اسر حزن انها مش واثقه فيه فخرج خنجر صغير واداهولها: كنت واعد نفسي يتبقى معايا ونصلح كل حاجه ي الموت اهون... بس الموت على ايدك احسن بكتير اعتبريه اخر طلب. حطو عند قلبو ومسك اديها وحطها على الخنجر
اروى هزت راسها وهي بتعيط ورمت الخنجر بعيد و حضنتو : لا انا ولله العظيم بحبك وواثقه فيك بس خايفه من الي هيحصل خايفه من الحرب الي هتقوم
اسر مسح على شعرها: مع بعض هنحل كل المشاكل بس لازم نمشي ي اروى
اروى مسحت دموعها وهزت راسها
عند اسراء
اسراء بغضب: هي دي الحريقه الي هتحرق المملكه كلها
الحارس بندم: ولله ي مولاتي الدخان كان كبير وجاي من الاستطبل
اسراء لسه هتتكلم بعصبيه بس سكتت وهي بتبص على الاسطبل بعيون حمرا والغضب اتسرم على وشها ببطئ وجريت على غرفه اروى ملقتهاش طلعت البلكونه وبصت حواليها لقت الخنجر مسكتو ولقت شعار المملكه الشرقيه فقالت بصراخ: ارواااااااااااااا
على الجهه التانيه
اسر ماسك ايد اروى وبيجرو مكنوش بعدو اوي ف اروى وقفت وبص وراها بحزن وهي سامعه صوت اسراء
اسر شد اديها: يلا ي اروى مفيش وقت يلا بسرعه. وكملو جري ودخلو جوا الغابه واختفو عن الانظار
عدى اسبوعين على اليوم ده ما بين استمرار اسراء في البحث عن اروى وبحث زين عن اسر لاختفأه المفاجئ غير ذهاب ليلي من القصر وهي تحسم امرها ان تنسى سيف نهائيا ومن الجهه الاخرى اقتراب نور وسيف من بعض كل يوم عن قبلو. وفي يوم
مايا بضحك: طبعا انت مبسوط ان خطتك نجحت من غير محاوله
: اهي جت من عند ربنا واختفو فاضل بس حاجه صغيره وكل حاجه هتتحل
مايا: اي هي
: اسمعي بقى.........
مايا ثقفت: اهو كده اللعب هيحلو
: المهم بلغي سامر(واطييي واطي خالص... ايوا واطييي واطي خاالص 😁😁 اسفه كملو ) عشان يشتغل على الموضوع ده ويوقع السلطانه في الفخ
مايا: تمام اعتبر الموضوع تم
في بيت بسيط وسط الغابه
كانت واقفه في الشباك وهي بتفكر
فلاش باك
اروى بتعب: طب احنا هنروح فين
اسر : قربنا نوصل متقلقيش
بعد شويه كانو وصلو لبيت بسيط على الشجره
أروى باستغراب : بيت مين ده
اسر: ده بيتي القديم ومتقلقيش محدش يعرف عنو حاجه
اروى دخلت وبصت حواليها بإبتسامة كان البيت على قد م هو بسيط على قد م هو جميل جداً
اسر : عارف انو مش وقتو بس...... تتجوزيني ي اروى
اروى ابتسمت ودموعها نزلت: طبعا موافقه
باك
فاقت على ايد بتحاوط خصرها: صباح الورد على عيون اجمل وارده في الدنيا
اروى لفت بابتسامه: صباح الورد ي حبيبي
اسر سكت شويه بعدين قال: اروى انا اسف اوي
اروى بصتلو باستغراب: بتتأسف على اي
اسر مسح على شعرو بحرج: يعني البيت قديم و
اروى قاطعتو: اسر انت بجد شايفني كده. مسكت ايدو:اسمع ي اسر انا طول عمري عايشه في قصر بس عمري م حسيت بدفئ ولا راحه الى هنا انا مش فارقلي المكان رغم انو بنسبالي جنه المهم انك معايا فيه
اسر حضنها: مش عارف اقولك اي بس كلامك شال حمل كبير من على قلبي. اروى ضغطت على حضنو ومردتش وعدت دقايق وهم على نفس الوضع
اسر بعدها شويه و داعب انفها ب انفه: حبيبتي مالها مضايقه لي و متقوليش مفيش انا ملاحظ زعلك بقالك يومين بس حسيتك عايزه تفكري مع نفسك شويه بس سكوتك بيقلقني عليكي فبالله قولي اي الي مضايقك ونحلو سوا
اروى اتنهدت وهي بتبتسم بتعب: بفكر في الي احنا فيه ي اسر
اسر محاولا ان يطمئنها: متقلقيش ي حبيبتي الحرب مش هتقوم طلاما احنا مش موجدين وده هيوفرلنا وقت اننا نلاقي حل ونكشف الحقيقه
اروى : خايفه اوي
اسر اخدها في حضنو: اوعدك ان كل ده هينتهي
وهنعيش في امان وكل الي كان السبب هيدفع التمن غالي اوي
اروى: يارب ي اسر يارب
عند اسراء
اسراء بهدوء: انا معنديش اي اعتراض على جوازك من نور بس اديك شايف الظروف الي احنا فيها
سيف بتفهم: فاهم طبعا ي مولاتي بس حبيت اعرفك عشان ميكونش في حاجه بتحصل من وراكي
اسراء ابتسمت بهدوء: مبروك مقدما و اوعدك ان بعد م الظروف تتحسن شويه هعملك احتفال ضخم في القصر واعتبرها هديه جوازك
سيف بسعاده: بشكرك ي مولاتي
اسراء بإبتسامة: وريني شطارتك بقى... المهم استدعيلي الوزير سامر بسرعه لامر هان
سيف: امرك ي مولاتي. وخرج في طريقو لغرفه سامر وقف امام الغرفه واطرق الباب ودخل فاذا يرى سامر يرتبك ويطوي ورقه باهمال ويضعها في الدرج : خير ي سيف في حاجه
سيف: السلطانه طلبت استدعائك في غرفه الاجتماعات لامر هام
سامر وقف بتوتر وربكه واتجهه للباب: ت تمام انا رايح اهو. وخرج
سيف لسه هيخرج بس فضولو انو يعرف سبب تخبأه سامر لتلك الورقه يزداد فذهب وفتح الدرج واخذ الورقه وبدأ في قرائتها
*من السلطان سليمان *(اتفاجئت...لو متفاجئتش اعمل نفسك متفاجئ عادي ) سيف استغرب: اي سبب الي يخلي السلطان سليمان يبعت رساله لسامر باشا. اكمل قرائه *لقد توصلنا لحقيقه اختفاء السلطانه المستقبليه وهي هروبها مع قائد الجيش الشرقي اسر بمساعده من الخادمه ليلي ولاكن... لتنفيذ الخطه المتفق عليها يجب اولا قتل الخادمه ليلي لانها الوحيده التي تعرف مكانهم ثانيا ان تصل للسلطانه اسراء ان سلطان المملكه الشرقيه هو من الذي اختطف السلطانه المستقبليه ليعجلو بحدوث الحرب حينها يتم قتل كلا من السلطان زين والسلطانه اسراء وذالك بعد نجاح الخطوات الاولى بدايه من قتل السلطان عز والسلطان مهاب الى تفرقه وانشاء الحقد والكره بين السلطانين اسراء و زين والان عليك التعجل في نقل الاخبار للبدأ في نهايه الخطه *
سيف كان بيقرا ومعالم الصدمه على وشو: معقول يكون سامر هو الخاين..... انا لازم اعرف السلطانه بسرعه. وجري على غرفه الاجتماعات وفتح الباب بس ملقاش حد فجري على برا قابل نور في وشو
سيف بسرعه: نور متعرفيش فين السلطانه
نور باستغراب: خرجت مع سامر باشا لان انهرده اليوم الي بيلفو فيه المملكه عشان تتاكد من احوالها
سيف مسح على وشو بنفاذ صبر: طب متعرفيش ليلي فين
نور: اكيد راحت بيت اهلها بس بتسأل لي في حاجه حصلت
سيف بعصبيه: سامر هو الخاين ي نور
نور بصدمه: اي.. وعرفت ازاي
سيف: لقيت خطاب مبعتلو من السلطان سليمان وهو بيقول انهم السبب في كل الي حصل.... انا لازم اروح ل ليلي بسرعه هي الوحيده الي تعرف مكان السلطانه المستقبليه
نور بسرعه وهي بتاخد الشال بتاعها: انا جايه معاك يلا بسرعه. خرجو وطلعو على الحصان وانتلقو بسرعه البرق
عند زين
زين بغضب: انتي متأكده من الكلام ده
مايا: ولله وانا في السوق سمعت الناس بتتكلم وبتقول ان اسر باشا راح عشان يقابل عشيقتو هناك وطلعت عملالو كمين ومسكوه ودلوقتي هو اسير هناك ولو مش مصدقني اسأل حتى رئيس الخدم كان معايا وسمع كل حاجه
رئيس الخدم: للاسف ي مولاي الكلام ده صح
زين بغضب جحيمي: اقسم بالله لمحيهم من على وش الارض. وجهه كلامو ل مايا: تروحي ل رئيس الجيش وتقوليلو يجي على غرفه الاجتمعات بسرعه فاهمه
مايا بخبث: فاهمه طبعا. وخرجت وهي بتبتسم بانتصار: بدأت اللعبه ي مولاي السلطان زين
عند اسراء
كانت بتمشي هي وسامر حوالين المملكه بهدوء لغايه مقاطعو سامر وهو يقول: مولاتي في امر مخبينو عليكي
اسراء باستغراب: اي هو
سامر: الحقيقه ان السلطانه المستقبليه مهربتش لاكن للاسف تم اختطافها من وزير الدفاع المملكه الشرقيه بعد استدراجها
اسراء بغضب: انت بتقول اييييي
اسراء سكتت لما سمعت الناس بتتكلم عن الموضوع ده وبيأكدو كلام سامر
اسراء بغضب جحيمي: جهز الجيش ي سامر الحرب هتقوم بعد شروق شمس اليوم التالي
عند ليلي
ليلي بهدوء: انا معرفش حاجه
سيف هزها وقال بصراخ: انطقي ي ليلي حياه السلطانه في خطر لازم نوصل للسلطانه المستقبليه بسرعه قبل م الحرب تقوم
ليلي بصدمه: حرب
نور: ايوه ي ليلي طلع في مؤامره معموله على المملكتين وللاسف نجحو والحرب هتقوم لو موصلناش للسلطانه المستقبليه في اسرع وقت
ليلي: مكانهم في.... وسط الغابه.سيف يجري على الحصان ونور وراه وجريو بسرعه للمكان
ليلي بتفكير: لحظه لو سامر لوحدو مع السلطانه.. انا لازم الحقها. ركبت حصانها وجريت على القصر
بعد شويه
سيف و نور وقفو وعنيهم بالف حوالين المكان وهم في وسط الغابه
نور: شكلها كانت بتكدب علينا
سيف: اكيد لا هي مش هتستفاد حاجه لما تكدب في
حاجه زي دي
نور: ممكن تكون معاهم
سيف: لا لا يستحيل ليلي تعمل كده
نور: بس
سيف بعصبيه وصوت عالي: نووور الكلام منتهي
عند ليلي
لسه هتدخل القصر سمعت صوت همس قربت براحه واتصدمت من الي سمعتو
سامر بعصبيه وصوت هامس: انتي اتجننتي ازاي تيجي هنا افرضي حد شافك ي مايا
مايا: كان لازم ابلغلك الي حصل و. قربت منو وحطت اديها على صدرو وقالت بدلع: ونحتفل بنجاح خططنا هو انا موحشتكش ولا اي
سامر بملل: ولله موقتو خالص سبيني في المصيبه الي انا فيها
مايا: مصيبه اي
سامر: سيف عرف اني الخاين وراح ل ليلي هو و نور عشان يعرفو مكان اسر و اروى
مايا: وانت قلقان لي مش نور معاه
سامر: ايوه
مايا: خلاص هي عارفه هتتصرف معاه ازاي
ليلي حطت اديها على بؤها وقالت بهمس: سيف
عند سيف و نور
سيف بخنقه: هنعمل اي دلوقتي
نور: الاهم من كل ده نجبلهم دليل ان كلامنا صح سيف: معايا الخطاب الي لقيتو في غرفه سامر
نور: فين ده
سيف طلعو: اهو
نور مسكتو وبصت فيه بعدين قطعتو
سيف بعصبيه: اي الي انتي عملتيه ده
نور بهدوء: كده الدليل الوحيد ضدنا اتقطع
سيف بعدم تصديق: ي يعني ا انتي
نور قربت منو لغايه مبقاش بنهم مسافه وحسست على وشو: هتوحشني اوي ي سيف. وخرجت خنجر وضربتو في بطنو
سيف كان باصصلها بصدمه والدم بيخرج من بؤو و...... يتبع
