اروى دموعها نزلت بصدمه
اسر قرب منها عشان يمسحلها دموعها: متخافيش انا هبقى كويس و هرجعلك
اروى بعدت خطوه قبل ميقرب منها وهي لسه في صدمتها
اسر باستغراب: مالك ي اروى
اروى عيطت اكتر وهي بتنزل العبايه فظهر التاج الملكي بتاع
المملكه الشرقيه فبصلها بصدمه
اسر بدموع وهو بيهز راسو وبيقرب منها : اروى ل لا اوعي تقولي ا انك
اروى بصراخ وعياط زقتو: ايوه ي اسر انا ابقى السلطانه المستقبليه للمملكه الغربيه ايوه انا اخت السلطانه ي اسر انا ابقى عدوتك انا الي هتحرك بالجيش الغربي ي اسر
اسر وقف بصدمه ودموع
اروى بعياط: حكايتنا معروف نهايتها انا اسفه ي اسر. لبست العبايه وجريت وسابتو في صدمتو
في قصر زين
مايا: هوديلو انا الاكل هاتي. اخدتو من الخادمه وفي طريقها لغرفه زين وقفت في ركن وطلعت كيس صغير في بُدره بيضا وحطتها على الاكل بعدين دخلتلو: الاكل ي مولاي
زين وهو مشغول بالاوراق امامو: حطيه واخرجي
مايا حطتو على التربيزه وانحنت وخرجت وهي بتبتسم بخبث
في قصر اسراء
اسراء قاعده وجنبها نور بيتكلمو قاطع كلامهم دخول سيف و انحنى
اسراء: في حاجه ي سيف
سيف وهو ينظر لنور: سلطان المملكه الشرقيه بيخطط لبناء سد على طول النهر ليمنع وصول المايا لينا و يجعل المجرى بيروحلمملكه سليمان باشا
اسراء بتفكير: اسمع ي سيف اول لما يبدأو في البناء خد فرقه المدافع وحطمهم بحيث تخسرهم مبالغ كبيره...... سيف... سييييف
سيف بخضه: ها امرك مولاتي
اسراء: سمعت انا قولت اي
سيف: ايوه وهخلي الفرقه مستعده
اسراء: طيب روح انت
سيف نظر نظره اخيره لنور بعدين خرج
اسراء بصت لنور بخبث: يترا الي بفكر فيه حقيقي ولا لا
نور بخجل: ق قصدك اي
اسراء بغمزه: يبت عليا انا شكلك هتشبكي مع سيف
نور: لا ي مولاتي انا مبعتبرش سيف اكتر من زميل ليا
اسراء: ولله غبيه بكرا تندمي
دخلت اروى وهي بتجري والدموع مغرقه وشها واتجهت ل اوضتها
اسراء ونور اتخضو من شكلها ف جريو وراها وفضلو يخبطو على الباب
نور بقلق: افتحي ي مولاتي حصلك اي
اروى بعياط: سبوني لوحدي
نور وهي بتخبط: افتحي بس وفهمينا
اسراء بهدوء: سبيها
نور بصتلها
اسراء هزت راسها ومشيو
بعد مرور شهر
كانت اسراء واقفه في شرفه غرفتها وتنظر للمملكه الاخرى وهي تفكر فقاطع حبل افكارها وقوف اروى بجانبها
اسراء بهدوء: بقيتي كويسه
اروى هزت راسها بعدين قالت: ممكن اسألك سؤال
اسراء بصتلها بهدوء وهزت راسها بمعنى كملي
اروى بتوتر: ه هو يعني لي نعيش في حرب م مش احسن لو عشنا في سلم و
اسراء بصت قدامها: تقدري تقولي انتي عايزه اي من غير لف ودوران
اروى غمضت عنيها واخدت نفس طويل بعدين قالت بسرعه: لي في عداوه بنا وبين المملكه الشرقيه
اسراء بصتلها وكأنها عارفه انها هتسأل السؤال ده
عند زين
كان يقف نفس وقفه اسراء وينظر للقصر
اسر: تسمحلي اسألك سؤال
زين وعارف السؤال: القصه قديمه اوي بدأ كل حاجه من ١٦سنه كان الملك في الوقت ده السلطان عز (والد زين) وكان بيجمعو هو والسلطان مهاب علاقه صداقه قويه
عند اسراء و اروى
سكتت شويه بعدين اخدت نفس وبدأت تحكلها: عدى ١٦سنه على القصه دي كان السلطان مهاب والسلطان عز علاقتهم قويه لانهم اتربو مع بعض وفي يوم
زين: قررو يضمو المملكتين مع بعض عشان ميجيش يوم ويتخالفو وساعتها يفتكرو علاقتهم عامله ازاي وكان الشعب بيحبهم جدا بس
اسراء: مش ديما السعاده بتدوم
اسر واروى: لي اي الي حصل
زين قبض على ايدو بغضب: السلطان مهاب غدر ب السلطان عز
اسراء بعصبيه ورمت الفازه على الارض: غدر بيه رغم انو كان بيعتبرو اكتر من اخوه رشى حارس رخيص وحقير انو يدخل غرفه السلطان مهاب ويقتلو بالخنجر في قلبو
زين: ومكفهوش موتو لا وسرق كل الي قدر يشيلو ولولا وجود السلطان سليمان كان زماني انا كمان معاهم
اروى: ط طب والسلطان عز مات ازاي
زين: شرب من نفس الكاس واتعرض للخيانه واتقتل
اسر واروى : طلاما المملكه التانيه هي الي غلطت لي بدأت باعلان الحرب
زين واسراء بسخريه: بجاحه
بعد سكوت طال لدقائق
اروى واسر بهدوء: وعد مني لجيب حق السلطان وحق المملكه
اسراء وزين بابتسامه: وده الي عايز /ه اسمعو
اروى واسر: طب لي مفكرتيش تتفاوضي مع السلطان الحاضر
زين واسراء افتكرو حاجه ومحبوش يحكوها
اسراء ادت ل اروى ضهرها: الافضل السلطانه المستقبليه ترتاح لان الصبح في تدريب
اروى فهمت ان في حاجه مخبياها بس محبتش تجادل اكتر: تصبحي على خير ي مولاتي
اسراء هزت راسها من غير رد
اروى خرجت وهي واعده نفسها انها هتعرف السر الي مخبياه
زين بهدوء: الوقت اتأخر الاحسن انك تروح تنام عشان بكرا اليوم طويل
اسر انحنى وذهب لغرفته بدون كلام قعد يفكر شويه وعينو وقعت على الخاتم بتاع اروى مسكو وهو بيتأملو
في منتصف الليل
اروى دخلت اوضه اسراء وهي بتتسحب وفتحت الخزانه بتاعتها وفضلت تدور بين هدومها لغايه ملقت علبه فتحتها لقت ورق كتير بدأت تقراه *الى من سكنت قلبي احبك*
*کل شيء استطيع ان اكتفي منهہ الا نظرتيّ لكِ♫♥.""*"
* عندما اعود سأضمك و سأختلـِس رآئـِحتك وَ أخبئهآ فـِي رِئتيّ لأتنفسـَك كـُلما رآودنـِي الشـَوق اليك ...*
*أقسم أنني لا يمكن أن أحبك أكثر مما أُحبك الآن، ولكني أعلم أنني سأحبك أكثر غدا*
*لا سلطـة لنـا على قلوبنـا هى تنبـض لمـن أرادت ...! وقلبي اختار ان ينبض لك انت*
* تتذكرين ذات مره سألتني عن المكان المفضل الي ولم اجب فاكتفيت ان ابتسم براحه.... لان الاجابه مكاني المفضل هو معك*
*اعدك اننا سنبقى معا للنهايه انتظريني عزيزتي فاقترب نوعد القاء... احبك *
اروى: ي الله اي كل ده باين صاحب الرسايل دي بيعشق مش بس بيحب... لحظه اي ده. لقت علبه صغيره وسط الورق فتحتها فلقت سلسله بخيط اسود ونص قلب ومكتوب عليها حرف بس مش عارفه تحددو لانو مكتوب بطريقه غريبه
سمعت صوت اقدام فرجعت كل حاجه مكانها وطلعت البلكونه وقفلتها بسرعه. وكان الي دخل اسراء بصت حواليها بعدين اتجهت للخزانه وطلعت السلسله وبصتلها بتأمل وقفلت قبضتها عليها وهي بتضمها ودموعها نزلت. وكل ده تحت مراقبه اروى الي بتشاهد بدهشه فهي كانت على وشك ان تشك ان ليس لها قلب. فضلت تراقبها بصمت وهي حزينه عليها رجعت خطوه لورا فوقعت فازه واسراء اتنفضت ومسحت دموعها بسرعه وقربت عشان تشوف مين في اللحظه الي اروى نطت ل اوضتها ولحسن الحظ ان الاوضه قريبه جدا من اوضتها ف استخبت لغايه. اسراء فتحت البلكونه وبصت حواليها بعدين اتأكدت ان مفيش حد ودخلت
اروى فضلت لوقت طويل مش عارفه تنام وتتقلب على السرير فلقت نفسها تلقائي بتغير هدومها وبتلبس العبايه ورجليها ودتها للنهر ودي اول مره تروحو في الوقت ده يالله سبحانك كانها من الجنه :معرفتيش تنامي بعد م سمعتي الحكايه
ارور وهي لسه على وضعها ف هي تعرف صاحب الصوت: حاسه ان في حاجه غلط
اسر: وانتي الصادقه الموضوع كلو غلط... مرديتش تحكيلك صح
اروى: فتشت في حاجتها ومفهمتش حاجه بالعكس اتعقدت اكتر
اسر مسك اديها: اطمني انا جنبك لغايه منوصل للحقيقه
اروى ابتسمت وهي بتفتكر
فلاش باك
اروى كانت بتعيط بحرقه قصاد النهر
اسر ببرود: ديما اسمع عن دموع التماسيح اول مره اشوفها في الحقيقه
اروى بصراخ وهي بتضرب فيه: انت اي ي اخي قلبك ده حجر عمرك مهتحس باحساس الوجع الي انا فيه م بين قلبي وعقلي حرام عليك اي الي دخلك حياتي انا عمري مكنت حابه الحرب ولا عيزاها ذنبي اي اني حبيتك ذنب اي اني حبيت عدوي
اسر حضنها بدموع وهي بتحاول تبعد وبتعيط
باك
اسر بابتسامه: فاكره ساعتها قولتلك اي
فلاش باك
بعد عنها لما هديت: يمكن طلع عندك حق الصدف والحب موجدين. مسك اديها: احنا الي هنحدد النهايه ي اروى مش عشان حبنا بس عشان في ناس هتتظلم في حرب مجهوله مش عارفين مين صح ومين غلط ربنا خلانا نتلاقى ونحب بعض عشان نظهر الحقيقه وانا ولله العظيم مهسيبك ابدا
باك
اروى بإبتسامة: عرفت تطمني ساعتها
اسر بحب: وهفضل اطمنك عمري كلو لاجل عيونك
اروى ابتسمت وبصت في الارض بخجل
اسر: لاوم امشي عشان السلطان ميحسش بغيابي وعلى معادنا بقى
اروى: خلي بالك من نفسك
اسر باس راسها ومشي وهي وقفت تبص لطيفو بابتسامه وحب لفت ولسه هتمشي وقفت مكانها من الصدمه: ا اسراء
.................................. ......................................
اسر دخل غرفتو فلقى زين في وشو ف اتوتر
اسر بتوتر حاول اخفاءه انحنى: مولاي
زين: مالك وشك اتخطف كأنك شوفت عفريت
اسر: العفو مولاي بس مستغرب سبب مجئ حضرتكم لغرفتي المتواضعه
زين: كنت بلف على الحراس فقولت اعدي عليك
اسر: نورت ي مولاي.كمل و هو رايح يعمل مشروب: تحب تشرب اي
زين بهدوء: شويه شاي مش هيضر
اسر بدأ في صنع الشاي حتى صدمو سؤال زين
زين بهدوء: كنت بتعمل اي عند نهر الحرب ي اسر
اسر وقف عن الحركه وبص قدامو بتوتر وقلق
عند اسراء
اسراء دخلت هي و اروى وبمجرد دخولهم اروى كانت هتجري بس وقفها صوت اسراء الحاد
اسراء بصوت عالى وحده: مكااااانك
اروى وقفت من الخوف بس حاولت تتشجع ولفتلها: نعم
اسراء اتحركت ناحيتها بهدوء مخيف ووقفت قدامها وضربتها بالقلم بقوه
اروى بصتلها بصدمه
اسراء: خنتي العهد وخنتي العرش تستحقي الموت على الي عملتيه مش كده
اروى بشجاعه: انا معملتش حاجه غلط
اسراء بصوت عالي وزعيق: لما تخالفي اوامري لا وفوقيها تحبي من اعدائنا تبقي مغلطتيش
اروى: ي مولاتي الحقيقه ان
قاطعتها اسراء بحده: اخرسيي مش عايزه اسمع صوتك حبك للواد ده تنسيه تماما انتي فاهمه
اروى بزعيق: انتي ب اي حق ترفضي حبي
اسراء بزعيق اكبر: لما تكوني بتحبي من اعدائنا يبقى لازم اوقفك عند حدك اما بقى بأي حق. قربت منها بهدوء: انا السلطانه وليا الحق في كل شئ و الي عملتيه يخالف قانون المملكه وبكده يكون ليا الحق اني اسجنك. رفعت راسها بشموخ: دلوقتي هتختاري ي تسيبي حبك وتنسي انك قابلتيه بل وهتكون نهايته على ايدك كمان او انك تتسجني
اروى بدموع وغضب: انتي بتعملي فيا كده لي هو انا مش اختك
اسراء رجعت لكرسيها الملكي وهي بتتكلم بكبرياء:كويس انك فاكره اني اختك وعارفه خطوره موقفك لانك من العيله الملكيه ورغم كده خالفتي القوانين والقانون قانون بيمشي على الكل حتى عليكي انتي ولا انتي اي رأيك
والباقي انتو عارفينو
عند اسر
اسر اتحكم في نفسو ولفلو بهدوء: كنت بدرس المنطقه هناك عشان يوم الحرب ي مولاي
زين: تدرس المنطقه في وقت زي ده
اسر بهدوء: الصبح وارد حد من العدو يروح هناك
زين وقف: اتمنى يكون كده فعلا تصبح على خير
اسر: وحضرتكم بخير
زين خرج واسر اتنهد بارتياح سمع صوت خبط على الباب استغرب وراح فتح لقى واحده مغطيه وشها و
اسر باستغراب: انتي مين
ظهرت وشها وقالت: انا خادمه من مفضلات السلطانه المستقبليه واسمي ليلي وجيت اقولك ان السلطانه المستقبليه في خطر
اسر: خطر ازاي
ليلي :السلطانه عرفت بعلاقتكو مع بعض وحصلت مشكله كبيره وحبستها في غرفتها وهتوديها المحكمه الملكيه بكرا
اسر: انتي متأكده من الكلام الي بتقوليه ده
عند اسراء
اسراء ببرود موجهه كلامها لسيف: خد معاك كام حارس يكونو شداد وتروحو نهر الحرب
سيف باستغراب: في معلومات وصلت جديده ولا اي
اسراء: وزير دفاع المملكه الشرقيه هيكون هناك تجبهولي حي فاهم
سيف بانحناء: امرك مولاتي
سيف مشي واسراء ابتسمت ابتسامه جانبيه
سيف وهو ماشي وقفتو نور
نور بابتسامه: اذيك ي سيف
سيف بفرحه شاور على نفسو: ب بتكلميني انا
نور ضحكت: هو في حد غيرك هنا
سيف بسعاده وحب: انا بقيت كويس لما شوفتك
نور باستغراب: انت طالع من عند السلطانه
سيف: ايوه كانت عيزاني
نور: عيزاك في اي
سيف: ابدا ي ستي عيزاني اروح نهر الحرب بكرا عشان وزير دفاع المملكه الشرقيه هيبقى هناك
نور بغموض: قولتلي بقى.... انا هضطر امشي دلوقتي عشان وقفتنا في الوقت ده غلط اتمنى نتقابل تاني
سيف بسرعه: بكرا في الحديقه الخلفيه اي رأيك
نور قربت منو وقالت بهمس : متتأخرش. ودخلت غرفتها
سيف بفرحه وصوت عالي: ده انا هبات هناك عشانك. ومشي وهو فرحان حتى اوقفتو ليلي
ليلي بإبتسامة: اذيك ي سيف
سيف بفرحه: انا زي الفل
ليلي باستغراب: مالك انت كويس
سيف بسعاده: انا عمري مكنت كويس قد انهرده
ليلي بضحكه خفيفه: طب ي سيدي فرحني معاك
سيف بفرحه: نور اتكلمت معايا ي ليلي وهنتقابل بكرا كمان انا بحبها اوي ي ليلي مش مصدق انها اخيرا حست بيا
اختفت الابتسامه من على وجهها بالتدريج وهي تستوعب حديثه: ب بتحبها
سيف باستغراب: مالك انتي زعلانه من حاجه
ليلي وهي تحاول الابتسام: ل لا لا بالعكس انا فرحانالك اوي ي سيف ع عن اذنك عشان ورايا شغل. لسه هتمشي اوقفها سيف قائلا: مش هنسهر انهرده على التل
ليلي ابتسمت بمراره: م معلش ي سيف بس تعبانه شويه ولسه ورايا حاجات السلطانه طلبتها مني ولسه معملتهاش
سيف بابتسامة: ماشي ي ستي بس هتعوضيلي اليوم ده
ليلي هزت راسها وهي بتكتم دموعها ومشيت من غير كلام
: بتحبيه
ليلي مسحت دموعها بسرعه ولفت: اسر باشا ح حضرتك بتعمل اي هنا
اسر: متوهيش بتحبيه
ليلي هزت راسها: ل لا طبعا سيف زي اخويا مش اكتر
اسر: كدابه ي ليلي
ليلي وهي تحاول اخفاء الموضوع: مش هينفع تدخل للسلطانه المستقبليه من باب غرفتها عشان في حراس الطريقه الوحيده هي انك تنط من البلكونه
اسر: طب يلا
في مكان تاني
مايا: كلو تمام ي مولاي ودلوقتي كل واحد بيخطط ينتقم من التاني ازاي
: الاهم من كل ده اسر و اروى يختفو بذات اروى لانها السلطانه المستقبليه عشان لما نقتل السلطانه يكون العرش فاضي والطريق يسهل علينا
مايا: متقلقش هتشرق الشمس وتسمع خبر اختفائهم
: والدوا
مايا: بدهولو بانتظام م انت عارف انو بيثق فيا عشان مفضلتو
سحبها ليه: ومفضلتي
مايا ضحكت بدلع: ومفضلتك
عند اروى
اروى كانت لسه على وضعها وعنيها احمرت من كتر العياط: بكرهكو كلكو مش هسامحكو ابدا. سكتت لما سمعت خبط خفيف في البلكونه
اروى بخوف: م مين
اسر بصوت واطي: افتحي ي اروى انا اسر
اروى بصدمه: اسر. جريت على البلكونة بسرعه وفتحتها واسر دخل وقفل البلكونه
اروى وهي بتبص حواليها: انت بتعمل اي هنا اي الي جابك
اسر مسك اديها وقعدها على السرير وهو قعد على الارض قدامها بهدوء: مقدرش اسيبك ابدا
اروى بخوف: الله يخليك امشي لو السلطانه شمت خبر عن وجودك هتقتلك
اسر: اهدي واسمعيني
اروى: طيب بسرعه
اسر بهدوء: اروى احنا لازم نهرب
اروى بصدمه: ن نهرب
داستوووور سياده السلطانه اسراء
اروى بصت للباب بخوف واسر رفع السيف و...
فوق التل
: مش قولتي ان وراكي شغل على فكره دي خيانه انك تيجي هنا لوحدك
ليلي وطت راسها عشان متظهرش دموعها: خلصت بدري قولت اجي اقعد هنا شويه
سيف رفع وشها ليه واستغرب دموعها: انتي بتعيطي
ليلي بابتسامة: ل لا لا ده في حاجه دخلت في عيني
سيف مسح دموعها واتكلم بحنان: مالك ي ليلي حد زعلك ط طب انا زعلتك
ليلي مقدرتش تمسك دموعها اكتر: ايوه ي سيف زعلتني لماتعلقني بيك من صغرنا وفي الاخر تختار غيري وتفضلها عليا تبقى زعلتني لما احس ان نار قايده في قلبي كل مسمعك بتحكي عن حبك ليها تبقى زعلتني لما تقعد تقولي انتي اختي وانت بتعمل كل جهدك اني اتعلق بيك لغايه محبيتك تبقى زعلتني لا ي سيف انت دبحتني بكل برود وانا شيفاك بتتكلم عليها ومش حاسس بيا ولا ب قلبي الي بيتكسر كل ميشوف لمعه عينك ليها مش ليا وانا الاحق بيك مش هي انا الي عشت طفولتي كلها معاك مش هي انا الي حفظت تفاصيلك مش هي انا الي في عز تعبك بهتم بيك مش هي انا ي سيف.... سكتت وسابت دموعها تكمل وجعها منو وتشكي لقلبو قد اي تعبت وقد اي استحملت
سيف وهو مصدوم ومش عارف يقول اي: ا انا م مكنتش اعرف
ليلي وهي بتمسح دموعها: واديك عرفت هتعمل اي ي سيف
سيف معرفش يقول اي هو فعلا ميعرفش هيعمل اي
ليلي ابتسمت بمراره: شوفت انك تعرف او لا مش فارقه بس كان لازم يجي وقت وتعرف واهو جه.... انا هبعد ي سيف هبعد وانا بتمنالك السعاده مع نور انت تستاهل كل حاجه حلوه بتمنالك تعيش اجمل ايام حياتك معاها وصدقني عمري مهنساك..... وسابتو ومشيت وهو واقف مصدوم لسه مستوعبش كلامها حس قد اي هو غبي ازاي مشفش حبها ليه ولا شاف لهفتها لما تشوفو بس غصب عنو هو معرفش يشوفها في خانه الحبيبه ابدا ديما شايفها صديقتو المقربه اختو الي اتربت معاه لاكن كحبيبه عمرومشافها فيها. مسح على وشو بتعب وبص للسما وهو بيفكر
عند ليلي
دخلت غرفه الخدم وعنيها حمرا من العياط
نور باستغراب: مالك ي ليلي وشك اصفر كده لي وعينك حمرا انتي كنتي بتعيطي
ليلي اترمت في حضنها وهي بتعيط
نور بخضه: مالك ي ليلي بتعيطي كده لي
ليلي بعياط وشهقات: الشخص الي بحبو طلع بيحب واحده تانيه ي نور
نور وهي بتبطب عليها: اهدي بس وفهميني هو مين ده.
ليلي كانت هتقولها بس سكتت لما حست انها هتبقى انانيه. بعدت عنها ومسحت دموعها: مش مهم اسمو انا خلاص قررت انساه كفايه تعب قلبي لغايه كده
نور حضنتها وهي بتمسح عليها شعرها وبتبسم: برافو عليكي ي حبيبتي لازم تنسيه برافو
في غرفه اروى
اسراء دخلت وقربت من اروى الي قاعده على السرير بتوتر وتفكرها كلو في اسر لو اسراء شافتو اي الي هيحصل اكيد هتقتلو كانت بتدعي من جواها انها متشفهوش وقلبها بيدق بقوه
اسراء مسحت على شعرها: لسه زعلانه مني ي اروى
اروى مردتش
اسراء: انا حاسه بيكي وعارفه انك موجوعه بس
ارور قاطعتها: بس انتي عمرك مهتحسي بيا ي مولاتي لانك مجربتيش تبعدي عن الشخص الي بتحبيه لمجرد قوانين اتجبر علينا ننفذها ومش مهم ان كانت عادله ولا لا
اسراء: اولا انا دلوقتي اختك مش السلطانه. ابتسمت اروىبسخريه ومردتش: ثانيا بقى مين قال اني مجربتش
احساسك. اروى بصتلها باستغراب فضحكت ضحكه خفيفه: م اكيد متخلقتش كده
اروى: قصدك انك
اسراء كملت: جربت احساسك وحبيت
يتبع
