هدى ... نطلك بعد شهر
دكتور حسن ... انصدمت بردها مجنت متوقع هالكد راح تكرهني وجنت متصور بس نتزوج راح تنسى الصار اني الج ياهدى
متفق وياج بس اهم شي تعامليني كااصدقاء تنسين كل الصار خلال شهر اطلكج
هدى ... خوش متفقين
راح اروح انام تصبح على خير
دكتور حسن..وانتي من اهل الخير
..
هدى ..رحت نمت ضليت اتكلب لأن متبدل مكاني
ضليت افكر بكلام حسن شخصيته وأسلوبه لو مصار السابق كان اتقبلته بس جبرني علي
ع ثاني يوم كعدت غسلت ورحت للمطبخ شفته جايب ريوك وصمون هستوني والجاي ع النار
كتله صباح الخير
دكتور حسن... صباح النور هله عيني ست هدى تعالي اكعدي اتريكي
هدى ..كعدت اتريك وهو يسولف ويضحك اباوعله
صفنت علي
دكتور حسن..ها هدى صفنتي
هدى ... لا مابيه شي وكمت رحت صفطت الغراض
ضلينا كااصدقاء انسسولف ونضحك ونتشاقه
مر ع هالحال اسبوعين
..
دكتور حسن...ها ست هدى شنو رائيج نطلع اليوم نتونس
هدى ... ي علواه كلش محتاجه اطلع
دكتور حسن...ي يله اتحضري وخلي نطلع
هدى .. رحت بدلت وخليت اشويه مكياج ولبست كعب ونزلت
ورحنا للالعاب كلي
دكتور حسن.. تعالي نركب سفينه
هدى. ..اني اخاف
دكتور حسن...اني وياج
هدى ... اخاف والله خلينا بس انباوع أو شي خفيف نركب
دكتور حسن.. اني وياج اني اريد اركب تعالي جربيها وياي
هدى ..يله
رحنا ركبنا واول مابدت حسيت نفسي راح اطير كلش خفت كتله دكتور فدوه نزلنا
دكتور حسن...ياا شلون انزلج بدلت هستوني ميقبلون ع النص ويكطعوها
هدى. ..فدوه عزااااا وكممشت بي وكمت أصيح وهو حضني حيل حسيت باامان
دكتور حسن...ييي مشتاق لهل الحضن لو تحس بيه شكد احبها شيصير
هدى ..خلصت اللعبه ونزلنا اريد اوكف مااكدر حسيت بطني توجعني رحت استفرغت و غسلت وهو كامشني
ورجعنا للبيت وتمددت حسيت جسمي يوجعني
دكتور حسن..هدى راح اجيب عشاء إذ حسيتي بيج شي خابريني
هدى ..اوك
طلع حسن واني ضليت افكر واجت أبالي شغله ضليت مصدومه معقوله البالي صح
....
تحياتي الكاتبه ام مهدي
