي ي استاذة وفلتت الطلاب يلعبوا مع صحباتها وراحت
وصلت لاعند علي وع اساس بتعالجه قالت له: لاتقول لاحد من عورك, وفراس وعرفات قد علقتهم
علي: تمام
كملت الراحة والاولاد والبنات يرجموا منار ولجين ويقولوا انتوا ماتعرفوا تلاعبونا مثل عبير
كمل اليوم وروح كل واحد على بيته
الان التعريف
عبير: بنت في الصف الاول الثانوي رغم كبرها الا ان حجمها صغير من يشوفها م يصدق انها اول ثانوي علاقتها بمدرساتها تمام مرررة
والكل يحبها ..مشكلجية مع الطلاب والطالبات الكبار بس دايما تطلع الفايزة
تدرس بمدرسة كلها بنات م عدا من اول لا ثالث اولاد
اذا راحت للادارة او وصلت لهم شكوى عليها م يصدقو لانها قدام مدرساتها وبقية المدرسات بنت مؤدبة وطيبة صح مشاغبة بسس ببراءة (ما تحت السواهي دواهي.. ههه)
صحباتها ↯
منار: نص مجنونة
لجين: بنوتة طيبة وتحب الاكل سمينة وحاولت تعمل ريجيم
غدير:المقـــرب لعبير مرررة وتحبها عبير كثـــير وشكلها مثل عبير قصيرة والي يشوفهم يقول يقربوا لبعض
ماريا: العاقلة حق الشلة
مي: اخت عبير عاقلة مثل ماريا والثنين شبهه بعض بكثير حاجات
مروة: لا عاقلة ولا مجنونة نص نص وتساير الجميع
بس عبير الفص حق الشلة واكثر واحدة مجنونة بينهم طبعا غدير وعبير مثل م قلت لكم الاقزام حق الشلة صغاار احجامهم وم حد يصدق انهم ثانوية معرفتهم ببعض كانت من الابتدائية
كانو من صف رابع او ثالث صحبات وفي خامس انضمت منار ولجين وماريا ومروة عرفوها في سابع او ثامن والان هم في صف اول ثانوي
كل يوم نفس الموال مشاكل من عبير وصديقاتها يضحكوا من جنانها. ويحبوها كثير
غابت عبير عن المدرسة
جاء وقت الراحة وخرجوا وكانو الصغار ما يخلوا البنات يجلسوا كل شوي يروح واحد يسألهم اين عبير ومي تجاوب غايبة ..يروحو زعلانين
منار ولجين: اخيرا الحمد لله ع ما خرجنا من البوفية
لجين: قد كنت بفتحس
منار: احححح يا عبير ماشاء الله كيف تقدري تشتري ..الله يقومك بالسلامة
مروة: هي تروح تشتري من الكافتريا الجديدة للاولاد الضغار اول م توصل وبعدا تخارج نفسها. ماشاء الله قد توفيق وسمراء (الي في البوفية)يعرفوها اول م توصل ينجزوها وبعدا البقية.
لجين: فعلاَ بطلت المشتريات
منار: ههههه خليش ع صاحب البقالة حق بيتكم ههه
الكل ههههههه
لجين: والله يشوفني اول واحد ينجزها انا..هههه
خلص وقت الراحة وكانو البنات راجعين للفصل بس م في بنت مشيت من جمبهم الا ومسكت مي او غدير يسألوهم عن عبير
المدرسات وبنات المدرسة اولاد الصفوف الاولية حتى الحارس لما هم مروحين قال لهم: عبير اليوم م جاءت
لجين: ييييييي ما بقي احد بالمدرسة م سألنا عليها
منار: الان باقي منهم في الشارع لازم نعلق لوحة كبيرة ان عبير (غايبة)
ردت ماريا للحارس: ايي اليوم غايبة
الحارس: سلامات كنت افكر ان هذيك البنت ما تمرض
البنات: هههههههه
مي تهمس لماريا ومروة: يا سعم ليش
مروة: امشي امشي. هههه اختش ماشاء الله والنشاط
...وصلت مي البيت ...
عبير: هااا ماحد سأل عني
مي: ما
قاطعتها عبير: ماهوو كذااابة ما بش احد سأل ...كذابة
مي: لا تقاطعيني اولًا
وبعدين ما بقي حد ما سألنا عليش اليوم
ارتاحت عبير وقالت: فديتهم
مي:استاذات طالبات ومدرسين وطلاب حتى الحارس استغفر الله ماسلم منشش
مافعلتي بهم?!
عبير: هههههه انا ورقة ذهبية
مي: الحارس قال المفروض انتي ما تمرضي ... استغرب حين قلت انش غايبة
عبير: وليش ما امرض..علت صوتها وقامت تنط ع الفراشات انا مريضة تاعبة والله بهذة اللحظة دخلت امهم
ام عبير:هااا ميوش جيتي الحمد لله امسكي هذة المجنونة من الصباح ولا هجعت
عبير: حرام ع يا امي انا مسكينة
ام عبير: شوفي كيف تجنني وانتي مريضة ..هههه
مي: يا هبلاء والله من بكرة دوام
عبير: ماااعة عد ازيد بس بكرة اغيب
مي: والله ي امي لا اسحبها بكرة سحب
يوم جديد..
من الصباح فاقتتحس نفسها مريضة بس م حد صدقها. راحت للمدرسة ولما وصلت
عبير: هااا ي محمد (الحارس) انا م امرض صح!!
محمد : هههههه. وصلوها لش هههههه
عبير تمام تمام كل ششي سابر
محمد: اليوم عد اعزل
عبير للمة
محمد: منش.. م عتفعلي بي?! لايكون مثل فراس.. هههههه
عبير:شاجي لك قر من الزقعة
دخلت تمشي في الساحة والكل يصبح عليها والاولاد والبنات كلهم فرحانين انها جاءت
سلمت عليهم ومررت يومها مثل اي يوم
بس...
بعد الراحة :
عبير: استاذة ممكن اخرج
الاستاذة: خير... ليش?!
عبير: بسرعة قامت من مكانها وخرجت ركض من الفصل من غير م ترد ع الاستاذة ويدها ع فمها
الاستاذة: عبير...ها.. ي عبييير
التفتت للبنا وقالت: لهم ايش فيها ?!
البنات منهم الي هزت راسها ومنهم الي قالت مدري ومانعرف
غدير: استاذة.. مم.. ممكن الحقهااشوف مالها
الاستاذة: امممم روحي
راحت غدير تدور عبير تسأل من شافته قدامها استاذات وطالبات ما حد كان يشوفها
تأخرت غدير ومالقتها لا في دورة المياة ولا في فصل وقررت ترجع يمكن قد رجعت
رجعت دقت غدير: استاذة ادخل وتشوف مكان عبير لسا مش موجودة
الاستاذة: هااا وفيها عبير
غدير: م رجعت ليش انا دورتها م لقيتها قلت يمكن رجعت الفصل..
البنات يشوفو غدير ..ومي قامت من مكانها
مي: اسفة ي استاذة لازم تسمحي باروح ادور اختي
غدير: باجي معك
راحو يدوروها ..جاءين وهي قد خرجت من دورة المياة بعد م استفرغت واخذوها بنات صف اول يجيبوا لها ماء ومناديل
شوية غابت عن الوعي
راحت غدير لقتها بعد ما نادوا عليها البنات ومي لحقتها
شافوا ان عبير دوخت اخذوها وصحوها بعدين وهم ماشيين معاها للفصل وهي تقول لهم مافيها شي تمشي وتضحك دقوا الباب الاستاذة فتحت وعبير مزحت مع استاذتها والطالبات ولان استاذاتها متعوديت عليها ما اخذت عليها
عبير: اهلا فيني اكيد وحشتكم..
ياااه يا استاذة ما احلى الجلسة مع بنات صف اول
الاستاذة تضحك بس م بينت.. :يعني وين كنتي
عبير: شميت هواء في سواحل اوروبا وسافرت عبر البحر الابيض ولقيوني مي وغدير مع ماجلان لما كانوا في الكشوفات الجغرافية.. ههههه
الأستاذة والطالبات كلهم يضحكوا.. دخلت عبير تمشي شوية دوخت مرة ثانية
مي وغدير ع طول مسكوها وحكوا للاستاذة انه ثاني مرة تدوخ
ولما هم مروحين الاولاد يمشو مع عبير ويضحكوا معاها وهي تمزح معاهم
وصلو لا عند الحارس
عبير: طابت ي محمد بسرتني مريضة
محمد: هههههههه الي يبسرش والله يقول مش مريضة بس الله يشفيش.
عبير: -------
وصلو البيت ومع شمس الظهيرة الي زادتها تعب نامت وم اهتمت انهم يسعفوها واختاروا ان اخوها يجيب لها ابر وعلاجات للبيت بحكم انه دكتور
مر الوقت وصار لـ عبير اسبوع غايبة قررت ترجع المدرسة داومت اسبوع والاسبوع الجاي صار امتحاناتهم نصف العام..
أنت تقرأ
بسمة سرطان
Espiritualواقعية الاحداث ليس فيها من الخيال الكثيــر احداث القصة هي .. ان هناك فتاة بسمتها تخفي الكثير..حتۑ نهايتها كانت مبتسمة.. تابعو قرائتها وستستمتعون باٳذن الله .. يمنية باللهجة الصنعانية
